Génesis 41 - Tayta Diospa Wilakuynin

Faraón sueñupäkushqan

¹ Saypita ishkay wata päsarkuptinnami sueñuynincho Faraón Nilo mayu kuchuncho ichiraykänaq.

² Saychöshi kuyaylapaq qanchis wera wäkakuna mayupita yarqaskamur ututu chawpincho qewata mikuykäyaqta rikanaq.

³ Say wäkakunapa qepantanashi pasaypa melanaypaq qanchis aqra wäkakuna yarqayämunaq. Nirkurshi say wäkakunapis talukäyänaq mayu kuchuncho wakin wäkakuna kaykäyashqanman.

⁴ Melanaypaq aqra wäkakunashi qanchis kuyaylapaq wera wäkakunata mikukurkuyänaq. Sayta sueñuykashqanchöshi Faraón rikchakurkunaq.

⁵ Yapay punukaskir sueñushqanchöshi rikanaq juk yüralapita qanchis espïga trïgukuna winaykämuqta. Say espïgakunashi kuyaylapaq jatusaq kayänaq.

⁶ Ali espïgakuna winayämushqan qepantanashi yapay juk yüralapita qanchis espïgakuna winayämunaq. Say espïgakunashi inti jeqamunan kaqläpita shamuq wayra rupaptin pasha pashala kayänaq.

⁷ Say qarwashtash espïgakunashi qanchis kuyaylapaq jatusaq espïgakunata mikukurkuyänaq. Sayta sueñuykashqancho Faraón rikchakarkamur tantiyakuskinanpaqqa sueñuylan kanaq.

⁸ Say sueñushqan tutami fiyupa lakikur intëru Egiptucho lapan suerti qatiqkunata y yachaqkunata Faraón qayasimurqan. Qayasishqan runakuna chaykuyaptinnami wilaparqan imata sueñushqankunatapis. Sayno wilapaptinpis manami mayqanpis tantiyayarqansu sueñushqankuna imapaq kashqantapis.

⁹ Pipis tantiyasiyta mana kamäpakuptinmi vïnu ruraqkunapa mandaqnin nirqan: <

¹⁰ Fiyupa rabyashpaykimi noqata y tanta ruraqkunapa mandaqninta wichqasiyämarqayki capitanpa wayincho kaykaq carcilman.

¹¹ Saychömi tanta ruraqkunapa mandaqninpis noqapis ima päsayämänanpaq kaqtapis say sakayla sueñuyarqä.

¹² Say carcilchömi juk hebreo maqtapis wichqaraykan. Pay karqan wardiakunapa capitanninpa ashmayninmi. Paymi sueñuyashqäta wilapäyaptï tantiyasiyämarqan imapaq kashqantapis.

¹³ Say maqta niyämashqannölami noqata yapay arunäpaq kutisimashkanki y tanta ruraqkunapa mandaqnintana wanuskasir qeruman warkusishkanki>>.

¹⁴ Sayno niptinmi Joséta Faraón qayasimurqan. Carcilpita jorqarayämuptinmi aqsanta y shapranta chipyaq rutukuskir ali mödanata trukakuskir Faraón kaqman José aywarqan.

¹⁵ Chaykuptinnami Faraón nirqan: <>.

¹⁶ Sayno niptinmi José nirqan: <>.

¹⁷ Saymi Joséta Faraón nirqan: <

¹⁸ Saycho kaykaptïmi qanchis kuyaylapaq wera wäkakuna mayupita yarqarkamur ututukuna chawpincho qewata mikuykäyash.

¹⁹ Saypita qepantami pasaypa melanaypaq qanchis aqra wäkakuna yarqayämush. Say niraq wäkakunata manami imaypis kay Egiptucho rikashkäsu.

²⁰ Say melanaypaq aqra wäkakunami puntata yarqamuq kuyaylapaq wera wäkakunata mikukurkuyash.

²¹ Wera wäkakunata mikurpis manami aqra wäkakuna werayäyashsu. Sayta sueñuykashqächömi rikcharkamurqä.

²² <

²³ Qepantanami winayämush pasaypa chushula espïgakuna. Sayno kash inti jeqamunan kaqläpita shamuq wayra rupash kaptinmi.

²⁴ Say pasha pashala espïgakunami puntata ali winamuq trïgu espïgakunata mikukurkuyash. Sayno sueñushqäkunata lapan suerti qatiqkunata wilapaptï manami mayqanpis tantiyansu imapaq kashqantapis>>.

²⁵ Faraón sayno wilaptinmi José nirqan: <

²⁶ Qanchis wera wäkakuna y qanchis kuyaylapaq winamuq trïgu espïgakuna qanchis watakunami kaykäyan. Ishkanpis say yarpaylami kaykäyan.

²⁷ Saynölami wera wäkakunapa qepanta yarqamuq melanaypaq aqra wäkakuna y wayrawan pasha pashala winamuq espïgakunapis qanchis watakuna kaykäyan. Saykunata sueñushkanki qanchis wata muchuy kananpaqmi.

²⁸ Nishqänölami lapanpis päsanqa. Tayta Diosmi sueñuynikicho musyasishushkanki poquychöpis muchuychöpis kanansipaq kashqanta.

²⁹ <

³⁰ Saypita qanchis watami pasaypa muchuy kanqa. Puntata ali cosëcha kashqanno yapay kananpaq kashqanta runakuna mananami criyiyanqanasu. Pasaypa muchuy kaptinmi runakuna fiyupa nakayanqa.

³¹ Saysika mikuyta shuntayashqankunapis chipyaqmi ushakanqa.

³² Tayta Dios sayno rurananpaq walkalanami pishiykan. Sayta rasunpaypa cumplinanpaqmi ishkay kuti sueñuynikicho revelashushkanki.

³³ <

³⁴ Saynöpis gobernadorkunata churay kay nacioncho maysay markamanpis trïgu shuntaq aywayänanpaq. Paykuna shuntasiyämusun pisqa arröbapita juk arröbata pirwasiyänanpaq. Qanchis wata ali cosëcha kashqanyaq saynöla pirwasiyäsun.

³⁵ Markakunacho sayno pirwasisun munaynikichöna kananpaq. Saymi muchuy wisan runakuna mikuyänanpaq kanqa.

³⁶ Saynöpami trïgu kanqa qanchis wata muchuy kaptin kay Egiptucho runakuna mikanaypita mana wanuyänanpaq>>.

Gobernador kananpaq Joséta churashqan

³⁷ José yäsishqantami Faraónpis y mandäsiqninkunapis chaskikuyarqan.

³⁸ Saymi Faraón nirqan: <<¿Maylachöqa tarishunsuraq kay maqtatano Tayta Dios yanapaptin ali yarpayyuqta?>>

³⁹ Sayno nirmi Joséta nirqan: <

⁴⁰ Saymi kananpita qampa makikicho lapan palaciüpis kanqa. Kay nacioncho qam mandashqaykitami lapanpis cäsukuyanqa. Noqalami rey kashpä qampita mas munayyuq kashaq.

⁴¹ Qamtami kanan churaykä intëru Egipto nacionpa gobernadornin kanaykipaq>>.

⁴² Sayno nirmi Faraón sëlluyuq sortïjanta makinpita jorqurir Joséta jatiparqan. Nirkurmi yanapaqnin runakunata nirqan lïnupita rurash fïnu mödanata jatiparkur qoripita rurash walqata walqapäyänanpaq.

⁴³ Nirkurnami Joséta wisäsirqan Faraónpa qepanta aywaq carrëtaman. Saynöpis yanapaqninkunata mandarqan puntanta aywar <<¡gobernadorninsita chaskikuyay!>> niyänanpaq. Saynöpami Egiptucho gobernador kananpaq Joséta churarqan.

⁴⁴ Sayno churarmi Joséta Faraón nirqan: <>.

⁴⁵ Nirkurnami Faraón Josépa jutinta trukasirqan Zafnat-panea jutin kananpaq. Saypitanami On markapa cüran Potiferapa surin Asenatwan täsirqan. Saynöpami Egiptucho gobernador kayman José charqan.

⁴⁶ Kimsa chunka (30) watayuq kaykaptinmi Joséta Faraón kaqman apayarqan. Saypitanami intëru Egiptupa José markan markan purirqan runakuna kamarikuyänanpaq yäsishpan.

⁴⁷ Qanchis watami intëru Egiptucho shuntaytapis mana atipäyashqanyaq trïgu wayurqan.

⁴⁸ Saymi qanchis wata maysay markakunacho trïguta José shuntasirqan. Shuntasishqan trïgutami cada markacho pirwasirqan.

⁴⁹ Lamar kuchuncho aqushatanöraqmi José saysika trïguta shuntasirqan. Saysika kaptinmi tupuytapis atiparqannasu.

⁵⁰ Manaraq muchuy qalaykuptinmi Josépa ishkay surinkuna warmin Asenatcho yuriyarqan.

⁵¹ Qechpa surin yuriptinmi José nirqan: <>. Saymi jutisirqan Manasés jutin kananpaq.

⁵² Shulka kaq surin yuriptinmi José nirqan: <>. Saymi jutisirqan Efraín jutin kananpaq.

⁵³ Qanchis watami shuntaytapis mana atipaypaq Egiptucho mikuy wayurqan.

⁵⁴ Saypita José nishqannölami maysay nacionchöpis fiyupa muchuyna qalaykurqan. Egiptuchömi isanqa runakuna rantiyänanpaq José pirwasishqan saysika mikuy karqan.

⁵⁵ Saymi Egiptucho runakuna mikuyta ushakäpakur aywayarqan Faraónman trïguta manakuq. Chäyaptinmi Faraón nirqan: <>.

⁵⁶ Intëru nacioncho muchuy kaptinmi runakunata rantikunanpaq trïgu pirwakunata José kichasirqan. Waranlanta waranlantami pasaypa muchuy karqan.

⁵⁷ May nacionchöpis mikuy mana kaptinnami maysaypitapis Egiptuman aywayarqan Josépita trïguta rantiyänanpaq.