Isaías 27 - Tayta Diospa Wilakuynin

Israel runakuna markankunaman kutiyämunanpaq nishqan

¹ Say wisanmi lamarcho wenquypa wenqur shiwyarayla aywaq mansariypaq Leviatán waräkuyta Tayta Dios jatunkaray llawchi espädanwan wanusinqa.

² Say wisanmi Tayta Dios ninqa: <

³ Noqa Tayta Diosmi say üva chakrata shumaq rikaykä. Mana kachaypami parqupaykäpis. Pipis mana jarukunanpaqmi paqasta junaqta rikaykä.

⁴ <

⁵ Yärakamar manakamaqkunatami isanqa kuyapäshaq. Pipis ali rikanäta munarqa noqawan amistasun. Yapaymi nï: ¡Noqawan amistasun!>>

⁶ Shamuq watakunacho Jacobpita miraq Israel runakuna ali winaykaq jachanömi nacionnincho kawayanqa. Jaqwäkur shumaq sheqlimuqnömi kayanqa. Ali tuktur wayushqanmi maysay nacionkunaman chanqa.

⁷ Israel runakunata Tayta Dios castigarpis manami contran runakunata castigashqannösu castigash, sinöqa kuyapashqaraqmi. Saymi contrankunata ushakäsirpis Israel runakunataqa ushakäsishsu.

⁸ Ushakäsinanpa trukan nacionninpita jukläman prësu apasiypami castigash. Sunyaq jirkapita fiyupa wayrämur imaykatapis apaqnömi apasish.

⁹ Sayno kaptinpis Jacobpita miraqkunata jusankunapita perdonanqami. Sayno perdonanqa juk dioskunata adorakuyänan altarkunata ushakäsiyaptin, say altarta perqashqan rumikunata isku rumitano chipyaq rupasir ushakäsiyaptin, Asera diösapaq raku qerukunata manana jawiyaptin y juk dioskunapaq inciensuwan qoshnisikuyänan altarkunatapis juchusiyaptinmi.

¹⁰ Nacionninpita Israel runakunata apakuyaptin ali murallash markankuna sunyaqmi rikakuyash. Saysika runakuna täyashqan markakunachöpis manami pipis kashnasu. Misikuna jirkakunalamanmi tikrayashqapis. Saychömi turïtukunapis qewata mikur pacha junta punuräyan.

¹¹ Rämakuna sakir pakikaqkunatami warmikuna saycho yantakuyan. Saycho taq runakuna mana tantiyakuqmi kayash. Saymi paykunata kamaq Tayta Dios kuyapashsu ni lakipashsu.

¹² Say wisanmi trïguta ërapita shuntaqno Éufrates mayupita Egipto mayuyaq juk jukla lapaykita shuntayämushunki.

¹³ Say wisan cornëtata tukamuptinmi Asiriacho tarpis y Egiptucho tarpis nacionnikiman kutiyämunki. Jerusalénman kutiykamurmi sagrädu lömacho Tayta Diosta adorayanki.