Génesis 9 - Tayta Diospa Wilakuynin

Noéta Tayta Dios promitishqan

¹ Nirkurmi Noétawan surinkunata Tayta Dios bendicionninta qoshpan nirqan: <

² Lapan casta uywakuna, pajaqkuna, pachalanpa, lätaypa puriqkuna y lamarcho kawaqkuna mansakuyäshunkimi. Saynöpis say uywakuna lapanmi qamkunapa munaynikicho kayanqa.

³ Tukuyläya kawaqkuna, mikuykuna y verdürakunapis mikuyänaykipaqmi kaykan.

⁴ Isanqa ama mikuyankisu yawaryuq aysata. Yawarninchömi kawaynin kaykan.

⁵ <

⁶ Kikï niraqtami runata kamashkä. Saymi pipis runa mayinta wanusiptinqa kikintapis wanusinqa.

⁷ <>.

⁸ Nirkurnami Noéta surinkunatawan Tayta Dios nirqan:

⁹ <

¹⁰ Saynölami pactüta ruraykä arcapita yarquq lapan casta pajaqkunawan, ashmana kaq y mana ashmana kaq uywakunawan y maysaychöpis uywakunawan.

¹¹ Kay pactuta cumplirmi imaypis diluviuwan ushakäsishaqnasu kay pasata, runakunata ni lapan kawaqkunatapis. Kanan kashqan diluviunöqa manami imaypis kanqasu.

¹² <

¹³ pukutaycho seqyawta rikakäsimushaq. Say seqyawmi imaypis señal kanqa kay pasawan pactuta rurashqäta yarpänäpaq.

¹⁴ Saymi pasa jananpa pukutay shamuptin seqyawta rikakäsimushaq.

¹⁵ Say seqyaw ichiptinmi yarpäshaq qamkunawan y kay pasacho kaq lapan casta uywakunawan pactuta rurashqäta. Saymi kay pasata yakuwan imaypis ushakäsishaqnasu.

¹⁶ Pukutaycho seqyaw ichimuptinmi yarpäshaq lapan runakunawan y uywakunawanpis pactuta rurashqäta. Say pactutaqa imaypis cumplishaqmi.

¹⁷ Saymi seqyawta señalpaq churashkä qamkunawan y uywakunawan pactuta rurashqäta yarpänäpaq>>. Saynömi Noéwan Tayta Dios parlarqan.

Surinkuna imano kayänanpaq kashqantapis Noé nishqan

¹⁸ Noépa surinkunami kayarqan Sem, Cam y Jafet. Say kimsan surinkunawanmi arcapita Noé yarqayämurqan. Cam karqan Canaánpa papäninmi.

¹⁹ Noépa kimsan surinkunapitami kay pasacho lapan runakuna mirayash.

²⁰ Purun chakrata kichaskirmi üvata Noé plantarqan.

²¹ Saypitanami üva poquskiptin vïnuta upur Noé shinkarqan. Shinkarkurnami qarapächula toldun rurincho jitaraykarqan.

²² Papänin qarapächula jitaraykaqta rikaykurmi Canaánpa taytan Cam ishkay kaq wawqinkunata wilaq aywarqan.

²³ Saymi Semwan Jafet jinan höra capötita ayllukurkur papänin kaqman qepapaylapa yaykuyashpan saparkuyarqan. Sayno saparkuyarqan papänin qarapächula kaykaqta mana rikayänanpaqmi.

²⁴ Malaq shonquyashna rikcharkamurmi Noé musyarqan shulka kaq surin wawqinkunata wilashqanta.

²⁵ Saymi nirqan: <<¡Canaán maldicionädu kasun! ¡Payqa wawqinkunapa ashmaylanmi kanqa!>>

²⁶ Nirkurnami yapay nirqan: <

²⁷ Jafetta Tayta Dios yanapaykusun askaman mirananpaq. Sempita miraqkunawan juntu täyänanpaqpis kamakaykasisun. Saynöpis Jafetpita miraqkunapa ashmaynin Canaánpita miraqkuna kayäsun>>.

²⁸ Diluviu kashqanpita Noé kawarqan kimsa pachak pisqa chunka (350) wata masraqmi.

²⁹ Noé wanurqan esqun pachak pisqa chunka (950) watayuq kaykarmi.