Génesis 8 - Tayta Diospa Wilakuynin

Diluviu yaku sakishqan

¹ Tayta Dios manami qonqarqansu Noéta ni arcacho kaykaq uywakunatapis. Saymi yaku walkänanpaq wayräsimurqan. Say wayrawanmi yaku walkar qalaykurqan.

² Saymi pasa rurincho kaq lamarpita pashtamuq yaku chawarqanna. Ciëlupita yaku yarqamunanpaq kicharaykaq punkupis wichqakäkurqanna.

³ Saymi yaku walkayar qalaykurqan. Pachak pisqa chunka (150) junaqtanami

⁴ arca takyarqan Araratcho kaykaq juk jirkacho. Say karqan qanchis kaq killa chunka qanchis junaqmi.

⁵ Saypita yaku waranlanta waranlanta walkaptinmi chunka kaq killa qalaykunan junaq jirka puntakuna rikakäyarqanna.

⁶ Saypita chusku chunka (40) junaqtami Noé kicharqan arcapa ventänanta.

⁷ Nirkurmi juk cuervuta kacharqan yaku sakishqanta o mana sakishqantapis rikapakamunanpaq. Sayno kaptinpis say cuervu manami kutimurqansu, sinöqa yaku jananpa wakpa kaypa pajarmi purirqan yaku sakishqanyaq.

⁸ Saypitanami kacharqan juk palumatana pasa sakikashqanta o mana sakishqantapis musyamunanpaq.

⁹ Pasa janancho yaku juntaraptinmi maychöpis ratananpaq mana kaptin palumaqa arcaman kutirqan. Saymi Noé makinta makyaraykashqanman rataykuptin arcaman yaykasirqan.

¹⁰ Saypita qanchis junaqtami palumata yapay Noé kacharqan.

¹¹ Pasa sakaykaptinnami olïvu räman amush paluma kutirqan. Saynöpami Noé musyarqan yaku sakiykashqantana.

¹² Kutishqanpita qanchis junaqtami yapay palumata kacharqan. Say palumaqa mananami kutirqannasu.

¹³ Soqta pachak y juk (601) watayuq Noé kaykaptinmi yaku sakirqanna. Say karqan mushuq wata qalaykunan junaqmi. Say junaqmi arca qataraykashqanta kichaskir Noé rikarqan pasa sakishtana.

¹⁴ Ishkay kaq killacho ishkay chunka qanchis (27) junaq kaykaptinmi pasa sakishna kaykarqan.

¹⁵ Saymi Noéta Tayta Dios nirqan:

¹⁶ <

¹⁷ Saynöpis lapan casta uywakunata qarquyna ashmana kaqkunata, mana ashmana kaqkunata, pachalanpa, lätaypa puriqkunata y lapan casta pajaqkunatapis maysaypa aywar intëru pasacho mirayänanpaq>>.

¹⁸ Sayno niptinmi Noé yarqurqan warminwan, surinkunawan y lumsuyninkunawan.

¹⁹ Saynölami yarquyarqan ashmana kaq y mana ashmana kaq uywakuna, pachalanpa y lätaypa puriqkuna y lapan casta pajaqkunapis.

²⁰ Yarquskirnami Noé juk altarta perqarqan Tayta Diosta adorananpaq. Nirkurmi cada ayllu püru kaq uywakunapita y pajaqkunapita pishtarkur altarcho sacrificiuta rupasirqan.

²¹ Say rupasishqanpa mushkuyninmi Tayta Diospa shonqunpaqno karqan. Saymi nirqan: <

²² <>.