Isaías 13 - Tayta Diospa Wilakuynin

Babilonia nación imano kananpaqpis wilakushqan

¹ Kaychömi qelqaraykan Amóspa surin Isaíasta Tayta Dios revelashqan. Say revelacionchömi rikasirqan shamuq watakunacho Babilonia nación imano kananpaq kashqantapis.

² <<¡Liwyaqnin jirka puntanman señalta jawiyay! ¡Atacayänanpaq soldädukunata qayakuyay! ¡Reykuna yaykukuyänan punkukunapa yaykuyänanpaq qemlakuyay!

³ Rabyanäsimaq runakunata castigayänanpaqmi juk nación runakunata kachashkä. Paykunata atacayänanpaqmi ordenashkä. Say runakunaqa pelyay yachaq geniu runakunami kaykäyan. Paykunami conträkunata vinciptï kushikuyan>>.

⁴ Aska nación runakuna shuntakar qayakuyashqanmi puntakunapita wiyakaykämun. Lapanta mandaq Tayta Diosmi shuntaykan pelyaman aywayänanpaq kamarikush kaykaq soldädunkunata.

⁵ Karu nacionpitami aywaykäyämun. Pasapa kuchun ciëlu tinkuraqpitami aywaykäyämun. Tayta Dios rabyash karmi say shamuykaq soldädukunawan Babilonia nacionta chipyaq asularasinqa.

⁶ ¡Timpuypa timpur waqayay! Lapanpaq munayyuq Tayta Dios castigayäshunaykipaq kaq junaq chaykämunnami. Castigayäshushpayki lapan nacionnikitami ushakäsinqa.

⁷ Say hörami runakunapa rikrankunapis warkakäkunqa. Lapanmi aywapakäyanqa.

⁸ Fiyupa mansariylawanmi suksukyäyanqa. Wachay nanaywan nakaq warminömi fiyupa mansarir qequykachäyanqa. Jukninpis jukninpis mansakashqami rikapänakuyanqa. Penqakuylawanmi qaqlankunapis pukayanqaraq.

⁹ Tayta Dios castiganan kaq junaq chaykämunnami. Say junaq fiyupa mansariypaqmi kanqa. Fiyupa rabyar castigashpanmi kay pasata sunyaraykaqta kachaykunqa. Lapan jusalikuqkunatami ushakäsinqa.

¹⁰ Qoyllarkunapis manami asikyanqanasu. Intipis jeqarkamularmi sakakäkunqa. Killapis mananami asikyanqanasu.

¹¹ Tayta Diosmi nin: <

¹² Castigar ushakäsiptïmi Ofirpita kaq qori walkala kashqanno runakunapis walkalana kayanqa.

¹³ Say höraqa jana pasapis suksukyanqami. Kay pasapis juklämanmi witikunqa. Fiyupa rabyar castigashqä junaqmi sayno kanqa.

¹⁴ <

¹⁵ <

¹⁶ Maman taytan rikaraykäyaptinmi wamrankunatapis paqshir ushayanqa. Qechurmi wayinpita imaykantapis apakuyanqa. Warminkunatapis saripakuyanqami.

¹⁷ <

¹⁸ Saypa trukanqa atacayashpanmi maqtakunatapis flëchawan wanusiyanqa. Iti wamrakunatapis y pishi wamrakunatapis mana kuyapaypami wanusiyanqa.

¹⁹ <

²⁰ Manami imaypis saycho runa tanqanasu. Saychöqa Arabia runakunapis manami posädakuyanqanasu ni uyshayuqkunapis misikuyanqanasu.

²¹ <

²² Palaciukunachöpis hiena uywakunalanami aular täyanqa. Alinnin wayikunachöpis chacalkunalami täyanqa. Babilonia nación ushakänanpaq kaq höra chaykämunnami. Manami aykäpis pishinnasu>>.