Isaías 44 - Tayta Diospa Wilakuynin

Juklayla Tayta Dios kashqan

¹ <

² Kamashuqniki Tayta Dios karmi nï: Jacobpita miraq sirvimaqnïkuna, ama mansariyaysu. Jesurún runakuna, qormaynïnömi kaykäyanki. Mamaykipa pachanchömi qamkunata kamashkä. Qamkunata yanapänäpaqmi kaykä.

³ Sunyaq jirkakunachöpis noqami yakuta pashtasimushaq. Saki pampakunapapis mayunöraq yaku aywananpaqmi kamakäsishaq. Qamkunapita miraqkunamanmi Espïritüta kachamushaq. Paykunami bendicionnïta chaskiyanqa.

⁴ Qewa loqlurraq winaqnömi kayanqa. Mayu kuchunkunacho sauci verdiraqnöraqmi kayanqa.

⁵ Wakinmi niyanqa: . Wakinnami Jacob jutita churakuyanqa. Wakin kaqnami makinkunaman jutïta qelqayanqa. Israeltami jutinkunatapis churakuyanqa>>.

⁶ Israel runakunata salvaq rey y lapanta mandaq Tayta Diosmi nin: <

⁷ ¿Pilaqa noqano kansuraq? Karqa mä shamur nimäsun. Ima päsananpaq kaqta ¿pilapis unaypita pasa parlashsuraq? Mä ima päsananpaq kaqtapis wilayäshunki.

⁸ <>.

Ïdulu adoray upa ruray kashqan

⁹ Ïdulukunata ruraqkuna manami imapaqpis väliyansu. Mayjina kuyaylapaqta rurayashqanpis manami välinsu. Ïduluta adoraqkunapis yarpayniynaqmi kaykäyan. Kikinkunapis penqakushqami kayanqa.

¹⁰ Diosnin kananpaq ïduluta rurarqa tiempunkunatami perdiykäyan.

¹¹ Ïdulu ruraqpis manami Diossu kaykan, sinöqa runalami. Saymi ïduluta ruraqpis y adoraqpis juzgaptï fiyupa mansariyashpan penqakuyanqa.

¹² Maski tantiyakushun herrëru imano ïduluta rurashqantapis. Fiërrutami arquypa arquykaq shanshacho ali pukayashqanyaq waylasin. Nirkurmi combawan cincilwan takaykälar munashqanno kananpaq ruran. Sayno arur malaqanaptinqa kalpan ushakanmi. Yakulatapis mana upurqa pasaypami aywapakan.

¹³ Carpintërupis metrunwanmi qeruta tupun. Imano rurananpaqpis läpizwanmi dibujan. Formonwan takapaylapami laqlanpis. Shumaq yarqunanpaq compaswanmi dibujan. Saynöpami say ïduluta kuyaylapaq runatano ruran. Rurayta usharkurnami ïdulupaq rurayashqan wayiman churan.

¹⁴ Wakin runami cedruta, cipresta y encinata muturir ïduluta rurasinanpaq apamun. Wakinnami pïnuta plantan tamyawan winarkuptin ïduluta rurasinanpaq.

¹⁵ Say apamushqan jachakunapa troncunpita ïduluta ruraykurmi nawpanman qonqurpakun. Pusuq kaqtami yantapaq seqtarin. Wakin yantawanmi mashakunanpaq ninata ratasin. Wakin yantawanmi tantata masarananpaq jornuta warisin.

¹⁶ Wakin yantawannami ninata ratarkasir aysata kankan pacha junta mikunanpaq. Ninacho mashakurmi nin: <>.

¹⁷ Ïduluta sayno ruraykurmi nawpanman qonqurpakun. Saychömi adorashpan manakun: <<¡Qammi kanki diosnï! ¡Salvaykalämay!>> nir.

¹⁸ Say runakunaqa manami musyayansu ni cuentatapis qokuyansu. Imayka nawin wichqashno kayashpanmi tantiyakuyansu manakaqta ruraykäyashqanta.

¹⁹ Tantiyakuyänanpaqpis manami juiciunkuna kansu. Manami shumaq yarpachakuyansu. Shumaq yarpachakurqa niyanman: <>.

²⁰ Ïduluta adoraq runaqa uchpata mikuqno mana tantiyakuqmi kaykan. Lutanta yarparmi sayno ruraykan. Manami tantiyansu aluq kaq makincho aptaraykashqan ïdulu mana väliq kashqanta.

Israel runakunata Tayta Dios perdonar salvashqan

²¹ <

²² Lapan jusalikuyashqaykitami perdonashkä. Pukutayta elaqäsiqnömi jusaykikunata elaqäsishkä. Salvaykaptïnaqa yapay noqaman yärakayämuy>>.

²³ Jana pasa, ¡Tayta Dios salvakuq kashqanpita kushikur cantay! ¡Pasa rurincho kaqkunapis, vivar qaparäyay! ¡Jirkakuna, fiyupa kushikuyashpayki sinchipa cantayay! ¡Munticho kaykaq jachakuna, lapayki kushikur cantayay! ¡Jacobpita miraq Israel runakunata Tayta Dios salvashnami! ¡Munayyuq kashqanta musyasishnami!

²⁴ Israel runakuna, mamaykipa pachancho kamashuqniki y salvashuqniki Tayta Diosmi nishunki: <

²⁵ <

²⁶ Sirvimaqnï wilakushqantami isanqa cumplisï. Wilakuqnïkuna niyashqannöla kananpaqmi kamakäsï. Jerusaléncho runakuna yapay täyänanpaqpis noqami nï. Judácho markakuna raqälana kaykäyashqanpita yapay markayänanpaqpis noqami kamakäsï.

²⁷ Noqa niptïqa lamar yakupis sakikäkunmi. Noqami mayukunatapis sakisï.

²⁸ <. Saymi Jerusalénta Ciro yapay alsasinqa. Saynölami templupa cimientuntapis perqasinqa>>.