Hechos 9 - Tayta Diospa Wilakuynin

Sauluta Jesús yuripashqan

¹ Saulunami Señor Jesúspa discïpulunkunata wanusiyta munashpan mas mandaq cüraman aywar

² nirqan: <>.

³ Say ordinwan aywar Damasco markaman chaykaptinnami ciëlupita aksi elaqpita chipipiypa asikyapaykamurqan.

⁴ Sayno asikyapaykamuptinmi pasaman Saulo tunir wiyarqan <> nimuqta.

⁵ Sayta wiyarmi Saulo tapurqan: <<¿Pitaq kanki, Taytay?>> nir. Saymi nimurqan: <>.

⁶ Sayta wiyarmi mansariywan suksukyashpan Saulo nirqan: <<¿Imatataq rurashaq, Taytay?>> Saynami Señor Jesús nirqan:] <>.

⁷ Parlamushqanta wiyarpis pitapis mana rikayashpanmi Sauluwan aywaykaqkuna fiyupa mansakäyarqan.

⁸ Saulunami tunishqanpita sharkurkur rikachakurpis imatapis rikarqannasu. Saymi paywan aywaq runakuna janchaylapa Damascuman chäsiyarqan.

⁹ Saycho kimsa junaq qaprayashla karmi mikuytapis mikurqansu ni yakutapis upurqansu.

¹⁰ Damascuchömi juk discïpulu tarqan Ananías jutiyuq. Paytami Señorninsi yuriparkur nirqan: <<¡Ananías!>> Niptinmi nirqan: <<¿Imataq, Taytay?>>

¹¹ Saymi Señorninsi nirqan: <

¹² Paymi revelacioncho rikashushkanki yapay rikananpaq makikita umanman churaykur manakuykashqaykita>>.

¹³ Niptinmi Ananías nirqan: <

¹⁴ Kananpis mandaq cürakunapa ordinninwanshi kayman shamush qamman yärakuqkunata prësu apananpaq>>.

¹⁵ Saymi Señorninsi nirqan: <

¹⁶ Paytami musyasishaq noqa rayku fiyupa nakananpaq kashqanta>>.

¹⁷ Sayno niptinmi Ananías Saulo kaykashqan wayiman aywarqan. Chaykurmi Saulupa umanman makinta churaykur nirqan: <>.

¹⁸ Ananías parlayta ushaskiptinmi jinan höra Saulupa nawinpita pescädupa escämanno shikwarqan. Sayno shikwaskiptinmi Saulo rikarqanna. Nirkurnami bautizakuskir

¹⁹ mikuyta mikurkurna kawarirkurqan. Damascuchömi discïpulukunawan ishkay kimsa junaq qoyarqan.

Jesúspita Damascucho Saulo wilakushqan

²⁰ Saypitanami Tayta Diospa Surin Jesús kashqanta sinagögakunacho Saulo wilakur qalaykurqan.

²¹ Sayno wilakushqanta wiyarmi runakuna admirakuyashpan niyarqan: <<¿Manaku kay runaqa Jesúsman yärakuqkunata Jerusaléncho qatikacharqan? ¿Manaku kaymanpis shamush prësu sarir mandaq cürakunaman apananpaq?>>

²² Waran waran Saulo mas tantiyarmi Jesús salvamaqninsi Cristo kashqanta wilakurqan. Sayno wilakuptinmi Damascucho taq Israel runakuna ima niytapis kamäpakuyarqansu.

Israel runakunapita Saulo qeshpishqan

²³ Saypita unaylatami Israel runakuna wilanakuyarqan Sauluta wanusiyänanpaq.

²⁴ Wanusiyta munar paqasta junaqta marka yarquna punkucho shuyakuyashqantami Saulo musyarqan.

²⁵ Saymi discïpulukuna juk paqas jatun canastaman winarkur marka murälla jananpa Sauluta uräsiyarqan.

Jerusaléncho Saulo wilakushqan

²⁶ Jerusalénman Saulo chaykurmi Jesúspa discïpulunkunawan shuntakayta munarqan. Munaptinpis Jesústa chaskikushqanta mana criyirmi discïpulukunaqa paywan shuntakayta mansariyarqan.

²⁷ Saymi apostolkunawan reqinakuyänanpaq Sauluta Bernabé pusharqan. Reqinakarkasirnami wilaparqan nänicho Señorninsi yuripar Sauluta parlapashqanta. Nirkurmi wilaparqan Damascucho mana mansariypa Jesúspa jutincho wilakushqanta.

²⁸ Saynöpami apostolkunawan Jerusaléncho Saulo purir Jesúspa jutincho mana mansariypa wilakurqan.

²⁹ Sayno wilakurmi griego idiömata parlaq Israel runakunawan rimanakuyarqan. Say runakuna Sauluta wanusiyta munayashqanta

³⁰ musyarmi wawqi panikuna pushayarqan Cesarea markaman. Saypitanami markan Tarsupa despachayarqan.

³¹ Saypitanami Judeacho, Galileacho y Samariachöpis Jesúsman yärakuqkuna jawkalana kawayarqan. Tayta Diosta mansapakur pay munashqanno kawayänanpaq Espíritu Santu yanapaptinmi mas askayäyarqan.

Eneasta Pedro aliyäsishqan

³² Pedrunami yärakuq mayinkunata maysaypa watukar purishpan Lida markamanpis charqan.

³³ Saychömi Eneasta tarirqan paralïticu kar puwaq watana cämalancho jitaraykaqta.

³⁴ Paytami Pedro nirqan: <> Sayno niptinmi Eneas jinan höra aliyashna sharkurkurqan.

³⁵ Sayta rikarmi Lidacho y Saróncho taq runakuna Señor Jesucristuman yärakuyarqan.

Tabita kawarimushqan

³⁶ Jope markachömi juk discïpulu tarqan Tabita jutiyuq warmi. Tabita ninanqa griego idiömacho Dorcas ninanmi. Say warmimi imaypis alilata ruraq y muchuqkunatapis yanapaq.

³⁷ Qeshyar wanuykuptinmi armaskir wayi janancho kaykaq cuartuman sutayarqan.

³⁸ Jopipita Lida markamanqa cercalami kaykan. Saymi Lidacho Pedro kaykashqanta mayar ishkay runakunata discïpulukuna kachayarqan ruwakamur niyänanpaq: <>.

³⁹ Saymi paykunawan Pedro aywar chaptin yaykasiyarqan aya sutaraykashqan cuartuman. Saychömi Tabita yanapashqan viüdakuna waqar Pedruta rikasiyarqan paykunapaq rurapashqan mödanankunata.

⁴⁰ Saymi saycho kaykaqkunata waqtaman qarquskir qonqurpakuykur Tayta Diosta Pedro manakurqan. Manakurirmi ayata nirqan: <<¡Tabita, sharkuy!>> Sayno niptinmi wanush sutaraykashqanpita jinan höra kawarimur Pedruta rikärir jamarkamurqan.

⁴¹ Saynami makinpita jancharkur Pedro ichirkasirqan. Tabita kawarimushqanta rikayänanpaqnami waqtacho kaykaq viüdakunata y wawqi panikunata qayarqan.

⁴² Tabita kawarimushqanta intëru Jope markacho musyarmi Señorninsiman askaq yärakuyarqan.

⁴³ Say markachömi suëla ruraq Simónpa wayincho aska junaq Pedro posädakurqan.