Génesis 45 - Tayta Diospa Wilakuynin

Wawqin kashqanta José wilashqan

¹ Judá sayno wilaptinmi José awantakurqannasu wawqin kashqanta wilayta. Saymi ashmaynin runakunata nirqan: <>. Ashmayninkuna yarquskiyaptinnami wawqinkunalawanna José quëdarqan.

² José qaparayparaq waqashqantami Egipto runakunapis wiyayarqan. Saynölami Faraónpa palaciunchöpis musyayarqan.

³ Saypitanami José nirqan: <> Josépa nawpancho kaykäyashqanta musyaykurmi wawqinkuna pasaypa mansakaylawan ima niytapis kamäpakuyarqansu.

⁴ Saypitanami José nirqan: <>. Nawpanman witiykuyaptinnami nirqan: <

⁵ Rantikayämashqaykipita amana lakikuyaysu. Saynöpis jitapänakur nanaq nawikikunapa ama rikapänakuyaysu. Tayta Diosmi puntata kayman kachamash runakuna muchuywan mana wanuyänanpaq.

⁶ Ishkay watanami maysaychöpis fiyupa muchuy kaykan. Saynöpis pisqa wata masraqmi muchuy kanqa. Runakuna muruyaptinpis manami mikuy wayunqasu.

⁷ Sayno kananpaq kaptinmi Tayta Dios puntata kachamash muchuywan mana ushakäyänaykipaq. Saynöpami qamkunapita miraqkunapis kayanqaraq. ¿Piraq ichiklatapis yarpanman karqan Tayta Dios sayno kamakaykäsishqanta?

⁸ Tayta Dios munaptinmi qamkuna mana tantiyarpis rantikayämarqayki. Saymi kay nacioncho noqata churamash Faraónta mandäsinäpaq, wayinta rikanäpaq y lapan Egipto runakunapa gobernadornin kanäpaqpis.

⁹ <

¹⁰ Wanushqaykiyaqpis José rikashunaykipaqshi imaykansitapis apakurkur lapan wilkaykikunawan y uywaykikunawan Gosén partiman aywakushun.

¹¹ Say nacionchöshi imapis mana pishïmänansipaq mikuyta kamaripämäshun. Pisqa wataraqshi muchuy saynöla kanqa>.

¹² <

¹³ Kay Egiptucho lapanpis respitayämashqanta papäninsita wilayanki. Saynöpis wilayanki kaycho lapan rikayashqaykikunata. Kanan jukla aywar papäninsita pushayämuy>>.

¹⁴ Nirkurmi Joséwan Benjamín makalanakurkur waqayarqan.

¹⁵ Saynölami wakin kaq wawqinkunatapis musashpan makalarkur José waqarqan. Saypitaqa mana mansapaypanami wawqinkuna Joséta parlapäyarqan.

Egiptucho tänanpaq Jacobta Faraón qayasishqan

¹⁶ Josépa wawqinkuna chäyämushqanta musyaykurmi Faraónqa lapan mandäsiqninkunawan kushikuyarqan.

¹⁷ Saymi Joséta Faraón nirqan: <

¹⁸ Nirkur papänikita lapan castankunatawan kayman pushayämusun. Chäyämuptinnami alinnin partita rikasishaq saycho täyänanpaq. Saynöpis kay nacioncho wayuq alinnin mikuytami mikuyanqa.

¹⁹ Saynöpis niy kaypita carrëtakunata apar warmikunata, wamrakunata y papänikitapis apayämunanpaq.

²⁰ Apamuyta mana kamäpakuyashqanpaqqa ama lakikuyäsunsu. Egiptucho mas ali kaqkunatami chaskiyanqa>>.

²¹ Israelpa surinkuna José nishqannölami lapantapis rurayarqan. Josépis Faraón nishqannölami carrëtakunata apasirqan. Nänicho mikuyänanpaqpis mirkapatami rurasirqan.

²² Saynöpis mushuq mödanakunatami trukakuyänanpaq aypurqan. Benjamíntami isanqa kimsa pachak (300) siclo qellayta y pisqa trukaq mödanata aptaparqan.

²³ Papäninpaqnami chunka orqu ashnukunaman chaqnarkur Egiptucho imaykapis mas alinnin kaqkunata apasirqan. Saynöpis chunka china ashnukunaman chaqnarkur trïguta, tantata y wakin mikuykunatapis apasirqan Egiptuman aywayashpan nänicho mikuyänanpaq.

²⁴ Wawqinkunata despacharmi José nirqan: <>. Sayno yäsirkuptinmi aywakuyarqan.

²⁵ Egiptupita kutirnami papänin Jacob tashqan Canaánman chäyarqan.

²⁶ José kawaykashqanta y Egiptucho mandaq kaykashqanta wilayaptinmi Jacob ima niytapis kamäpakurqansu ni criyirqansu.

²⁷ José lapan nishqanta wilayaptin y payta apayänanpaq carrëtakunata apasishqanta rikaykurmi isanqa seqaypa kushikurqan.

²⁸ Saymi nirqan: <<¡Musyayküku manaku surï José kawaykashqanta! ¡Manaraq wanukur jukla aywaykushaq surïwan tinkuykunäpaq!>>