Isaías 3 - Tayta Diospa Wilakuynin

Judá runakunawan Jerusalén runakuna castigash kayänanpaq nishqan

¹ ¡Kay nishqäta lapayki wiyakuyay! Lapanta mandaq Tayta Diosmi Judá nacionta kachariykunqa. Jerusalén markatapis mananami yanapanqanasu. Saymi saycho taqkunapaq mikuypis ni yakupis kanqanasu.

² Saynömi kayanqanasu geniu runakunapis ni soldädukunapis, juezkunapis ni profëtakunapis, rikakuqkunapis ni mayor runakunapis,

³ mandaq capitankunapis ni marka sararaq runakunapis, yäsikuqkunapis, ali yachaqkunapis ni brüjukunapis.

⁴ Mandaqninkuna kayänanpaqmi sayraq yachakuq maqtakunalata y wamrakunalata churayanqa.

⁵ Kikinpura pasaypa chikinakurmi kawayanqa. Vecïnunkunawanpis jukninwan jukninwanmi pelyayanqa. Maqtakunapis awkinkunata mana respitayashpanmi chikiyanqa. Mana väliq runakunapis yachaq runakunapa contranmi sharkuyanqa.

⁶ Sayno kaptinmi papäninpa wayincho kaykaq wawqinta ninqa: <>.

⁷ Wawqinnami jurashpan ninqa: <>.

⁸ Jerusalén marka ushakäsishqami kanqa. Judá nación runakuna pasaypa mana ali kawaymanmi chäyanqa. Sayno nakayanqa manakaqkunata parlayashqanpita y lutankunata rurayashqanpitami. Saynöpami paykunaqa Tayta Diospa contran rikakuyash.

⁹ Jusalikuyashqantaqa qaqlankunapis wilakuykanmi. Jusalikurpis manami penqakuyansu. Sodoma runakunapa jusankunanömi jusankuna maysaymanpis mayakaykan. ¡Wawalaw, llëvasish kayänanpaq kikinkunami achäquita ashipäyash!

¹⁰ Ali runaqa alita rurashqanpitami kushish kawanqa.

¹¹ Jusalikuqkunaqa ¡imanöraq kayanqa! Paykuna pasaypami nakayanqa. Mana alita rurayashqanman tupumi castigash kayanqa.

¹² Kuyashqä runakuna, mandaqnikikunami pantakäsiyäshushpayki lutanta ruraykäsiyäshunki. Nakasishuqnikikunaqa wamranölami kaykäyan. Autoridä kaymanpis warmikunalami yaykuykäyan.

¹³ Kuyashqan runakunata juzgananpaq kamarikushnami Tayta Dios kaykan.

¹⁴ Saymi mayor runakunata y mandaqkunata Tayta Dios qayasir ninqa: <

¹⁵ Kuyashqä runakunata ¿imanirtaq sayno nakaykäsiyanki? Pobrikunatapis ¿imanirtaq sayno alquysakuykäyanki? Lapanta mandaq Tayta Dios karmi sayno nï>>.

Jerusalén warmikunata castigananpaq nishqan

¹⁶ Mastapis Tayta Diosmi nin: <

¹⁷ Sayno kayashqanpita qarachu qeshyawan castigaptïmi qara putuyash penqaypaq puriyanqa>>.

¹⁸ Jerusalén warmikunata castigarmi Tayta Dios ushakäsinqa chakincho jatiräyashqan adornunkunata, ganchunkunata y coröna niraq adornunkunata,

¹⁹ walqankunata y brasilëtankunata, umancho jatiräyashqan adornunkunata

²⁰ y uman shukutakuyänankunata, chakinman watakuna brasilëtankunata y shumaq awash wachkunkunata, perfüminkunata y suertipaq sararäyashqan wayrurunkunata,

²¹ sortïjankunata y senqankunaman jatikuyänan zarcïllunkunata,

²² kuyaylapaq sëda mödanankunata y jakunkunata, vëlunkunata y cartërankunata,

²³ espëjunkunata y fïnu tëlankunata, uman shukutakuyänan tëlakunata y kata jakunkunatapis.

²⁴ Say wisanqa perfümiwan mushküyänanpa trukan fiyupami asyäyanqa. Wachkupa trukan waskalami kanqa. Shumaq piltakush kayänanpa trukan qara putumi kayanqa. Sëda mödanakunata jatikuyänanpa trukan lütu mödanatami jatikuyanqa. Qaqlankunapis kuyaylapaq kananpa trukan melanaypaq qeri ushashqami kayanqa.

²⁵ Jerusaléncho taq runakunata espädawanmi wanusiyanqa. Pelyay yachaqkunapis guërrachömi ushakäyanqa.

²⁶ Markaman yaykuna punkukunapis lakikurmi waqayanqa. Jerusalén markapis qowan kacharish warminömi rikakunqa.