Isaías 5 - Tayta Diospa Wilakuynin

Judá nacionta üva chakraman tinkusishqan

¹ Yanasäpa jutinchömi üva chakrapaq kayno cantashaq: Yanasäpami lömacho ali wayuq üva chakran karqan.

² Rumikunata waklaskirmi shumaq corralarqan. Ali nawiyuq üva plantakunatami sayman plantarqan. Üva chakra chawpinchönami täpananpaq törrita sharkasirqan. Üvata palaskir jarunanpaqpis tinäcutami rurarqan. Yanasä yarparqan mishkiqta üvan wayunanpaq kashqantami. Nishqan kaqqa pochquqtami üvan wayush.

³ Saymi chakrapa duëñun nin: <

⁴ ¿Imatataq mas ruräman karqan üva plantäkunata? Mas ¿imalaraq pishishqapis say plantakunaman winanäpaq? Noqaqa yarparqä mishkiqta üva wayunanpaq kashqantami. Alita plantaykaptïpis pochquqtami wayush.

⁵ <

⁶ Sunyaq jirkatami kachaykushaq. Manami pipis kuptupanqanasu ni uryapanqanasu. Kashalanami shataypa juntanqa. Mana tamyamunanpaqmi pukutaytapis nishaq>>.

⁷ Lapanta mandaq Tayta Diospa üva chakranqa Israel runakuna y Judá runakunami kaykäyan. Tayta Dios paykunata kuyar leyninkunata cumpliyänanpaq nikaptinpis wanusinakuylachömi kakuyan. Yanapänakuyänanpaq nikaptinpis nakaqkuna waqayashlanmi wiyakaykan.

Judá runakunata castigananpaq nishqan

⁸ ¡Ay imanöraq kayanki, maysaychöpis wayikunata rantiqkuna! Chakrakunatapis wakcho kaycho rantirmi lapanpa duëñun rikakuyanki. Intëru nacionchöpis ¿qamkunalanaku tayta munayanki?

⁹ Lapanta mandaq Tayta Diosmi nimash: <

¹⁰ Kimsa hectaria üvapitapis juk taksha urpulami vïnu yarqunqa. Chunka costal trïgu muruta mururpis juk costallatanami shuntayanqa>>.

¹¹ ¡Ay imanöraq kayanqa saka sakapita upyaqkuna! Paykunaqa vïnuta yawarkur wararkuyanpis qoyarkuyanpis upyaykälarmi.

¹² Aska vïnuta upyar fiestata rurayashqancho arpa, salteriu, tinya y pinkullu waqashqanmi wiyakan. Tayta Dios castigananpaq kashqantami isanqa ichiklatapis tantiyakuyansu.

¹³ Mana tantiyakuq kayashqanpitami kuyashqä runakunata juklä nacionman prësu apakuyanqa. Mandaqninkunapis marka runakunapis malaqaywan y yakunaywanmi wanuyanqa.

¹⁴ Mandaq autoridäkunata y pampa runakunatapis sepultürami shiminta äyarkur ultakurkunqa. Fiestacho kushish kaykäyaqtami lapantapis sayno ultakurkunqa.

¹⁵ Sayraqmi runa tukuqkunapis penqakur uysurpäyanqa.

¹⁶ Pïmaymi musyanqa lapanta mandaq Tayta Dios jusaynaq santu kashqanta.

¹⁷ Juchusish markakunacho pipis manana taptinmi qewalana winanqa. Saymi say markakuna kashqancho uyshakunata cabrakunata misikuyanqa.

¹⁸ ¡Ay imanöraq kayanqa lulakuypa mana ali costumbrita apaykämuqkuna! Paykunaqa waskawan qarachaqnömi tukuyläya mala mäñakunata apaykäyämun.

¹⁹ Paykunaqa nikäyan: <>.

²⁰ ¡Ay imanöraq kayanqa mana ali kaqta <> niqkuna y ali kaqtana <> niqkuna! Sayno karmi asikyaptinpis <> nikäyan. Sakaptinpis <> nikäyan. Iwjiqtapis <> nikäyan y mishkiqtanami <> nikäyan.

²¹ ¡Ay imanöraq kayanqa yachaq tukuqkuna! Paykunaqa kikilankunapaqmi tantiyaq kaykäyan.

²² ¡Ay imanöraq kayanqa waran waran upyalar kakuqkuna, shinkäsikuqkunata talu taluykur upuqkuna!

²³ Chaskipakuyänan kashqami jusayuqtapis jusaynaq kashqanta niskiyan. Jusaynaqtapis jusayuq kashqantami niskiyan.

²⁴ Lapanta mandaq Tayta Diospa leyninkunata manami cäsuyansu. Israel runakunapa santu Diosninpa palabranta manakaqmanmi churayan. Saymi saki höjakunata laqwaypa laqwar nina rupaqno Tayta Dios paykunata ushakäsinqa. Saynöpis saki oqshaman nina sarikurkuqnömi ushakäsinqa. Jaqwan ismush jacha ushakashqanno y waytan shushur alpaman tikrashqannömi ushakäyanqa.

²⁵ Tayta Dios fiyupa rabyashqami kaykan. Kuyashqan runakuna kaptinsipis astamänansipaq kamarikushnami kaykan. Sayta musyarmi jirkakunapis pasaypa suksukyäyan. Wanusishqan runakunatapis cällikunamanmi jitariyanqa. Castigamaptinsipis rabyanaynin manami päsanqasu. Kashlanmi castigamänansipaq rikaraykämansi.

²⁶ Tayta Diosmi karu nacioncho taq runakunata bandërawan sëñaypa qayanqa. Mayjina karucho taqkunamanpis wichyakuskinqami. Qayakushqanta wiyarmi atacamänansipaq maysaypitapis jukla chäyämunqa.

²⁷ Say runakuna manami utikäyanqasu ni tinkakäyanqasu. Manami punuyanqasu ni pununäyanqasu. Wachkunkunapis manami paskakanqasu ni lanqinkunapis rachinqasu.

²⁸ Flëchankunapis awja puntaraqmi kanqa. Flëcha jitakuyänankunapis kamarishlanami kanqa. Cawallunkunapa shilunkunapis chukru ruminömi kanqa. Carrëtankunapa ruëdankunapis shukukuynöraqmi tumanqa.

²⁹ Say runakunaqa fiyupa qapararmi atacamäshun. Leonkuna qayaräyashqannöraqmi wiyakanqa. Uywata leonkuna apakuyashqannömi prësu apamäshun.

³⁰ Say runakuna atacamäshun bunyaypa bunyar kuchunman lamar chaqnömi. Pasapis sakaqnöraq rikakuptin junaq kashqanpis manami musyakanqasu.