Hechos 6 - Tayta Diospa Wilakuynin

Mikuyta aypuyänanpaq akrayashqan

¹ Say wisanmi discïpulukuna askayäyarqan. Paykunacho muchuq viüdakuna kayaptinmi waran waran mikuyta aypuyaq. Hebreo parlaq viüdakunata mas yanapäyaptinmi griego parlaqkuna jamurar niyarqan: <>.

² Sayno niyaptinmi lapan discïpulukunata shuntaykur chunka ishkay apostolkuna niyarqan: <

³ Saymi mikuyta aypukuyänanpaq qamkunapita qanchis wawqikunata churayänayki. Paykuna kayäsun ali rikash runakuna, Espíritu Santupa munaynincho kawaqkuna y ali yarpayyuq runakuna.

⁴ Saynöpami noqakunapa tiempükuna kanqa Tayta Diosta manakuyänäpaq y ali wilakuyninta wilakuyänäpaq>>.

⁵ Sayno wilanakuskirmi akrayarqan Estebanta, Felipita, Prócoruta, Nicanorta, Timónta, Parmenasta y Antioquía markapita kaq Nicolásta. Estebanqa Tayta Diosman shumaq yärakuq y Espíritu Santupa munaynincho kawaqmi karqan. Nicolásqa Israel runa kananpaq nawpatanami señalakush karqan.

⁶ Nirkurmi say akrayashqan wawqikunapa umankunaman makinta churaykur apostolkuna Tayta Diosta manakuyarqan.

⁷ Saymi Tayta Diospa wilakuyninta wilakuyaptin discïpulukuna Jerusaléncho askayäyarqan. Saynölami cürakunapis say wilakuyta askaq chaskikuyarqan.

Estebanta prësu sariyashqan

⁸ Runakuna rikanancho milagrukunata y señalkunata rurananpaqmi Estebanta Tayta Dios yanaparqan.

⁹ Paywanmi Librina niyashqan sinagögacho shuntakaq wakin Israel runakuna rimanakuyta qalaykuyarqan. Say runakuna kayarqan Cirene nacionpita, Alejandría markapita, Cilicia provinciapita y Asia provinciapita.

¹⁰ Espíritu Santupa munayninwan shumaq tantiyakuykur parlaptinmi Estebanta upälasiyta kamäpakuyarqansu.

¹¹ Saymi pakaylapa runakunata pägayarqan Estebanpa contran parlayänanpaq. Paykunami niyarqan: <>.

¹² Sayno niyaptinmi Israel mayor runakuna, ley yachasiqkuna y wakin runakunapis fiyupa rabyakuyarqan. Saymi Estebanta prësu sarirkur apayarqan Sanedrín juezkuna shuntaraykäyashqanman.

¹³ Saychömi manakaqta jitapar Estebanpa contran niyarqan: <

¹⁴ Saynöpis nin Nazaretpita kaq Jesús templunsita juchusinanpaq kashqanta y Moisés yachasishqan costumbrinsikunata mana cäsukunansipaqmi>>.

¹⁵ Saycho jamaraykaq juezkuna Estebanpa qaqlanta rikäriyashpan angilpa qaqlantanömi rikayarqan.