Isaías 21 - Tayta Diospa Wilakuynin

Babilonia nación imano kananpaqpis nishqan

¹ Kaychömi qelqaraykan lamar nawpancho kaykaq sunyaq jirka imano kananpaq Tayta Dios revelashqan. Neguevpita shamuq shukukuynömi maysaytapis ushaq soldädukuna aywaykäyämun. Fiyupa mansariypaq sunyaq jirkapami shamuykäyan.

² Aläpa mansariypaqta revelamarmi Tayta Dios rikasimash runakuna pasaypa lulakuykäyaqta. Saynöpis rikasimash wanusikuq runakuna runa mayinta wanuykäsiyaqta. ¡Elam runakuna, atacayänaykipaq shayämuy! ¡Media runakuna, wanusiyänaykipaq yaykayämuy! ¡Babilonia runakuna amana pitapis nakasiyäsunnasu!

³ Babilonia nacionta Tayta Dios ushakäsinanpaq kashqanta musyaptïmi shonqüyaqraq nanaypis chaykun. Wachay nanaywan lakikuq warmitanöraqmi lakikuypis sariykaman. Revelacioncho wiyashqä y rikashqä fiyupami mansarïsiman.

⁴ Saymi juiciütapis oqrashno kaykä. Mansariylawanmi suksukyaykäpis. Pasa sakänanta munarpis sakarkuptinqa fiyupami mansarï.

⁵ Babiloniacho mësa kamarishqami kaykan. Janancho mantilpis mashtaraykanmi. Saycho mikuykäyan, upuykäyannami. ¡Capitankuna, sharkuyay! ¡Pelyar sapakuyänayki escüduykikunata kamarikuyay!

⁶ Tayta Diosmi nimash: <

⁷ Guërra carrëtan qarachash parninpa parninpa cawallukuna shamuykäyaqta rikar o bürrun loqash o camëllun loqash shamuykäyaqta rikar jukla wilakamunqa>>.

⁸ Saypitanami rikachakuq churashqä runa qayakamur nimarqan: <

⁹ Kananmi isanqa rikaykä ishkay cawallukuna guërra carrëtan qarachash shamuykäyaqta>>. Paykuna chaykurmi niyarqan: <<¡Ushakashnami, ushakashnami Babilonia marka! ¡Adorayashqan dioskunapa ïdulunkunapis pasacho shalushnami jitaraykäyan!>>

¹⁰ Marka mayikuna, ëracho trïgu wirukaqno y wayrash takakaqnömi pasaypa nakaykäyanki. Qamkunata wilaykä kuyamaqninsi y lapanta mandaq Tayta Dios lapan nimashqantami.

Edom imano kananpaqpis nishqan

¹¹ Kaychömi qelqaraykan edomita runakuna imano kayänanpaq Tayta Dios revelashqan. Seirpita pasami juk runa qayakamur nimash: <>

¹² Saymi rikachakushqächo nirqä: <>.

Arabia runakuna imano kayänanpaqpis nishqan

¹³ Kaychömi qelqaraykan Arabia runakuna imano kananpaq Tayta Dios revelashqan. Negociuta apar Arabiacho kaykaq shatakunacho posädakuq Dedán runakuna,

¹⁴ qeshpikuqkunata yakuta taripäsiyay. Temacho taq runakuna, mikuyta qarayay.

¹⁵ Arabia runakunaqa espädawan wanusiyänanpitami qeshpikuykäyan. Flëchawan wanusiyänanpitami ayqikuykäyan. Guërracho wanuyta mansarmi aywakuykäyan.

¹⁶ Tayta Diosmi nimash: <

¹⁷ Flëchawan flëchaq geniu runakunaqa walkaqlanami Cedarcho kawaykar quëdayanqa>>. Israel runakunata kuyaq Tayta Diosmi sayno nish.