Isaías 30 - Tayta Diospa Wilakuynin

Egiptuman manakaqlapaq yärakuyashqan

¹ Tayta Diosmi wamrankunata nin: <

² Mana tapukamaylapami Egiptupapis aywaykäyanki. Yanapäshunaykipaq Faraónman ruwakuq aywarmi Egipto runakunaman yärakuykäyanki.

³ Faraónman yärakuyashqaykipis manakaqlapaqmi kanqa. Egiptuman amparakurpis penqakushqami uysuräyanki.

⁴ <

⁵ lapaykimi say mana väliq nacionman yärakuyashqaykipita penqakuyankipaq. Nistäyashqayki höra manami imalachöpis yanapäyäshunkisu. Saymi ima ruraytapis mana kamäpakur penqaytukush uysuykachäyankipaq>>.

⁶ Kaychömi qelqaraykan Tayta Dios revelashqan. Kay revelación kaykan Neguevcho kaykaq uywakunapitami. <

⁷ Yanapänanpaq awnirpis manami cumpliyanqasu. Saymi say Egipto nacionta nishkä: >>.

⁸ Isaíastami Tayta Dios nirqan: <>.

⁹ Kay nación runakunaqa mana wiyakuq y lulami kayan. Tayta Diospa yäsikuyninkunatapis manami wiyakuyta munayansu.

¹⁰ Profëtakunatami niyan: <>. Saynöpis niyan: <

¹¹ Tayta Dios nishqankunata amana wilayämaynasu. Paypa wilakuyninta amana niyämaynasu. Israel runakunapa santu Diosninpita amana parlapäyämaynasu>>.

¹² Sayno niyaptikimi Israel runakunapa santu Diosnin nin: <

¹³ Sayno kayashpaykimi altunnin perqa elaqpita juchuqno ushakäyanki.

¹⁴ Saynöpis pasaypa shalush wichinömi rikakuyanki. Shalush wichiqa manami ninata apanalanpaqpis ni yakuta chaqakunalanpaqpis välinnasu. Saynölami qamkunapis imapaqpis väliyankinasu>>.

¹⁵ Israel runakunapa santu Tayta Diosninmi niyäshunki: <>. Tayta Dios sayno niyäshuptikipis qamkuna manami cäsuyashkankisu.

¹⁶ Saypa trukanqa niyashkanki: <>. Niyashqaykinölami contraykikuna atacayäshuptiki rasunpa qeshpiyanki. Saynömi niyashkanki: <>. Sayno niyaptikipis qatikachäshuqnikikuna mas shiwyaraylami cörriyanqa.

¹⁷ Juk runalami waranqa (1,000) runakunata qatikachäyäshunki. Pisqa runakunalami lapaykita qatikachäyäshunki. Saymi jirkacho juk ishkay qeru jawiraykaqnöla quëdayanki.

Akrashqan runakunata kuyapänanpaq nishqan

¹⁸ Tayta Diosman yärakuyta mana munayaptikipis kuyapäkuq y ali kaqlata ruraq karmi payman yärakuyänaykita shuyaraykäyäshunki. Payman yärakuyaptikiqa kuyapäyäshushpaykimi yanapäyäshunki. Payman yärakuqkunaqa ali kawaytami tariyan.

¹⁹ Sión runakuna, mananami waqayankinasu. Jerusalén runakuna, manakuyaptikiqa Tayta Dios yanapäyäshunkimi. Ruwakuyashqaykita wiyar kuyapäyäshunkimi.

²⁰ Fiyupa nakayman y lakikuyman chäsiyäshushpaykipis tantiyasiyäshuqniki Tayta Dios manami kachariyäshunkisu, sinöqa imaypis yanapaykäyäshunkimi. Yanapaykäyäshushqaykita tantiyakuyankimi.

²¹ Pay munashqanno kawayashpaykiqa ali nänipa aywaykaqnömi kaykäyanki. Say nänipita isuq kaqläpa o aluq kaqläpa yaqaqno kayaptikimi qepaykipita niyäshunki: <>.

²² Say hörami qellaywan enchapash ïduluykikunatapis y qoriwan enchapash ïduluykikunatapis pisakuyashqayki papiltano jitariyankipaq.

²³ Murupakuyänaykipaqpis tiempulanchömi tamyasimunqa. Mikuynikikunapis shumaq wayurmi maypis mikukuy munay kanqa. Uywaykikunapaqpis saysikami qewa kanqa.

²⁴ Aruq yuntaykikunapis y carga ashtaq ashnuykikunapis ali qewatami mikuyanqa.

²⁵ Intëru puntakunapita y altunnin lömakunapitapis mayunöraqmi yaku shamunqa. Say wisanmi lapan chikishuqnikikunata wanuykasir amparakuyänan törrinkunatapis Tayta Dios chipyaq juchusinqa.

²⁶ Say wisanqa kuyashqan runakunata castigar däñashqanta Tayta Diosmi jampinqa. Killapis intinöraqmi asikyanqa. Intipis qanchis intinöraqmi asikyanqa.

Asiria runakunata castigananpaq nishqan

²⁷ ¡Maski rikayay! Kikin Tayta Diosmi karupita aywaykämun. Paypa rabyanayninqa kayaypita qontayraq qoshni sharkuqnöraqmi kaykan. Fiyupa rabyash rimashqanpis imaykatapis ushaq ninanöraqmi kaykan.

²⁸ Pükashqanpis fiyupa jakash mayu runata apaqnömi kaykan. Pay shamuykan juklä nación runakunata shuyshunawan shoqshiqno lapanta ushakäsinanpaqmi. Cawallupa shiminman frënuta churaparkur mana munashqanpa apaqnömi say runakunata desgraciaman apanqa.

²⁹ Sión runakuna, qamkunami isanqa Diosta alabana fiestacho sakaypa kushish cantayashqannöraq cantayanki. Tayta Diosta adorakuna lömaman pinkulluta tukaraykar wisaqnöraqmi kushikuyanki. Payqa imaykapitapis sapämaqninsi Diosmi kaykan.

³⁰ Contrankunata ushakäsinanpaq shamurmi fiyupa mansariypaq parlashqanta Tayta Dios wiyakäsinqa. Bunyaypa bunyar rupaykaq ninawan, maqakuywan, mangädawan y runtu tamyawanmi fiyupa rabyashpan castiganqa.

³¹ Pay olqushqanta wiyalarmi Asiria nación runakuna ushakäyanqa. Asiria runakunata tukrunwanmi Tayta Dios wirunqa.

³² Mana kachaypa wiruykarmi Asiria runakunata ushakäsinqa. Sayno castigaptinmi panderëtakunata, arpakunata tukarraq kuyashqan runakuna kushikuyanqa.

³³ Asiria runakunapa mandaqnin rey nakananpaq unaypitanami juk sitiu kamarish kaykan. Say kamarishqan sitiuqa jatunkaraymi. Saycho rupananpaqmi yantapis kamarishna kaykan. Tayta Dios pükamuriptinmi shiminpita aska azufri yarqamunqa. Saywan ninata ratasirmi say reyta ushakärasinqa.