Génesis 6 - Tayta Diospa Wilakuynin

Runakuna jusalikuyashqan

¹ Kay pasacho runakuna askaman mirayaptinmi warmi surinkunapis aska kayarqan.

² Saymi Tayta Diospa wamrankuna rikayarqan runakunapa warmi surinkuna kuyaylapaq kayashqanta. Paykunapitami munayashqanta warminkunapaq akrakuyarqan.

³ Saymi Tayta Dios nirqan: <>.

⁴ Diospa wamrankunawan runakunapa warmi surinkuna täyashqan wisanmi sikasaq runakuna kay pasacho kawayarqan. Say unay runakunami selläma mentädu y kalpayuq kayarqan.

⁵ Tayta Diosmi rikarqan runakuna pasaypa jusalikular kawayashqanta. Paykunaqa shonqun munashqanno jusalikuyänalanpaqmi yarpäyaq.

⁶ Saymi runata kamashqanpita Tayta Dios fiyupa pësakushpan nirqan:

⁷ <<¿Imapaqraq kay pasacho runata kamaykarqäpis? Kananqa lapan runakunatami ushakäsishaq. Saynöpis lapan uywakunata, pachalanpa, lätaypa puriqkunata y pajaqkunatapis ushakäsishaqmi>>.

⁸ Noétami isanqa Tayta Dios ali nawinpa rikarqan.

Arcata Noé rurashqan

⁹ Kaychömi qelqaraykan Noé imano kawashqanpis. Runakuna jusalikur kawayaptinpis Noéqa Tayta Diosman yärakur pay munashqannömi kawarqan.

¹⁰ Noépa surinkunami kayarqan Sem, Cam y Jafet.

¹¹ Tayta Diosmi rikarqan kay pasacho runakuna pasaypa jusalikur y wanusinakular kawaykäyashqanta.

¹² Maysaychöpis runakuna jusalikuylaman uman churakash kaykaqta rikarmi Noéta Tayta Dios nirqan:

¹³ <

¹⁴ <

¹⁵ Say arcata ruranki pachak kimsa chunka pisqa (135) metru larguta. Anchuynintana ruranki ishkay chunka ishkay metru pulanta (22.5). Altuynintana ruranki chunka kimsa metru pulanta (13.5).

¹⁶ Saynöpis ruranki kimsa altusyuqta. Qatarashqanpita uraman pulan metrucho ventänata ruranki. Saynöla jukaq lädunpa punkuntapis ruranki.

¹⁷ <

¹⁸ Qamwanmi isanqa pactuta rurashaq. Saymi arcaman yaykuyanki warmikiwan, surikikunawan y lumsuynikikunawanpis.

¹⁹ Saynöpis arcaman yaykasinki kay pasacho kaq tukuy niraq uywakunata chinan orquta, qamkuna salvakuyashqaykino uywakunapis salvakuyänanpaq.

²⁰ Qamkunawanmi arcaman yaykuyanqa tukuy niraq pajaqkuna, ashmana kaq y mana ashmana kaq uywakuna, pachalanpa, lätaypa puriqkunapis. Cada uywa chinan orqu yaykuyäsun. Saynöpami say uywakuna ushakäyanqasu.

²¹ Saynöpis arca rurinman imaykaläya mikuykunata pirwanki. Say mikuytami qamkunapis y uywakunapis mikuyanki>>.

²² Tayta Dios nishqannölami lapantapis Noé rurarqan.