Isaías 53 - Tayta Diospa Wilakuynin

¹ Wilakuyashqäta ¿piraq chaskikush? Tayta Dios imano salvamashqansita musyasiptinpis ¿piraq tantiyakush?

² Tayta Diospa sirviqnin paypa nawpanchömi shaksharqan. Saki pasachöpis jaqwäkur sheqlimuq jachanömi winarqan. Pay manami kuyaylapaqsu ni rikapäkuy munaysu karqan.

³ Runakuna payta manakaqman churarmi chaskikuyarqansu. Fiyupa nanaywanmi nakarqan. Pipis manami rikaytapis munarqansu. Chikiyashpanmi pipis cuentarqansu.

⁴ Paymi qeshyansikunata apakush. Paymi nanayninsikunatapis jorqush. Jusalikushqanpita Tayta Dios castigaykashqantami yarparqansi.

⁵ Sayno yarpashqapis noqansi mana cäsukuq kashqansipitami tuksish karqan. Noqansi jusalikushqansipitami wanusish karqan. Tayta Dioswan ali kawayta tarinansipaqmi castigash karqan. Yawarlana ushash karmi aliyäsimashkansi.

⁶ Lapansimi oqrakash uyshano kaykansi. Tayta Diospita witikush karmi munashqansino kawaykansi. Sayno kaykashqapis lapan jusansitami Tayta Dios payta jitapash.

⁷ Pasaypa maqayaptinpis manami imatapis parlakurqansu. Uyshata pishtananpaq apaqnömi payta apayarqan. Milwanta rutuyaptin uysha wiyaräkushqannömi upälala wiyaräkurqan. Sayno upälakushpan manami juk shimilapis parlakurqansu.

⁸ Imayka jusayuqtanömi juzgayänanpaq prësu apayarqan. Payta wanusiyaptin surinpis manami karqansu. Kuyashqä runakunapa jusankunapitami fiyupa nakarqan.

⁹ Pay manami jusalikurqansu ni pitapis lulaparqansu. Sayno kaptinpis jusasapakuna y rïcukuna pampakuyänanmanmi pampayarqan.

¹⁰ Sayno nakanantami Tayta Dios munarqan. Consagrasina sacrificiuno wanuptinmi miraqninkuna saysikaq kayanqa. Nirkur aska watami kawanqa. Pay kayninpami Tayta Dios munashqanno lapanpis kamakanqa.

¹¹ Nakashqan alipaq kashqanta rikarmi kushikunqa. Tayta Diosmi nin: <

¹² Kikin salvakunanpa trukan jusayuq runanölami wanurqan. Runakuna rayku wanurmi paykunata perdonanäpaq manakamarqan. Saymi payta churashaq mas respitash kananpaq. Guërracho vinciqkuna imaykatapis chaskiyashqannömi paypis premiuta chaskinqa>>.