Génesis 46 - Tayta Diospa Wilakuynin

Egiptuman Jacob aywashqan

¹ Lapan imaykantapis apakurkurmi Egiptupa Israel aywakurqan. Beersebaman chaykurmi papänin Isaac yärakushqan Tayta Diosta adorashpan sacrificiuta altarcho rupasirqan.

² Say sakaymi Israelta Tayta Dios revelar nirqan: <<¡Jacob, Jacob!>> Saymi Jacob nirqan: <<¿Imalataq, Taytay?>>

³ Saymi Tayta Dios nirqan: <

⁴ Egiptuman aywaptikipis yanapäshaykimi. Wanuptikipis nawpaykichömi suriki José kaykanqa. Saypitapis qampita miraqkunata Egiptupita kikïmi jorqamushaq>>.

⁵ Sayno niptin Beersebapita Egiptuman aywakurmi Faraón apasishqan carrëtakunaman surinkuna wisäsiyarqan papänin Jacobta, pishi wamrankunata y warminkunatapis.

⁶ Canaáncho tarishqan kaqtaqa wäkankunatapis uyshankunatapis qatikurkur y lapan imaykankunatapis apakurkurmi Egiptupa aywakuyarqan.

⁷ Saynöpami lapan surinkunawan y wilkankunawan Egiptuman Jacob chäyarqan.

⁸ Egiptupa aywaq Israel runakuna kayarqan: Jacobpa qechpa surin Rubén;

⁹ Rubénpa surinkuna Hanoc, Falú, Hezrón y Carmi;

¹⁰ Simeónpa surinkuna Jemuel, Jamín, Ohad, Jaquín, Zohar y Saúl (Saúl karqan cananea warmipa wawanmi);

¹¹ Levípa surinkuna Gersón, Coat y Merari;

¹² Judápa surinkuna Er, Onán, Sela, Fares y Zara (Erwan Onánqa Canaánlachönami wanuyarqan); Farespa surinkuna Hezrónwan Hamul;

¹³ Isacarpa surinkuna Tola, Fúa, Job y Simrón;

¹⁴ Zabulónpa surinkuna Sered, Elón y Jahleel.

¹⁵ Paykunami kayarqan Jacobpa warmin Leapa wawankuna y wilkankuna. Leapa olqu wawankunaqa lapanpis Padan-aramchömi yuriyarqan. Saynölami wawan Dinapis saycho yurirqan. Leapa wawankunawan wilkankuna kayarqan kimsa chunka kimsami (33) warmipis olqupis.

¹⁶ Saynöpis Egiptuman aywayarqan Gadpa surinkuna Zifión, Hagui, Ezbón, Suni, Eri, Arodi y Areli;

¹⁷ Aserpa surinkuna Imna, Isúa, Isúi y Bería (paykunapa paninmi karqan Sera); Beríapa surinkuna Heberwan Malquiel.

¹⁸ Paykunami kayarqan Zilpapa wawankuna y wilkankuna. Zilpa karqan Leapa ashmayninpaq taytan Labán qoykushqanmi. Zilpapa wawankuna y wilkankuna kayarqan chunka soqtami warmipis olqupis.

¹⁹ Saynöpis Egiptuman aywayarqan Jacobpa warmin Raquelpa wawan José y Benjamín.

²⁰ Josépami warmin Asenatcho surinkuna kayarqan Manaséswan Efraín. Paykuna yuriyarqan Egiptuchömi. Asenat karqan On markacho taq cüra Potiferapa surinmi.

²¹ Benjamínpa surinkunami kayarqan Bela, Bequer, Asbel, Gera, Naamán, Ehi, Ros, Mupim, Hupim y Ard.

²² Paykunami kayarqan Jacobpa warmin Raquelpa wawankuna y wilkankuna. Paykuna chunka chuskumi kayarqan.

²³ Saynöpis Egiptuman aywayarqan Danpa surin Husim;

²⁴ Neftalípa surinkuna Jahzeel, Guni, Jezer y Silem.

²⁵ Paykunami kayarqan Bilhapa wamrankuna y wilkankuna. Bilha karqan Raquelpa ashmayninpaq taytan Labán qoykushqanmi. Say warmipa wawankuna y wilkankuna kayarqan qanchismi.

²⁶ Egiptuman Jacob chäyarqan surinkunawan wilkankunawan soqta chunka soqtami (66). Paykunawanmi surinkunapa warminkunapis aywayarqan.

²⁷ Josépa surin Egiptucho ishkaymi yuriyarqan. Paykunatawan yupaptin Egiptucho Israel runakuna kayarqan qanchis chunkanami (70).

Gosénman Jacob chashqan

²⁸ Gosénman chaykarmi surin Judáta Jacob kacharqan Joséta wilananpaq <> nir. Saypitanami Gosénman Jacob charqan.

²⁹ Josénami cawalluwan qarachana carrëtanta alistarkasir papäninwan tinkuq aywarqan. Papäninwan tinkuykurmi makalanakurkur waqapänakuyarqan.

³⁰ Saymi Joséta Israel nirqan: <>.

³¹ Saypita wawqinkunata y wakin ayllunkunatami José nirqan: <

³² Saymi uyshankunatawan cabrankunata y wäkankunata qatish chäyämush. Saynölami lapan imankunatapis apakayämush. Paykuna uywa ashmakuylatami yachayan>.

³³ Faraónta sayno wilaptïmi qamkunata qayaykur imacho aruyashqaykitapis tapuyäshuptiki

³⁴ niyanki: . Sayno wilayaptikimi uysha misiq runakunata Egipto runakuna melanäyaptin Gosén particho shuyni täyänaykipaq niyäshunki>>.