Isaías 26 - Tayta Diospa Wilakuynin

Yanapashqanpita Tayta Diosta alabayashqan

¹ Say wisanmi Judá nacioncho kay versuta cantar niyanqa: <

² ¡Ali runakuna yaykayämunanpaq marka punkunta kichapäshun! ¡Tayta Dios munashqanno kawaq runakuna yaykayämusun!

³ <

⁴ ¡Tayta Dioslaman imaypis yärakushun! Payqa sapämaqninsi qaqami imayyaqpis kaykan.

⁵ <

⁶ Ushakäsiptinmi pobrikunapis, muchuqkunapis say runakunata asipäyanqa.

⁷ Ali runakunatami isanqa pisash nänipano puriyänanpaq yanapan. Alilata ruraq karmi jawkala kawayänanpaq imaypis yanapan>>.

Tayta Dios salvananpaq shuyakuyashqan

⁸ Tayta Dios, mandamientuykikunata cäsukuyashpämi salvayämänaykipaq shuyakuykäyä. Jutikita joqarirmi qamlaman imaypis yarparaykäyämü.

⁹ Sakaykunapapis qamlamanmi yärakaykäyämü. Walpa waqay hörapis lapan shonqükunawanmi manakaykäyämü. Runakunata castigashqaykita rikarraqmi wakin runakunapis lutan ruraykunata kachariyanqa.

¹⁰ Fiyu runakunami isanqa kuyapaptikipis mana ali rurayta kachariyansu. Ali runakunapa nawpancho taykarpis mana alilatami rurayan. Munayyuq kashqaykita mana cuentaypami lutankunata rurayan.

¹¹ Tayta Dios, castiganaykipaqna kaykaptikipis say runakuna manami tantiyakuyansu. ¡Kuyashqayki runakunapa favornin sharkushqaykita rikar penqakuyäsun! ¡Chikishuqnikikunata imaykatapis nina ushaqnöraq ushaykulay!

¹² Tayta Dios, jawkala kawayänäpaq qamlami yanapäyämanki. Qam kamakäsiptikimi lapan rurashqäkunapis ali kaykan.

¹³ Tayta Diosnilä, mandaq jäpa runakunami munaynincho sararäyämash. Sayno kaptinpis qamlamanmi imaypis yärakayämü.

¹⁴ Kananqa say mandaqkunata castigarmi ushakäsishkanki. Paykunata wanusirmi elaqärasishkanki. Say runakunaqa manami kawariyämunqanasu. Paykunapaq manami pipis yarpanqanasu.

¹⁵ Tayta Dios, bendicionnikiwanmi nacionnï jatunyash. Lindërükunatapis mas karumanmi witisishkanki. Sayno rurashqaykipitami qamta alabayä.

¹⁶ Tayta Dios, pasaypa nakasiyämaptikimi qamta ashiyarqä. Castigayämaptikimi ruwakayämurqä.

¹⁷ Wachay nanaywan warmi qaparashqannömi qampa nawpaykicho qaparäyashkä.

¹⁸ Juklä nación runakuna nakasiyämaptin manami imanöpapis salvakuyta kamäpakuyashkäsu. Manami ali kawaytapis tariyäsu.

¹⁹ Sayno kaptinpis qamman yärakuqkunaqa kawariyämunqami. Pampayaptinpis sharkayämunqami. ¡Alpaman tikrash kaqkuna, sharkur kushish cantayay! Qamkunatapis ali kawayänaykipaq Tayta Dios yanapaykuyäshunki. Shulyatanömi salvacionninta kachamunqa.

²⁰ Marka mayikuna, wayikikunaman yaykur punkuykikunata wichqakayämuy. Tayta Diospa rabyaynin päsashqanyaq pakaräkuyay.

²¹ Täkunanpitami Tayta Dios yarqamunqa. Jusalikuyashqanpitami kay pasacho taqkunata castiganqa. Runakuna pakaylapa wanusiyashqantapis kay pasa manami upälakunqasu. Wanusikuq kayashqanpitami castigash kayänanpaq shimpinqa.