Isaías 40 - Tayta Diospa Wilakuynin

Jerusalén runakunata Tayta Dios shoqashqan

¹ Tayta Diosninsimi nin: <

² Jerusalén manana lakikunanpaq ali shimilaykipa wilar niyay. Ali cösa llëvarkasirmi jusalikuyashqanta perdonashkä>>.

³ Juk runami qayakuypa wilakur nin: <

⁴ Raqrakunatapis pampasayay. Lömakunatapis parijayay. Wiksu nänikunatapis derechayay. Uchku uchkukunatapis pampasayay.

⁵ Tayta Dios shamurnami munayninwan salvanqa. Saytaqa maysaycho taq runakunami rikayanqa. Kikin Tayta Diosmi sayno kananpaq nish>>.

⁶ <> nimaqtami wiyarqä. Saymi tapurqä: <<¿Imatataq qayakur nishaq?>> nir. Sayno tapuptïmi nimarqan: <

⁷ Akaq wayrata Tayta Dios pükaramuptinqa qewapis sakikäkunmi, waytapis wanutakäkunmi. Runakuna rasunpaypami qewanöla kaykäyan.

⁸ Qewapis sakinmi y waytapis shushunmi. Tayta Diosninsipa palabranmi isanqa imayyaqpis kaykanqa>>.

⁹ Siónman ali wilakuyta apaq runa, löma jananman wisarkur pïmaypis wiyashunaykipaq sinchi qayakuy. Jerusalénman ali wilakuyta apaq runa, mana mansariypa qayakuy. Judá markakunacho taqkunata niy: <<¡Tayta Diosninsi kaychönami!>>

¹⁰ Seqaypa munayninwanmi Tayta Dios shamunqa. Munayyuq karmi chikiqninkunata vincirkur kuyashqan runakunata shuntamunqa.

¹¹ Uysha misiq runa malwata marqakurkur apaqnömi qorimunqa. Sayraq wachash uyshakunatanömi ali rikanqa.

Tayta Dios munayyuq kashqan

¹² ¿Piraq Tayta Diosno maki paltalanwan chaqaypa lamar yakuta tupunman? Jana pasatapis Tayta Dios cuartaypa tupushqanno ¿piraq tupunman? Kay pasacho alpatapis ¿piraq Tayta Diosno lapanta pësanman? Lömakunatapis jirkakunatapis ¿piraq Tayta Diosno balanzawan pësanman?

¹³ Tayta Dios yarpashqankunata ¿pilaqa musyansuraq? Yachaq kananpaq ¿pilaqa payta yachasinsuraq?

¹⁴ Tayta Dios ¿pitapis manakunsuraq tantiyasinanpaq? Tayta Diosta ¿pilapis tantiyasinmansuraq ali kashqanta mana ali kashqantapis? Yachaq kananpaq ¿pilaqa payta yachasinmansuraq?

¹⁵ Jutunölami lapan nacionkunapis Tayta Diospaqqa kaykäyan. Balanzacho polvunölami lapanpis kaykäyan. Islakunacho kaykaq nacionkunapis juk aptay aqushanölami kaykäyan.

¹⁶ Intëru Líbano munticho kaq qerukunata altarman churar rupasishqapis y saycho kaq uywakunata pishtashqapis manami aypanmansu Tayta Diospaq sacrificiuta rupasinansipaq.

¹⁷ Tayta Diospaqqa lapan nacionkunapis manakaqnölami kaykäyan.

¹⁸ Tayta Diosta ¿imamanraq tinkusishwan? ¿Ima ïdulutaraq pay niraqta rurashwan?

¹⁹ Ïdulutaqa moldiwanmi rurayan. Yachaq runami qoriwan enchaparkun. Qoripita rurarkurmi walqata walqaparkun.

²⁰ Qorita mana tarirqa mana puyuq qerutami laqlayta yachaq runaman apapan. Say runanami shumaq ichiraq ïduluta rurapan.

²¹ Tayta Diospaqqa ¿manaku wiyayarqayki? ¿Manaku nawpapita pasa niyäshurqayki? ¿Manaku kay pasata kamashqanpita pasa wilakuyarqan?

²² Tayta Diospa trönunqa ciëlu jananchömi kaykan. Saypita pasami chuklustanöla runakunata rikamun. Tolduta runa mashtaqnömi ciëlutapis mashtarin.

²³ Munayyuq runakunatapis manakaqmanmi churan. Kay pasacho reykunatapis ushakärasinmi.

²⁴ Ushakärasiptinmi imaypis mana plantashno, imaypis mana murushno y imaypis mana jaqwäkushno elaqäyan. Tayta Dios pükariptinqa qewa wanukäkuqnömi paykuna wanuyan. Oqshata wayra apakuptin elaqaqnömi elaqakäkuyan.

²⁵ Santu Tayta Diosmi tapumansi: <>

²⁶ Ciëlupa nukirkushpansimi tantiyakushun qoyllarkunata pï kamashqantapis. Lapan qoyllarkunata Tayta Diosmi yupan. Lapantapis jutinpa jutinpami reqin. Tayta Dios seqaypa munayyuq y kalpayuqmi kaykan. Saymi say qoyllarkuna juklaylapis oqrakansu.

²⁷ Jacobpita miraq runakuna, ¿imanirtaq niyanki Tayta Dios mana kuyapäyäshushqaykita? Israel runakuna, ¿imanirtaq niyanki mana cäsuyäshushqaykita?

²⁸ Tayta Diosqa imayyaqpis kawaqmi kaykan. ¿Manaku sayta musyayanki? ¿Manaku sayta wiyayashkanki? Paymi intëru kay pasata kamarqan. Pay manami aywapakansu ni utikansu. Pay yarpashqanqa mana atipaypaqmi.

²⁹ Utikash runakunatapis paymi yanapan. Aywapakaykaqkunatapis paymi kawarisin.

³⁰ Maqtakunapis maqta kaykar utikäyanmi. Ali chölun kaqkunapis aywapakar tuniyanmi.

³¹ Tayta Diosman yärakuqkunami isanqa kalpayuq rikakuyan. Paykunaqa anka pajaykaqnömi aywayan. Mayjina cörrirpis manami utikäyansu. Mayjina aywarpis manami bëtayansu.