Isaías 51 - Tayta Diospa Wilakuynin

Jerusalén runakunata shakyäsishqan

¹ Tayta Diosmi nin: <

² Yarpäyay unay awiluyki Abrahampaq y Sarapaq. Qayashqä höra paykuna wamraynaqlami kayarqan. Bendicionnïta churaptïmi paypita miraqkuna askaman mirayarqan.

³ Saynölami raqäla kaykaq Siónmanpis bendicionnïta yapay churashaq. Sunyaq jirkano kaptinpis Edén huertano kananpaqmi tikrasishaq. Saymi Sióncho seqaypa kushikur alabayämanqa.

⁴ <

⁵ Kuyashqä runakunata salvanäpaq manami aykäpis pishinnasu. Lapan nación runakunata jusalikuyashqanman tupumi juzgashaq. Maysay nacioncho taq runakunapis noqalaman yärakayämushpanmi shuyaraykäyämanqa.

⁶ Jana pasata rikärir yarpachakuyay. Kay pasata rikar tantiyakuyay. Jana pasaqa qoshtaynölami elaqanqa. Kay pasapis mödana ushakaqnölami ushakanqa. Saynölami runakunapis chushpinöla ushakäyanqa. Salvacionnïmi isanqa imaypis ushakanqasu. Munashqäqa imaypis rurakanqami.

⁷ <

⁸ Mödanata y milwata puyu ushaqnömi say runakunata kuru ushanqa. Salvacionnïmi isanqa imaypis ushakanqasu. Munashqäqa imaypis rurakanqami>>.

⁹ ¡Rikchayna, Tayta Dios! Seqaypa munayyuq kashqaykita musyakäsiyna. Unay watakuna rurashqaykino kananpis rurayna. ¿Manaku Rahab uywatapis elaqäsirqayki?

¹⁰ ¿Manaku lamar yakutapis sakirasirqayki? ¿Manaku salvashqayki runakuna päsayämunanpaq nänimanna tikrarasirqayki?

¹¹ Saynölami kananpis salvamushqayki runakuna cantaraykar Siónman kutiyämunqa. Saychömi imaypis kushishla kawayanqa. Lakikuypis waqaypis manami kanqanasu.

¹² Tayta Diosmi nin: <

¹³ Kamashuqniki Tayta Diosmi kaykä. Noqami jana pasatapis y kay pasatapis kamashkä. ¿Sayno kashqäta musyaykarku qonqakaykayämashkanki? Chikishuqniki runakuna ushakäsiyäshunaykipaq kashqanta musyarmi waran waran pasaypa mansakash kaykäyanki. Mansariyaptikipis say jurapäyäshuqniki runakuna ushakäyänanpaqnami kaykäyan.

¹⁴ Prësu apayashqantapis kachariyämunqanami. Apayashqan runakuna manami carcilchösu wanuyanqa ni mikuytapis pishïpakuyanqasu.

¹⁵ <

¹⁶ Jana pasata mashtarmi kay pasatapis shumaq takyasishkä. Wilakuynïta wilakuyänaykipaqmi qamkunata churashkä. Ima desgraciapitapis makïwanmi sapashkä. Sióntami nirqä: >>.

Jerusalén runakunata Tayta Dios manana castigananpaq nishqan

¹⁷ ¡Jerusalén marka, apurä rikchay! ¡Jukla sharkuy! Cöpa junta winaraykaq rabyayninta upusishushpaykimi Tayta Dios fiyupa llëvasishushkanki. Saymi sharkuytapis mana puëdishqanyaq machash runano kaykanki.

¹⁸ Wawaykikuna askaq kayash kaptinpis manami juklaylapis kannasu pusharäshunaykipaq. Lapan ashmashqayki wawaykikunapita manami juklaylapis kannasu janchashunaykipaq.

¹⁹ Ishkay desgraciami päsashushkanki. Juk kaykan nacionnikita ushakäsir imaykaykitapis apakuyashqan. Jukaqnami kaykan malaqay y guërra. ¿Pilaraq kuyapaykushunki? ¿Pilaraq shoqaykushunki?

²⁰ Toqla sariptin luychu jitaraqnömi wawaykikunapis cälli esquïnakunacho desmayash jitaräyan. Tayta Diosmi fiyupa rabyar sayno castigashushkanki.

²¹ Jerusalén runakuna, musyämi lakikur shinkashno kayashqaykita. Manami vïnuwansu machashno kaykäyanki, sinöqa Diospa castïgunwanmi. Tayta Dios nishushqaykita kanan shumaq wiyayay.

²² Kuyashqan runakunapa favornin sharkuq Tayta Diosmi nin: <

²³ Fiyupa nakasishuqnikikunatanami say cöpata upusishaq. Paykunami niyäshurqayki: . Saymi jitakäyaptiki pasata jaruqno jarur ushayäshurqayki>>.