Génesis 5 - Tayta Diospa Wilakuynin

Adánpita miraqkuna

¹ Kaychömi qelqaraykan Adánpa surinkunapita y paykunapita miraqkunapitapis. Runata kamar kikin niraqtami Tayta Dios kamarqan.

² Olqutapis warmitapis paymi kamarqan. Kamashqan junaqmi Tayta Dios nirqan paykuna runa kayashqanta. Nirkurmi kay pasacho ali kawayänanpaq bendicionninta qorqan.

³ Pachak kimsa chunka (130) watayuq Adán kaykaptinmi surin Set yurirqan. Say surinqa taytalanmi karqan.

⁴ Surin Set yurishqanpita puwaq pachak (800) wata masraqmi Adán kawarqan. Paypa surinkuna olqupis y warmipis kayarqanraqmi.

⁵ Esqun pachak kimsa chunka (930) watayuq kaykarmi Adán wanurqan.

⁶ Pachak pisqa (105) watayuq Set kaykaptinmi surin Enós yurirqan.

⁷ Saypita Set kawarqan puwaq pachak qanchis (807) wata masraqmi. Setpa surinkuna olqupis y warmipis kayarqanraqmi.

⁸ Set esqun pachak chunka ishkay (912) watayuq kaykarmi wanurqan.

⁹ Enós esqun chunka (90) watayuq kaykaptinmi surin Cainán yurirqan.

¹⁰ Surin Cainán yurishqanpita Enós kawarqan puwaq pachak chunka pisqa (815) wata masraqmi. Enóspa surinkuna olqupis y warmipis kayarqanraqmi.

¹¹ Enósqa esqun pachak pisqa (905) watayuq kaykarmi wanurqan.

¹² Cainán qanchis chunka watayuq (70) kaykaptinmi surin Mahalaleel yurirqan.

¹³ Surin Mahalaleel yurishqanpita Cainán kawarqan puwaq pachak chusku chunka (840) wata masraqmi. Cainánpa surinkuna olqupis y warmipis kayarqanraqmi.

¹⁴ Cainán esqun pachak chunka (910) watayuq kaykarmi wanurqan.

¹⁵ Mahalaleel soqta chunka pisqa (65) watayuq kaykaptinmi surin Jared yurirqan.

¹⁶ Surin Jared yurishqanpita Mahalaleel kawarqan puwaq pachak kimsa chunka (830) wata masraqmi. Mahalaleelpa surinkuna olqupis y warmipis kayarqanraqmi.

¹⁷ Mahalaleel puwaq pachak esqun chunka pisqa (895) watayuq kaykarmi wanurqan.

¹⁸ Jared pachak soqta chunka ishkay (162) watayuq kaykaptinmi surin Enoc yurirqan.

¹⁹ Surin Enoc yurishqanpita Jared puwaq pachak (800) wata masraqmi kawarqan. Jaredpa surinkuna olqupis y warmipis kayarqanraqmi.

²⁰ Jaredpis esqun pachak soqta chunka ishkay (962) watayuq kaykarmi wanurqan.

²¹ Enoc soqta chunka pisqa (65) watayuq kaykaptinmi surin Matusalén yurirqan.

²² Enocqa Tayta Dios munashqannömi kawarqan. Surin Matusalén yurishqanpita kimsa pachak (300) wata masraqmi kawarqan. Enocpa surinkuna olqupis y warmipis kayarqanraqmi.

²³ Enoc kawarqan kimsa pachak soqta chunka pisqa (365) watami.

²⁴ Tayta Dios munashqanno kawashqanpitami Enocta Tayta Dios kawaykaqta pushakurqan.

²⁵ Matusalén pachak puwaq chunka qanchis (187) watayuq kaykaptinmi surin Lamec yurirqan.

²⁶ Lamec yurishqanpita Matusalén kawarqan qanchis pachak puwaq chunka ishkay (782) wata masraqmi. Matusalénpa surinkuna olqupis y warmipis kayarqanraqmi.

²⁷ Matusalénpis esqun pachak soqta chunka esqun (969) watayuq kaykarmi wanurqan.

²⁸ Lamec pachak puwaq chunka ishkay (182) watayuq kaykaptinmi surin yurirqan.

²⁹ Surin yuriykuptinmi Lamec nirqan: <>. Sayno nirmi surinta jutisirqan Noé jutin kananpaq.

³⁰ Noé yurishqanpita Lamec kawarqan pisqa pachak esqun chunka pisqa (595) wata masraqmi. Lamecpa surinkuna olqupis y warmipis kayarqanraqmi.

³¹ Lamec qanchis pachak qanchis chunka qanchis (777) watayuq kaykarmi wanurqan.

³² Noé pisqa pachak (500) watayuq kaykaptinmi surinkuna yuriyarqan. Say surinkunapa jutinkunami karqan Sem, Cam y Jafet.