Isaías 52 - Tayta Diospa Wilakuynin

Jerusalénta salvananpaq nishqan

¹ ¡Sión, rikchay, rikchay! ¡Shumaq kalpasakuy! ¡Santu Jerusalén marka, kuyaylapaq mödanaykita jatikuy! Diosta mana cäsukuq jäpa runakuna manami imaypis atacayäshunkinasu.

² ¡Jerusalén, sharkur janaykicho kaykaq qanrata tapshikuy! Prësu kaykaq Sión, kunkaykicho wataraykaq cadinakunata jorqur trönuykiman jamakuy.

³ Tayta Diosmi nin: <>.

⁴ Tayta Diosmi nin: <

⁵ Saymi kayno nï: Kananqa ¿imanataq kaykan? Imatapis mana pägamaypami kuyashqä runakunata juk nacionman apakuyash. Munaynincho sararaqkunaqa ali tukuyashpanmi asipäyan. Waran waranmi manakaqman churayäman.

⁶ Saymi tiempun chämuptin kuyashqä runakuna rikayanqa munayyuq kashqäta. Promitishqänöla salvaptïmi tantiyayanqa yanapaykashqäta>>.

⁷ Jirkakunapa shamur ali wilakuyta apamuq runa seqaypa kushikuypaqmi kaykan. Say wilakuq runami jawka kawanansipaq kaqta y salvashna kanansipaq kaqta wilakun. Sióntami nin: <<¡Tayta Diosnikimi lapantapis mandaykan!>>

⁸ Sayta wiyarmi rikachakuqnikikuna kushikuypita qayaraykäyan. Siónman Tayta Dios kutimuqta rikayashpanmi kushikuykäyan.

⁹ Jerusaléncho kaykaq raqäkunapis, ¡kushish cantayay! Kuyashqan runakunata Tayta Diosmi yanapanqa. Jerusaléntami chikiqninkunapita salvanqa.

¹⁰ Sayno salvarmi maysay nación runakunata Tayta Dios musyasinqa munayyuq kashqanta. May karu nación runakunapis rikayanqami Tayta Diosninsi salvamashqansita.

¹¹ ¡Babiloniapita witikuyay, witikuyay! ¡Imatapis impüruyäsikuqkunata ama yatayaysu! ¡Jäpa markacho täyashqaykipita yarqukuyay! ¡Tayta Diospa manëjunkunata kutisiqkuna, purificakuyayna!

¹² Manami jananta rurintasu yarquyankipaq. Saynöpis manami sinkaypasu aywayankipaq. Saypa trukanqa kikin Tayta Diosmi jorquyäshushpayki puntaykikunata aywanqa. Qepaykitapis Israel runakunata kuyaq Tayta Diosmi aywanqa.

Sirviqnin nakananpaq nishqan

¹³ Sirviqninpaqmi Tayta Dios nin: <

¹⁴ Chikiqninkuna maqayaptinmi qaqlanpis mana reqiypaq karqan. Saymi payta rikar runakuna pasaypa mansakäyarqan.

¹⁵ Saypitanami maysay nación runakuna espantakuyanqa. Reykunapis manami ima niytapis kamäpakuyanqasu. Pipis mana wilapashqantami musyayanqa. Imaypis mana wiyayashqantami wiyayanqa>>.