Hechos 18 - Tayta Diospa Wilakuynin

Corintucho Pablo wilakushqan

¹ Saypitanami Atenaspita aywakur Corinto markamanna Pablo charqan.

² Saychömi Aquila jutiyuq Israel runawan reqinakuyarqan. Aquilaqa Ponto provinciacho yuriq runami karqan. Warminpa jutinmi karqan Priscila. Paykuna sayraqmi Italiapita Corintuman chäyash kayarqan. Corintuman aywakuyarqan Claudio César lapan Israel runakunata Romapita qarquptinmi. Reqinakuyashpanmi

³ paykunawan Pablo tarqan toldërata rurayashpan. Pablunölami Priscilawan Aquilapis toldëra rurayta yachayarqan.

⁴ Cada jamay junaq sinagögaman aywarmi Israel runakunata y mana Israel runakunatapis Jesucristupita Pablo yachasirqan.

⁵ Macedonia provinciapita Silaswan Timoteo chäyaptinnami Pabluqa aruyninta kachaykur waran waran Tayta Diospa wilakuyninta wilakurqan. Wilakurmi Israel mayinkunata tantiyasirqan Jesúsqa salvamaqninsi Cristo kashqanta.

⁶ Sayno wilakuptinmi Israel runakuna Pablupa contran sharkuyashpan tukuyta ashliyarqan. Saymi mödananta tapshirishpan Pablo nirqan: <>.

⁷ Sayno nirmi say sinagögacho yachasinanpa trukanqa Ticio Justupa wayinchöna yachasirqan. Justuqa mana Israel runa kaykarpis Tayta Diosta mansapakuq runami karqan. Paypa wayin karqan sinagöga nawpalanchömi.

⁸ Saycho yachasiptinmi sinagögacho mandaq runa y say runapa wayincho taqkunapis Señor Jesucristuman yärakuyarqan. Say runapa jutinmi karqan Crispo. Saynölami Corintucho taq wakin runakunapis Pablo wilakushqanta wiyar Jesúsman yärakuyashpan bautizakuyarqan.

⁹ Juk sakaymi Pabluta revelacioncho yuriparkur Jesucristo nirqan: <

¹⁰ Kay markacho salvanäpaq kaq runakuna askaqmi kaykäyan. Saymi wilakuptiki pipis mana yatashunaykipaq qamwan kaykäshaq>>.

¹¹ Sayno niptinmi Tayta Diospa wilakuyninta yachasishpan juk wata soqta killantin Corinto markacho Pablo tarqan.

¹² Galión jutiyuq runa Acaya provinciapa mandaqnin kanan wisanmi Pablupa contran Israel runakuna sharkuyarqan. Saymi Pabluta Galiónpa despächunman apaykur

¹³ niyarqan: <>.

¹⁴ Pablo parlananpaq kaykaptinnami Galión nirqan: <

¹⁵ Leynikikunapita rimanakuyashqaykitaqa manami musyayta munäsu. Kikikikuna imanöpis saytaqa arreglakuyay>>.

¹⁶ Sayno nirmi despächunpita qarqurqan.

¹⁷ Saypitanami sinagögacho mandaq Sóstenesta despächu punkucho sarikuykur runakuna fiyupa maqayarqan. Maqayaptinpis Galiónta manami imapis qokurqansu.

Antioquíaman Pablo kutishqan

¹⁸ Saypita aska killaraqmi Corinto markacho Pablo tarqan. Nirkurnami wawqi panikunapita despidikur Cencrea markaman aywarqan. Saychönami Tayta Diosta promitishqanta cumplir aqsanta rutukurqan. Nirkurnami Priscilawan y Aquilawan büquiman wisarkur Siria provinciaman aywakuyarqan.

¹⁹ Éfeso markaman chaykurmi Priscilawan Aquila saycho quëdakuyarqan. Pablunami Éfesupita manaraq päsar sinagögaman aywaykur Israel runakunata Jesúspita wilaparqan.

²⁰ Sinagögacho kaq runakuna paykunata qoyäpänanpaq ruwakuyaptinpis Pablo manami munarqansu.

²¹ Saypa trukanqa paykunapita despidikurmi nirqan: <<[Pascuapaqmi Jerusalénman imaykanöpapis chayta munaykä.] Tayta Dios munaptinqa yapaymi kutimushaq>>. Sayno nishpanmi büquiman wisarkur Éfesupita aywakurqan.

²² Cesarea markaman charnami büquipita yarqurir Jerusalénman aywarqan wawqi panikunata watukaq. Saypitanami Antioquíaman kutikurqan.

²³ Saycho tarkurnami Galacia y Frigia provinciakunapa yapay kutir markan markan purirqan discïpulukunata shakyäsir.

Éfesucho Apolos wilakushqan

²⁴ Say wisanmi shumaq parlayta yachaq Apolos jutiyuq Israel runa Éfeso markaman charqan. Pay karqan Alejandría markapitami. Saynöpis Tayta Diospa palabranta shumaqmi yacharqan.

²⁵ Tayta Diospa wilakuyninta ali yacharpis bautismupitaqa Juan yachasishlantami yacharqan. Sayno karpis Señor Jesucristupita lapan shonqunwanmi kushish yachasirqan.

²⁶ Sinagögacho pitapis mana mansapaypa wilakuykaqta wiyarmi Priscilawan Aquila jukläman pushaykur Tayta Diospa wilakuyninta masta tantiyasiyarqan.

²⁷ Acaya provinciaman Apolos aywayta munaptinmi wawqi panikuna shakyäsiyarqan. Saymi Acayacho kaq wawqi panikunaman cartakuyarqan chaptin payta chaskikuyänanpaq. Say wawqi panikuna yärakuyänanpaqmi Tayta Dios kuyapar tantiyasirqan. Acayaman Apolos chashqanmi Jesucristuman yärakuqkunapaq seqaypa ali karqan.

²⁸ Paymi Israel runakunata Tayta Diospa palabranta shumaq yachasir Jesús salvamaqninsi Cristo kashqanta tantiyasirqan.