Isaías 32 - Tayta Diospa Wilakuynin

Ali rey mandananpaq nishqan

¹ Juk reymi kanqa shumaq juzgashpan ali mandaq. Yanapaqnin autoridäkunapis shumaqmi juzgayanqa.

² Paykunami marka mayinkunata shumaq rikayanqa. Saymi fiyu runakuna löcu wayrano atacayaptinpis runakunata sapäyanqa. Löcu tamyano desgracia päsaptinpis yanapäyanqa. Saki jirkakunacho yakunömi kayanqa. Fiyupa shanaptin runakuna lantukuyänanpaq jatun qaqanömi kayanqa.

³ Say wisanmi Tayta Dios nishqanta runakuna shumaq wiyakuyanqa. Pay munashqanno kawayänanpaqmi shumaq tantiyakuyanqa. Nishqanta cäsukuyänanpaqmi lapantapis wiyayanqa.

⁴ Mana tantiyaqkunapis shumaqnami tantiyayanqa. Watatukunapis shumaqnami parlayanqa.

⁵ Fiyu runataqa manami <> niyanqanasu. Engañakuqkunatapis manami <> niyanqanasu.

⁶ Fiyu runaqa mana alilatami parlan. Mana alita ruranalanpaqmi yarpachakun. Tayta Diospaqpis lutankunatami parlan. Mikanaqkunatapis manami imalatapis amuparkunsu. Yakunaqkunatapis manami yakuta makyaykunsu.

⁷ Engañakuq runaqa pitapis engañaskinmi. Lutanta yarpachakurmi uysuran. Pobrikuna y humildikuna demandakuyaptinpis manakaqtami jitapan.

⁸ Ali runami isanqa shumaq yarpachakuykur imatapis ruran. Saymi paytaqa pïmaypis respitayan.

Jerusalén warmikunapaq nishqan

⁹ Mana yarpachakuq warmikuna, tantiyakuyay. Imapis mana päsayäshunaykipaq kashqanta yarpaqkuna, nishqäta shumaq wiyakuyay.

¹⁰ Kananpita juk wata päsarkuptinqa üvapis ni ima mikuypis cosechayänaykipaq manami kanqasu. Sayno kaptin pasaypami mansakäyanki.

¹¹ Imaykayuqpis kar jawka kakuq warmikuna, ¡mansarir suksukyäyay! Jatiräyashqaykita loqtirir lütu mödanatana jatikuyay.

¹² Ali wayuq chakrakuna mananami wayunqanasu. Üva chakrakunachöpis cosëcha manami kanqanasu. Sayta rikayashpayki makikikunatapis soqpakurkur waqayay.

¹³ Chakraykikunamanpis kashakuna y shirakakunalanami juntanqa. Kushish kawayashqayki wayikikunapis y markaykikunapis shatayanqami.

¹⁴ Rey tashqan palaciucho pipis manami tanqanasu. Cällikunacho saysika runakuna karpis waray warantinqa sunyaqmi rikakuyanqa. Marka murällapis törrikunapis ushnulanami rikakunqa. Saycho munti ashnukunalanami kushish pañayanqa. Uywakunatami saycho misikuyanqa.

Espïritunta Tayta Dios kachamunanpaq nishqan

¹⁵ Sayno kanqa jana pasapita Espïritunta Tayta Dios noqansiman kachamushqanyaqmi. Espïritunta kachamuptinqa sunyaq saki jirkapis muruna chakramanmi tikranqa. Chakrakunapis shuntayta mana atipaypaqmi wayunqa.

¹⁶ Jalqachöpis qechwachöpis alilatanami runakuna rurayanqa.

¹⁷ Maysaychöpis alimi kawayanqa. Imapitapis mana mansarir imayyaqpis jawkalami kawayanqa.

¹⁸ <

¹⁹ Muntikunata runtu tamya ushaptinpis, juklä markakunata contrankuna juchusir ushayaptinpis

²⁰ qamkunaqa imapis mana nakasiyäshuptiki kushishqami kawayanki. Aska yakuyuq chakrakunachömi murupakuyanki. Ali qewa kashqanchömi wäkaykikunata ashnuykikunata misikur kushish kawayanki>>.