Hechos 11 - Tayta Diospa Wilakuynin

Mana Israel runakunapis Jesústa chaskikuyashqanta Pedro wilashqan

¹ Mana Israel runakunapis Tayta Diospa wilakuyninta chaskikuyashqantami apostolkuna y Judea provinciacho wawqi panikunapis musyayarqan.

² Saymi Jerusalénman Pedro kutiykuptin señalash kaq wakin wawqikuna jamurar

³ niyarqan: <<¡Imanirtaq mana Israel runakunapa wayinman yaykur paykunawan mikushkanki!>>

⁴ Sayno niyaptinmi ima päsashqantapis qatinaylanpa wilapar Pedro nirqan:

⁵ <

⁶ Saycho shumaq tantiyaykunäpaqmi tukuy casta ashmana kaq y mana ashmana kaq uywakuna, lashtaypa puriqkuna y pajaqkunapis karqan.

⁷ Sayta rikaraykaptïmi jana pasapita nimurqan: .

⁸ <.

⁹ <.

¹⁰ Say revelacionta kimsa kuti rikaskasimarmi jakuta jana pasapa kutisikurqan.

¹¹ <

¹² Saymi Espíritu Santu nimarqan mana mansakuypa paykunawan aywayänäpaq. Sayno nimaptinmi kay soqta wawqikunawan aywar qayasimaq runapa wayinman yaykuyarqä.

¹³ Saychömi wilayämarqan wayincho juk ángel yuriparkur kayno nishqanta:

¹⁴ Paymi tantiyasishunki qam y wayikicho taqkuna imanöpa salvakuyänaykipaqpis>.

¹⁵ <

¹⁶ Saychömi yarparkurqä Señor Jesucristo kayno nishqanta: .

¹⁷ Señor Jesucristuman yärakush Espíritu Santuta qaramashqansinömi paykunatapis Tayta Dios qarash. Sayno kaykaptinqa ¡noqa pitaq kä Tayta Diosta michänäpaq!>>

¹⁸ Sayno wilapaptinmi Pedruta jamuräyänanpa trukanqa kushikuyashpan niyarqan: <<¡Mana Israel runakunatapis Tayta Dios tantiyaykäsinmi jusalikuykunata wanakur mana ushakaq kawayta tariyänanpaq!>>

Antioquíacho Jesucristuta chaskikuyashqan

¹⁹ Estebanta wanuykasiyaptin Jerusalénpita qeshpikuqkuna Feniciaman, Chipriman y Antioquíamanpis chäyashpan Israel mayinkunalata ali wilakuyta wilapäyarqan. Mana Israel runakunataqa manami pitapis wilapäyarqansu.

²⁰ Chipripita y Cirenipita kaq wakin wawqikunami isanqa Antioquíaman chaykur mana Israel runakunatapis Señor Jesucristupa ali wilakuyninta wilapäyarqan.

²¹ Sayno wilakuyänanpaq Tayta Dios yanapaptinmi Jesucristuta askaq chaskikuyarqan.

²² Sayta wiyayashpanmi Jerusaléncho kaykaq wawqi panikuna Bernabéta Antioquíaman kachayarqan.

²³ Saycho mana Israel runakunatapis Tayta Dios kuyapashqanta rikarmi Bernabé fiyupa kushikurqan. Saymi paykunata shakyäsirqan shumaq cäsukur Tayta Diosman imaypis yärakuyänanpaq.

²⁴ Bernabéqa ali runami karqan. Saynöpis Tayta Diosman yärakur Espíritu Santupa munayninchömi imaypis kawaq. Saycho yachasiptinmi aska runakuna Señor Jesucristuta chaskikuyarqan.

²⁵ Saypitanami Bernabé Tarso markaman aywarqan Sauluta ashiq.

²⁶ Tariykurnami Antioquíaman kutir Sauluwan Bernabé juk wata wawqi panikunawan shuntakäyarqan. Say watami aska runakunata yachasiyarqan. Antioquíachöraqmi Jesúspa discïpulunkunata cristiänu niyta qalaykuyarqan.

²⁷ Say wisanmi Jerusalénpita Antioquíaman profëtakuna aywayarqan.

²⁸ Saychömi Espíritu Santu tantiyasiptin profëta Agabo wilakurqan maysaychöpis fiyupa muchuy kananpaq kashqanta. Wilakushqannölami muchuy karqan Romacho Claudio César mas mandaq kashqan wisan.

²⁹ Muchuy kananpaq wilakuptinmi discïpulukuna wilanakuyarqan imatapis kashqanpita shuntarkur Judeacho kaq wawqi panikunaman apasiyänanpaq.

³⁰ Wilanakuyashqanno shuntaykurnami Judeacho kaq mayor wawqikunaman Bernabéwan y Sauluwan apasiyarqan.