Isaías 22 - Tayta Diospa Wilakuynin

Jerusalén runakuna Tayta Diosta mana mansapakuyashqan

¹ Kaychömi qelqaraykan Rikachakuna Pampacho ima kananpaq kashqantapis Tayta Dios revelashqan. Jerusalén runakuna, ¿imataq markaykicho kaykan? ¿Imanirtaq wayi janankunacho kushikuykäyanki?

² ¿Imanirtaq sayjinanpa qaparayparaq kushikuykäyanki? Manami espädawansu ni guërrachösu wanuyanki, sinöqa malaqaywan y pestiwanmi ushakäyanki.

³ Autoridäkunapis flëchayänanta mansarmi qeshpikuyash. Karupa qeshpiyaptikipis lapaykikunatami prësu sariyäshushkanki.

⁴ Saymi nï: ¡Nawpäpita witikuyay! Marka mayinsikunata wanusiyänanpaq kaptinmi fiyupa waqä. Iksushqäyaq waqaptïpis ama shoqayämaysu.

⁵ ¡Rikachakuna Pampacho fiyupa mansariypaqmi kanqa! ¡Say junaq chämunanpaqmi lapanta mandaq Tayta Dios kamakäsish! Marka murällatapis juchusiyanqami. Runakuna ausiliuta manakur qayaräyashqanpis jirka puntakunayaqmi wiyakanqa.

⁶ Atacamänansipaqmi Elam runakuna flëchankunata kamarikuyash. Maynami carrëtankunaman wisäyash. Cawallunkunatapis loqashnami kaykäyan. Kir runakunapis escüdunkuna aptashnami kaykäyan.

⁷ Maypis täkuy munay pampakunachöpis guërra carrëtakuna juntanami kaykäyan. Cawallun loqash runakunapis markansi punkuchönami kaykäyan.

⁸ Sapämänansipaq pipis mana kaptinmi munti niyashqan palaciucho churaraykaq armakunalaman yärakuykäyanki.

⁹ Davidpa Markanpa murällan juchush kaqkunata alsayänaykipaqmi rikapakuyashkanki. Yaku kananpaqmi ura kaq pözuman yakuta juntayashkanki.

¹⁰ Jerusalén wayikunata rikapaykurmi mana ali kaqta juchusiyarqayki murällata alsayänaykipaq.

¹¹ Markata saparaq murälla waqtancho kita kaptinmi marka rurinchöna yaku pözuta rurayarqayki saypitana yakuta jorquyänaykipaq. Sayno kamarikurpis manami Tayta Diosman yärakuyankisu. Atacamänansipaq unaypita pasana Tayta Dios kamakäsish kaptinpis manami payta mansapakuyankisu.

¹² Lapanta mandaq Tayta Diosmi munarqan jusalikuyashqaykita pësakur waqayänaykita. Saynöpis munarqan lakikuyänaykita y aqsaykikunatapis rutukurir qachqa mödanakunata jatikuyänaykitami.

¹³ Isanqa pay nishqanta cäsukuyänaykipa trukanqa fiestata rurarmi wäkakunata y uyshakunata pishtarkur aysata mikur y vïnuta upyar kushikuyarqayki. Saymi niyarqayki: <>.

¹⁴ Sayno kayaptikimi lapanta mandaq Tayta Dios nimarqan: <>. Lapanta mandaq Tayta Diosmi sayno nish.

Sebna wanunanpaq nishqan

¹⁵ Lapanta mandaq Tayta Diosmi kayno nimarqan: <

¹⁶ <<¿Pï kashqaykitataq yarpaykanki? ¿Imanirtaq altunnin qaqacho kuyaylapaq wayitano mïchuykita ruraykäsinki?

¹⁷ Sayno kaykaptikimi Tayta Dios prësu sarisir karu nacionman apasishunki.

¹⁸ Pelötatanömi jatun nacionman jitariykushunki. Saycho wanuptikimi kushish purishqayki carrëtaykikunapis ichiräkuyanqa. Ushakaptikimi mandaqniki reypis pasaypa penqakunqa.

¹⁹ Tayta Diosmi autoridä kaynikipitapis qarqushunki. Carguykipitapis jitarishunkimi.

²⁰ <

²¹ Paytanami mödanaykikunata jatipäshaq. Wachkuykiwanmi seqlanta wachkapäshaq. Nirkurmi qampa trukayki autoridä kananpaq churashaq. Paymi Jerusalén runakunapa y Judá runakunapa taytanno kanqa.

²² Paytami entregashaq rey Davidpa palaciunpa llävinpa wawanta. Pay kichashqantaqa manami pipis wichqanqasu. Wichqashqantaqa manami pipis kichanqasu.

²³ <<

²⁴ Pucillukuna, järrakuna y imayka niraq täzakuna estäcacho warkuraqnömi lapan castankunapis, surinkunapis y wilkankunapis payman amparakuyanqa.

²⁵ << . Lapanta mandaq Tayta Diosmi sayno nin>>.