Isaías 28 - Tayta Diospa Wilakuynin

Samaria markapaq nishqan

¹ ¡Wawalaw, Samaria marka! Ali wayuq chakra janaqan lömachömi sharkasish kaykanki. Say lömacho kuyaylapaq marka karmi Efraín runakunapa corönanno kaykanki. Qamcho taqkunaqa vïnuta upyaykälarmi qoyarkuyanpis. Shinkar runa tukuykäyashqanchömi kuyaylapaq wayta wanuytaqno ushakäyanqa.

² Paykunata ushakäsinanpaqmi kalpayuq y munayyuq runata Tayta Dios akrash. Say runaqa runtu tamyanöraq, löcu wayranöraq y jakash mayunöraqmi imatapis tarishqan kaqta ushakäsinqa.

³ Shinkash Efraín runakunapa corönanno Samaria marka kaptinpis say markata jarukurmi ushanqa.

⁴ Saymi say ali wayuq chakra janaqan lömacho kaykaq markaqa kuyaylapaq kaykarpis waytano ushakanqa. Punta poquq hïgusta jukla palar mikushqannömi say markata ushakäsinqa.

⁵ Say wisan kawaykar quëdaq runakunapa corönan lapanta mandaq Tayta Diosmi kanqa. Kuyashqan runakunapa kuyaylapaq adornun kanqa.

⁶ Demanduta shumaq arreglayänanpaqpis paymi juezkunata ali yarpayta qonqa. Marka täpaq soldädukunatapis geniu kayänanpaqmi valorta qonqa.

⁷ Kananqa cürakunapis profëtakunapis vïnuta y imayka shinkäsikuqkunata upyakurkurmi sankapaykachaykäyan. Shinkash kayashpanmi Diospa wilakuyninta wilakuyänanpaqpis musyayansu. Shumaq juzgaytapis kamäpakuyansu.

⁸ Gumitayashpanmi lapan mësankunatapis qanratäyash. Paykuna kayashqanchöqa lapanpis qanratashlami kaykan.

⁹ Say runakunaqa pï anyapaptinpis niyan: <<¿Pita yachaykäsishqaykitataq yarpaykanki? ¿Pï kashqäta yarpartaq Diospa wilakuyninta wilapaykämanki? ¿Chuchuykaq wamra kashqätaku yarpaykanki? ¿Sayraq wasqish wamra kashqätaku yarpaykanki?

¹⁰ Parlapämashqaykiqa wamra parlayta yachakur nishqannölami kaykan. Wakcho kaychöpis saylatami nikämanki>>.

¹¹ Saymi say runakunata castigar mana tantiyayashqan idiömapa Tayta Dios parlapanqa.

¹² Paykunatami Tayta Dios nirqan: <>. Niptinpis manami wiyakuyashsu.

¹³ Saymi paykunata castigar mana tantiyayashqan idiömawan Tayta Dios parlapanqa. Say parlapashqanqa <> niqnölami kanqa. Wakcho kaychöpis saylatami tantiyayanqa. Saymi puriyta yachakuykaq wamra ankalaypa tuniykur jitaraqno jitaräyanqa. Contrankunapa makinman chäyaptinmi prësu sarir apakuyanqa.

Jerusalén markapa autoridäninkunata castigananpaq nishqan

¹⁴ Jerusaléncho pitapis mana respitaq autoridäkuna, Tayta Dios nishqanta wiyayay.

¹⁵ Qamkunaqa nikäyanki: <>.

¹⁶ Makincho sararämaqninsi Tayta Diosmi nin: <

¹⁷ <

¹⁸ <

¹⁹ Cada vez chämurmi qarachash apayäshunki. Waran waranmi sakaypapis junaqpapis sayno ushayäshunki. Chämunanpaq kaykashqanta musyaykularmi mansariywan suksukyäyankipaqpis.

²⁰ Taksha kawitucho solqakuyta mana puëdiqnömi kayankipaq. Taksha jakuwan qatakuyta mana kamäpakuqnömi kayankipaq>>.

²¹ Perazim lömacho pelyashqanno yapaymi Tayta Dios pelyanqa. Gabaón pampacho rabyakushqanno yapaymi rabyakunqa. Mana criyiypaqmi runakunata castiganqa. Pipis tantiyayta mana atipashqantami ruranqa.

²² Sayta rurarqa kay nacionta chipyaqmi ushakäsinqa. Ushakäsinanpaqmi lapanta mandaq Tayta Dios nin. Sayno kaptinqa wilakuyninta manakaqman ama churayaysu. Saynöla mana wiyakuq kayaptikiqa mas peormi castigayäshunkipaq.

²³ Wilapashqäta tantiyakuyänaykipaq shumaq wiyayämay. Imata nishqätapis shumaq tantiyayämay.

²⁴ Murupakuyta munarqa manami yaparir yaparir barbichalarsu kakunsi. Saynöpis manami kurpakunata takar qewankunata tapshilarsu kakunsi.

²⁵ Saypa trukanqa inöjutapis, comïnustapis, trïgutapis, cebädatapis y avënatapis murunansipaq kaqman juklami shikansi.

²⁶ Sayno shumaq arunansipaq Tayta Diosmi yarpayta qomansi.

²⁷ Inöjutaqa manami ëransisu. Comïnustapis carrëtawan manami jarusinsisu. Inöjuta y comïnustaqa llanu qerulawanmi wirunsi.

²⁸ Trïgutami isanqa jarusinsi. Jarusishtanaqa manami jarusinsinasu. Carrëtawan jarusirpis manami muruntaqa ñuchushqanyaq jarusinsisu.

²⁹ Lapanta mandaq Tayta Diosmi say yarpaytaqa qomashkansi. Paypa yachasikuyninqa espantaypaqmi kaykan. Pay yachashqanmanqa manami imapis tinkunsu.