Isaías 50 - Tayta Diospa Wilakuynin

Mana cäsukuqkunata Tayta Dios castigashqan

¹ Tayta Diosmi nin: <

² <<¿Imanirtaq yanapänäpaq shamur pitapis yärakamaqta tarishkäsu? ¿Imanirtaq qayakuptï contestayämashkankisu? ¿Manaku criyiyanki yanapänäpaq munayyuq kashqäta? ¿Manaku criyiyanki salvanäpaq poderyuq kashqäta? Munayyuq kashpämi juk shimila lamartapis mayukunatapis sakirasï. Saymi pescädukunapis yaku mana kaptin wanur ushakäyan.

³ Munayyuq kashpämi ciëlutapis lütu mödanata jatipaqno sakaskasï>>.

Tayta Diosta sirviq runa nakarpis payman yärakushqan

⁴ Tayta Diosmi yachasimash lakish kaykaqkunata shakyäsir kushikasinäpaq. Pay nimashqanta tantiyakunäpaqmi cada tuta riyasiman.

⁵ Wiyakuq kanäpaqmi Tayta Dios yanapäman. Saymi pay nimashqanta imaypis wiyakü.

⁶ Runakuna astayämänanpaqpis waqtätami kamapashkä. Shapräta achur ushayaptinpis manami rimakushkäsu. Ashlir toqapäyämaptinpis manami qaqläta sapakushkäsu.

⁷ Tayta Dios yanapämaptinmi awantashkä. Mana penqakuypami Tayta Diosman yärakuykä. Saymi qaqano mana kuyukuypa kaykä. Tayta Diosman yärakushqäpita manami imaypis penqakushaqsu.

⁸ Nawpächömi Tayta Dios kaykan. Pay musyanmi jusaynaq kaykashqäta. ¿Piraq noqata ichipämanman? Conträ sharkuqkuna shuntakar imatapis mä tumpayämäsun.

⁹ Tayta Dios yanapaykämaptinqa ¿piraq imatapis tumpamanman? Puyur mödana ushakashqannömi lapan conträkunapis ushakäyanqa.

¹⁰ Mayqaykipis Tayta Diosta mansapakuq karqa shumaq tantiyakuyay. Sirviqnin wilakushqanta wiyakuq karqa shumaq yarpachakuyay. Pasaypa lakikur sakäpakushno karqa Tayta Diosman yärakuyay. Ima ruraytapis mana kamäpakurqa yanapäshunaykipaq payta ruwakuyay.

¹¹ Tayta Diosmi nin: <>.