Hechos 16 - Tayta Diospa Wilakuynin

Pablutawan Silasta Timoteo walkishqan

¹ Saypitanami Derbe y Listra markakunaman Pabluwan Silas chäyarqan. Listra markachömi juk discïpulu tarqan Timoteo jutiyuq. Timoteupa taytan mana Israel runa kaptinpis mamanqa Jesucristuman yärakuq Israel warmimi karqan.

² Timoteo ali maqta kashqantami Listra y Iconio markakunacho taq wawqi panikuna parlayaq.

³ Timoteupa taytan mana Israel runa kaptinmi pïmaypis musyayarqan Timoteo señaläni kashqanta. Saymi Pablo pushayta munar say kinraycho taq Israel runakuna mana jamuräyänanpaq Timoteuta señalasirqan.

⁴ Saypita markan markan purirmi wawqi panikunata wilapäyarqan apostolkuna y mayor wawqikuna Jerusaléncho wilanakur niyashqanta cumpliyänanpaq.

⁵ Saynöpami Jesucristuman shumaq yärakur wawqi panikuna waranlan waranlan askayäyarqan.

Macedonia runa qayakamuqta Pablo revelacioncho rikashqan

⁶ Asia provinciaman wilakuq aywayta munayaptinpis Espíritu Santu manami munarqansu. Saynami Galaciapa y Frigiapa päsayarqan.

⁷ Misia partiman chaykur Bitinia provinciapa aywayta yarpäyaptinpis Jesúspa Espïritun saypa aywayänanta manami munarqansu.

⁸ Saymi Misia partipa päsar Troas markaman chäyarqan.

⁹ Juk sakaynami revelacioncho Pablo rikarqan Macedonia provinciapita juk runa qayakamur nimuqta: <>.

¹⁰ Revelacioncho rikashqanta wilayämaptinmi tantiyayarqä say markakunamanpis wilakuyninta chäsiyänäpaq Tayta Dios munashqanta. Saymi Macedoniaman aywayänäpaq jukla kamarikuyarqä.

Filipos markacho wilakuyashqan

¹¹ Troaspita büquiwan aywarmi Samotracia islaman chäyarqä. Waraynin junaqnami Neápolis markaman chäyarqä.

¹² Saypitanami Filipos markaman chäyarqä. Filipos markaqa Macedonia provinciacho wakin markakunapita mas jatunmi kaykan. Saychömi Roma runakuna täyan. Juk ishkay junaqmi saycho qoyäyarqä.

¹³ Tayta Diosta manakuyänanpaq mayu kuchuncho imaypis shuntakäyashqanta musyarmi jamay junaqcho markapita yarqur sayman aywayarqä. Saycho warmikuna shuntakash kaykäyaqtami Tayta Diospa wilakuyninta wilapäyarqä.

¹⁴ Saychömi Tiatira markapita Lidiapis kaykarqan. Payqa granäti tëlakunatami rantikuq. Mana Israel warmi karpis Tayta Diosta mansapakuqmi karqan. Lidiata Tayta Dios tantiyasiptinmi Pablo wilapashqanta chaskikurqan.

¹⁵ Paypis y wayincho taqkunapis bautizakurirmi ruwakur niyämarqan: <>. Sayno niyämaptinmi wayinman aywayarqä.

Pablutawan Silasta carcilman wichqayashqan

¹⁶ Juk kutimi Tayta Diosta manakuq aywaykäyashqächo supaypa munayninwan adivinaq jipashwan tinkuyarqä. Say jipashmi patronninkunata aska qellayta gänasirqan.

¹⁷ Paymi Pabluta y noqakunata qatirämar sinchipa nirqan: <<¡Kay runakunaqa munayyuq Tayta Diostami sirviyan! ¡Paykunami tantiyasiyäshunki imano salvakuyänaykipaq kashqantapis!>> nir.

¹⁸ Sayno waran waran qatiräyämaptinmi Pablo rabyakushpan jipashcho kaykaq supayta nirqan: <<¡Kay jipashpita yarqunaykipaq Jesucristupa jutinchömi qamta qarqü!>> Sayno niptinmi jinan höra supay yarqurqan.

¹⁹ Saymi jipashpa patronninkuna qellayta manana gänayänanpaq kashqanta tantiyakur Pablutawan Silasta prësu sariykur autoridäkuna juzgayänanpaq pläzaman apayarqan.

²⁰ Autoridäkunaman chaykasirmi niyarqan: <

²¹ Israel runakunapa costumbrinkunata rurayänanpaqmi markansicho yachaykäsiyan. Noqansiqa Roma runa kashpansi manami say costumbrikunata chaskipashwansu>>.

²² Sayno niyaptinmi lapan runakuna Pablupa y Silaspa contran sharkuyarqan. Saymi autoridäkuna niyarqan Pabluta y Silasta qarapachaskir wiruyänanpaq.

²³ Nirkurmi carcilman wichqasiyashpan prësukuna täpaq wardiata niyarqan shumaq täpananpaq.

²⁴ Sayno niyaptinmi mas ruri kaq calapösuman wichqaykur chakinkunata cëpuman amusirqan.

²⁵ Pulan paqasno kaykaptinmi Pabluwan Silas Tayta Diosta manakur alabayarqan. Saytami wakin kaq prësukunapis wiyayarqan.

²⁶ Say höra elaqpita pasa fiyupa suksukyar carciltapis kuyusiptinmi lapan punkukunapis jukla kichakäkuyarqan y prësukuna wataräyashqan cadinakunapis paskakäkuyarqan.

²⁷ Prësukuna täpaq wardianami rikcharkamur punkukuna kicharaykaqta tarirqan. Saymi prësukuna qeshpikuyashqanta yarpar espädanwan wanusikuyta munarqan.

²⁸ Sayta rikarmi Pablo sinchipa nirqan: <<¡Ama wanusikuysu! ¡Lapäkunami kaykäyä!>>

²⁹ Sayno niptinmi aksita manakuskir Pabluwan Silas kaykäyashqanman cörrila yaykur puntanman suksukyaykar qonqurpakuykurqan.

³⁰ Carcilpita jorqaskamurmi tapurqan: <> nir.

³¹ Sayno tapuptinmi niyarqan: <>.

³² Nirkurnami say wardiata y wayincho taykaqkunatapis Señor Jesucristupa wilakuyninta wilapäyarqan.

³³ Say sakaymi wardiaqa Pablupa y Silaspa qaran pashtashkunata maylapar jampiparqan. Nirkurnami paypis y wayincho taqkunapis bautizakurir

³⁴ wayinman pushaykur mikuyta qararqan. Tayta Diosman yärakuyänanpaq tantiyakushqanpitami wayincho taqkunawan fiyupa kushikuyarqan.

³⁵ Waraynin tutanami Pablutawan Silasta kachariyänanpaq autoridäkuna wardiakunata kachayarqan.

³⁶ Saymi prësukuna täpaq wardia Pabluta nirqan: <>.

³⁷ Saymi wardiakunata Pablo nirqan: <>

³⁸ Sayno nishqantami wardiakunaqa autoridäkunata wilayarqan. Roma runa kayashqanta musyaykurmi autoridäkuna mansariyarqan.

³⁹ Saymi Pablo y Silas kaqman aywaykur perdonta manakuyarqan. Nirkurnami carcilpita jorquskir say markapita aywakuyänanpaq ruwakuyarqan.

⁴⁰ Carcilpita yarqurirmi Lidiapa wayinman aywayarqan. Saycho wawqi panikunata shakyarkasirmi Filipos markapita aywakuyarqan.