Isaías 38 - Tayta Diospa Wilakuynin

Qeshyashqanpita rey Ezequías aliyashqan

¹ Say wisanmi rey Ezequías pasaypa ansa qeshyar wanunaykarqan. Saymi Amozpa surin profëta Isaías watukaq aywar nirqan: < >>.

² Sayno niptinmi Ezequías wayi perqa kaqläpa tikrakushpan Tayta Diosta manakur

³ nirqan: <>. Sayno nir lakikushpanmi fiyupa waqarqan.

⁴ Sayno ruwakuptinmi Isaíasta Tayta Dios nirqan:

⁵ <

⁶ <<

⁷ Say nishqäta cumplinäpaq kashqanta musyanaykipaq juk milagrutami rurashaq.

⁸ Acazpa relojnincho señalashqan chunka grädatami lantuyta qepaman kutisishaq> >>. Nishqannölami intipa lantuynin relojcho chunka grädata qepaman kutirqan.

⁹ Judá nacionpa mandaqnin rey Ezequías qeshyashqanpita kachakarkurmi kay alabanzata qelqarqan:

¹⁰ Noqa yarparqä maqtalaraq kaykar wanunäpaq kashqantami. Saynöpis yarparqä wanushkuna kashqanman aywakur manana imaypis asikyay pasata rikanäpaq kashqantami.

¹¹ Saynöpis yarparqä kay pasacho Tayta Diostapis ni runakunatapis manana rikanäpaq kashqantami.

¹² Uysha täpana suklata ushakäsiqnömi ushakärasimanki, Tayta Dios. Awaq runa telarcho awata ruturir jitariqnömi kacharimashkanki. Asikyay pasatapis ni sakaytapis manana rikanäpaq elaqpitami apakamayta munashkanki.

¹³ Tulükunata león kapchumaptin nanaywan qayaraqnömi warati qamta ruwakushkä. Sakaypapis junaqpapis nakasimashkankimi.

¹⁴ Grüllakuna wayanïtukuna waqaqnömi nanäsikur waqashkä. Paluma waqashqannöraqmi nanaywanpis atashkä. Nawïpis utikashqanyaqmi manakamur ciëlupa nukirämushkä. Fiyupami nakashkä. ¡Kuyapaykalämay, Tayta Dios!

¹⁵ Kikiki castigamaptiki alfin imanäshaqraq. Wanushqäyaqmi fiyupa lakikur uysuräkushaq.

¹⁶ Tayta Dios, runakunaqa corrigiptikiraqmi munashqaykino kawayänanpaq tantiyakuyan. Noqapis corrigimaptikiraqmi munashqaykino kawanäpaq tantiyakushkä. Kananqa aliyäsimashpaykimi kawayta qomashkanki.

¹⁷ Saymi nakanäpa trukan alina kawaykä. Lapan jusalikushqäta perdonamashkankimi. Wanukunäpaqna kaykaptïmi salvamashkanki.

¹⁸ Wanushkunaqa mananami alabayäshunkinasu. Alpaman kutiqkunaqa promitishqaykita cumpliptikipis manami rikayannasu.

¹⁹ Kawaqkunami isanqa alabayäshunki. Saynölami noqapis kanan qamta alabaykä. Promitishqaykita cumpliq kashqaykitami surinkunatapis taytankuna wilapäyan.

²⁰ Tayta Dios, qammi wanuypita salvamanki. Saymi templuykicho arpata tukayashpä waran waran imayyaqpis alabayäshayki.

²¹ Ezequías aliyänanpaqmi Isaías nirqan: <>.

²² Saymi rey Ezequías Isaíasta tapurqan: <<¿Imanöpataq musyashaq Tayta Dios aliyäsimaptin templunman aywanäpaq kashqanta?>> nir.