Hechos 5 - Tayta Diospa Wilakuynin

Safirawan Ananías lulakuyashqan

¹ Saychömi juk runa karqan Ananías jutiyuq. Paymi warmin Safirawan chakranta rantikuyarqan.

² Ishkan yachasinakuskirmi chakranta rantikuyashqan qellayta rakikuskir wakilantana apostolkunaman Ananías aparqan.

³ Saymi Pedro nirqan: < nikanki?

⁴ Rantikuyashqayki chakrapis y say qellaypis ¿manaku kikikikunapa kash? Sayno kaykaptinqa ¿imanirtaq lulakushkanki? Manami runakunatasu lulapashkanki, sinöqa Tayta Diostami>>.

⁵ Pedro sayno nishqanta wiyarmi Ananías jinan höra wanuskirqan. Sayno wanushqanta musyaykurmi runakuna seqaypa mansakäyarqan.

⁶ Saypitanami maqtakuna Ananíaspa ayanta piturkur apar pampayarqan.

⁷ Saypita kimsa höratanömi Ananíaspa warmin Safira charqan. Pay manami musyarqansu runan wanushqanta.

⁸ Chaykuptinmi Pedro tapurqan: <<¿Rasunpaypaku runayki apamushqan qellaylacho chakraykita rantikuyashkanki?>> nir. Saymi Safira nirqan: <>.

⁹ Niptinmi Pedro nirqan: <>.

¹⁰ Sayno niptinmi Pedrupa nawpancho Safirapis wanuskirqan. Sayman maqtakuna yaykurmi wanushna jitaraykaqta tariyarqan. Saymi paytapis apaykur runanpa nawpanman pampayarqan.

¹¹ Ananíaswan Safira wanuyashqanta musyaykurmi Jesúsman yärakuqkunapis y mana yärakuqkunapis fiyupa mansakäyarqan.

Qeshyaqkunata apostolkuna aliyäsiyashqan

¹² Runakuna rikaykäyaptinmi apostolkuna aska milagrukunata rurayaq. Saynöpis Jesúsman lapan yärakuqkunami templuman aywar Salomónpa Alarnin niyashqanman shuntakäyaq.

¹³ Wakin runakunaqa Jesúsman yärakuqkunata ali rikarpis paykunawan talukayta mansariyarqanmi.

¹⁴ Sayno kaptinpis Jesúsman yärakuqkuna warmipis olqupis masmi askayäyarqan.

¹⁵ Runakunanami qeshyaqkunata cämantinta cälliman jorqayämuq kayno yarpäyashpan: <>.

¹⁶ Cercan markakunapitapis runakuna Jerusalénman shayämuq qeshyaykaqkunata y supay nakasishqankunatapis apakurkurmi. Say apayashqan qeshyaykaqkunata lapantami apostolkuna aliyäsiyarqan.

Apostolkunata autoridäkuna prësu sariyashqan

¹⁷ Saymi mas mandaq cüra y saduceo runakunapis apostolkunata chikiyashpan

¹⁸ prësu sariykasir carcilman wichqasiyarqan.

¹⁹ Wichqaraykäyaptinmi say sakay Tayta Dios kachamushqan ángel chaykur cárcel punkukunata kicharqan. Pedrutawan Juanta waqtaman jorqurirmi nirqan:

²⁰ <>.

²¹ Saymi waraynin tuta templupa patiunman apostolkuna yaykur runakunata wilapäyarqan. Sayyaqmi yanapaqninkunawan mas mandaq cüra Sanedrín juezkunata y Israel runakunapa lapan autoridäninkunata qayasimurqan sesionta rurayänanpaq. Wilanakurkurmi wardiakunata kachayarqan carcilpita apostolkunata jorqayämunanpaq.

²² Wardiakuna carcilman chaykuyashpannami apostolkunata tariyarqannasu. Saymi kutiykur niyarqan:

²³ <>.

²⁴ Sayta wiyaykurmi [mas mandaq cüra,] templucho wardiakunapa capitannin y wakin mandaq cürakunapis yarpachakuyarqan: <<¿Imanöparaq qeshpiskiyash? ¿Imaraq päsash?>> niyashpan.

²⁵ Sayno yarpachakuykäyaptinmi juk runa chaykur nirqan: <<¡Carcilman wichqayashqayki runakuna templu patiuchömi yachaykäsiyan!>>

²⁶ Sayno niptinmi wardiakunata pushakurkur capitán aywarqan apostolkunata prësu sariyänanpaq. Chaykurmi runakuna samqayänanta mansakuyashpan mana maqaylapa prësu apayarqan.

²⁷ Sanedrín juezkuna shuntaraykäyashqanman chaykasiyaptinmi mas mandaq cüra apostolkunata nirqan:

²⁸ <<¿Manaku qamkunata niyashkä Jesúspa jutincho manana yachasiyänaykipaq? Sayno nikäyaptïpis Jesúspita yachasirmi intëru Jerusaléncho puriykäyanki. Saynöpis jitapaykäyämanki noqakuna Jesústa wanusiyashqäta>>.

²⁹ Sayno niptinmi Pedro y paywan kaykaq apostolkuna niyarqan: <

³⁰ Qamkuna Jesústa crucificaypa wanusish kayaptikipis unay ayllunsikuna yärakuyashqan Tayta Diosmi kawarisimush.

³¹ Paymi mandamaqninsi y salvamaqninsi kaykan. Jusalikuyta wanakur perdonash kanansipaqmi aluq kaq nawpanman jamasish.

³² Saytami noqakunapis musyasiyä y Espíritu Santupis runakunata musyasin. Payta wiyakuqkunamanmi Espíritu Santuta Tayta Dios kachamush>>.

³³ Sayno niyashqanta wiyaykurmi autoridäkuna fiyupa rabyakuyashpan wanusiyta munayarqan.

³⁴ Saymi lapan runakuna respitayashqan juk fariseo runa sharkushpan apostolkunata waqtaman rätula jorquskiyänanpaq wardiakunata nirqan. Say fariseo runapa jutinmi karqan Gamaliel. Payqa Tayta Diospa leyninkunata alimi yachasiq.

³⁵ Sayno jorqurkasirmi nirqan: <

³⁶ ¿Yarpäyankiku nawpata Teudas jutiyuq runa nir purishqanta? Payta qatiräyarqan chusku pachak (400) runakunami. Sayno puriykaqta wanuskasiyaptin qatiraqninkuna wakpa kaypami mashtakäkuyarqan.

³⁷ Saypita censakuy kashqan wisan Galileapita shamuq Judas yurimuptinpis askaqmi qatiräyarqan. Paytapis wanuskasiyaptin qatiraqninkuna mashtakarmi ushakäkuyarqan.

³⁸ Saymi noqa yäsï kay runakunata mana cäsupänansipaq. Kikinkunapa yarpaylanpita wilakuyaptinqa nikashlanchömi ushakäkunqa.

³⁹ Wilakuyänanpaq Tayta Dios churash kaptinqa manami imanöpapis elaqäsiyankisu. Elaqäsiyta munar cuidätaq Diospa contran ruraykäyankiman>>.

⁴⁰ Saymi Gamaliel nishqanta cäsukuyashpan apostolkunata manana wanusiyarqannasu. Saypa trukanqa qayaykasir astasiyarqan. Nirkurmi Jesúspa jutincho manana wilakuyänanpaq juraparkur kachaskiyarqan.

⁴¹ Kachaskiyaptinmi apostolkuna Tayta Diosta kushish alabar niyarqan: <>.

⁴² Paykunaqa waran waranmi templu patiucho y wayikunachöpis runakunata yachasir Jesús salvamaqninsi Cristo kashqanta wilakuyaq.