Isaías 19 - Tayta Diospa WilakuyninEgipto imano kananpaqpis nishqan 1 Kaychömi qelqaraykan Egipto nación imano kananpaqpis Tayta Dios revelashqan. Fiyupa cörriq pukutay jananchömi Egiptuman Tayta Dios aywaykämun. Egiptucho kaykaq ïdulukunapis paypa nawpanchöqa suksukyäyanmi. Fiyupa mansariywanmi Egipto runakunapa shonqunpis ushakaykan. 2 Tayta Diosmi nin: < 3 Egipto runakunapa juiciuntami perdisishaq. Imata rurayänanpaq yarpäyashqantapis manami kamakäsiyanqasu. Saymi imata rurayänanpaqpis ïdulukunata, brüjukunata, wanuqkunapa almanta y adivïnukunata tapukuyanqa. 4 Saynölami juk reypa munayninman Egipto runakunata churashaq. Say reyqa pasaypa fiyumi kanqa>>. Lapanta mandaq Tayta Diosmi sayno nin. 5 Nilo mayu sakiptin raqranpis yakuynaqmi rikakunqa. 6 Sekyakunacho yaku qocharaqlanpis asyarinqami. Raqrakunapa aywaq yakupis sakinqami. Shoqushkunapis y ututukunapis sakinqami. 7 Nilo mayu kuchunkunapis sakinqami. Nawpankunacho kaykaq qewapis ankakanqami. Imayka murupakuykunapis chipyaqmi sakiykar ushakanqa. 8 Nilo mayucho anzuëluwan pescädu sariqkunapis lakikuyashpanmi waqayanqa. Redwan pescädu sariqkunapis fiyupami lakikuyanqa. 9 Lïnu manana kaptinmi lïnuta puskaqkuna ima ruraytapis kamäpakuyanqanasu. 10 Tëla awaqkunapis lïnu ushakaptinmi fiyupa lakikuyanqa. Arupakuqkunapis pasaypami mansakäyanqa. 11 ¡Zoán markapa autoridäninkunaqa yarpayniynaq upa runakunami! ¡Rey Faraónta yäsiqkunapis upatakashqami kaykäyan! ¡Imanirtaq Faraónta niyanki tantiyaq runakuna casta kayashqaykita! ¡Imanirtaq payta niyanki unay reykuna casta kayashqaykita! 12 Faraón, ¿maytaq musyakuqnikikuna? Rasunpaypa yachaq karqa mä musyasishunki lapanta mandaq Tayta Dios Egiptuta imano rurananpaqpis yarpaykashqanta. 13 Zoán markapa autoridäninkunaqa upatakäkuyashqami. Menfis markapa autoridäninkunapis lutantami criyiyan. Provinciakunapa mandaqninkunami Egipto runakunata lutanta criyisiyash. 14 Egipto runakunataqa Tayta Diosmi pantakäsish. Saymi gumitashqanyaq machash runa sankapaykachaqno imata rurayänanpaq kaqtapis tantiyayansu. 15 Egipto nación ushakänan junaq chämuptinqa manami mandaqnin reypis, ni común runakunapis, ni poquq runakunapis ni muchuq runakunapis salvanqanasu. 16 Lapanta mandaq Tayta Dios castiganan junaqmi Egipto runakuna warmino mansariyanqa. Paykunata castigananpaq makin kamakushlana kaykashqanta musyarmi fiyupa mansariyashpan suksukyäyanqa. 17 Judá runakunatapis fiyupami mansayanqa. Judá runakunapita parlaptilanmi yarpäyanqa lapanta mandaq Tayta Dios castigananpaq kashqanta. Sayta yarparmi fiyupa mansariyanqa. 18 Say junaqqa Egiptucho pisqa markachömi hebreo idiömata parlayanqa. Saycho taqkunaqa lapanta mandaq Tayta Dioslata sirviyänanpaqmi promitiyanqa. Say pisqa markakunapita jukpa jutin kanqa Herezmi. 19 Say junaqqa jinan Egiptuchömi Tayta Diospaq juk altarta perqayanqa. Lindërunchönami Tayta Diosta yarpäyänanpaq juk wankata ichisiyanqa. 20 Sayta rurayanqa lapanta mandaq Tayta Diosta Egiptucho sirviyashqanta pïmaypis musyananpaqmi. Pipis nakasiyaptinqa Tayta Diostami manakuyanqa. Saymi juk salvaqta kachamunqa nakaypita jorqunanpaq. 21 Saynöpami Egipto runakunata Tayta Dios musyasinqa lapanpaq munayyuq kashqanta. Sayta tantiyarmi Egipto runakunapis sacrificiukunata y saki mikuy ofrendakunata promitiyashqannöla templuman apayämunqa. 22 Mana cäsukuq kayashqanpita Egipto runakunata castigarkurpis Tayta Dios yanapanqami. Sayno yanapanqa paykunapis Tayta Dios nishqanta cäsukuyaptinmi. 23 Say wisanqa jatun nänimi Egiptupita Asiriayaq aywaranqa. Saymi Asiria runakuna Egiptupa aywayanqa y Egipto runakunapis Asiriapa aywayanqa. Egipto runakunawan Asiria runakuna talukarkurmi Tayta Diosta sirviyanqa. 24 Israel runakunapis Egipto runakunawan y Asiria runakunawanmi talukäyanqa. Saynöpami maysaycho taqkunapaqpis bendición kanqa. 25 Lapanta mandaq Tayta Diosmi bendicionninta qoshpan ninqa: < |
© 2003, Wycliffe Bible Translators, Inc. All rights reserved.
Wycliffe Bible Translators, Inc.