Génesis 40 - Tayta Diospa Wilakuynin

Ishkay runakuna sueñuyashqanta José tantiyasishqan

¹ Saypitanami vïnu ruraqkunapa y tanta ruraqkunapa mandaqninkuna lutanta rurar

² Egipto nacionpa mandaqnin rey Faraónta fiyupa rabyanäsiyarqan.

³ Saymi paykunata prësu apasirqan wardiakunapa capitanninpa wayincho kaykaq carcilman. Say carcilchömi Josépis wichqaraykarqan.

⁴ Paykunatami wardiakunapa capitanninqa Josépa makinman churarqan. Say ishkay runakunami aska killa carcilcho wichqaräyarqan.

⁵ Juk sakaymi vïnu ruraqkunapa y tanta ruraqkunapa mandaqninkuna sueñuyarqan imapis päsananpaq kashqanta.

⁶ Paykunata watukaq tutala José aywarmi pasaypa lakish kaykäyaqta tarirqan.

⁷ Saymi tapurqan: <<¿Imanirtaq pasaypa lakish kaykäyanki?>> nir.

⁸ Saymi niyarqan: <>. Sayno niyaptinmi José nirqan: <>.

⁹ Sayno niptinmi vïnu ruraqkunapa mandaqnin wilar nirqan: <

¹⁰ kimsa rämayuq kaykaqta. Say rämakunami chinkimur tuktuyashpan poquraykaq üvakunaman tikrayash.

¹¹ Say poqush üvata Faraónpa väsunta aptaraykashqäman qapirkurmi Faraónta makyaykashkä>>.

¹² Sayno wilaptinmi José nirqan: <

¹³ Kananpita kimsa junaqtami kay carcilpita Faraón jorqushushpayki puntata arushqaykiman kutisishunki. Saymi väsuwan vïnuta yapay sirvinki.

¹⁴ Nishqänöla arushqaykiman kutiykur noqatapis yarparkalämanki ari. Kuyapämashpayki tayta Faraónta ruwakuykulanki kaypita jorqaykamänanpaq.

¹⁵ Hebreo runakuna täyashqanpitami liyarkur kay markaman apayämash. Jusaynaq kaykarmi kaycho wichqaraykä>>.

¹⁶ Alipaq sueñushqanta wilaptinmi tanta ruraqkunapa mandaqninpis Joséta wilapar nirqan: <

¹⁷ Janan kaq canastachömi tukuy niraq böllukuna Faraón mikunanpaq kash. Say böllukunatami pishqukuna shamur mikukurkuyash>>.

¹⁸ Sayno wilaptinmi paytapis José nirqan: <

¹⁹ Kananpita kimsa junaqtami umaykita roqurasir qeruman Faraón warkusishuptiki ayaykita wiskurkuna mikuyanqa>>.

²⁰ Saypita kimsa junaqtami Faraónpa diyan karqan. Saymi Faraón mandäsiqnin runakunawan fiestata rurar mikur y upur qoyäyarqan. Say junaqmi carcilpita jorqasimurqan tanta ruraqkunapa y vïnu ruraqkunapa mandaqninkunata.

²¹ Nirkurmi vïnu ruraqkunapa mandaqninta yapay churarqan nawpata arushqanman. Saymi payqa väsuwan vïnuta Faraónta yapay makyarqan.

²² Tanta ruraqkunapa mandaqnintami isanqa José wilashqannöla wanuskasir ayanta qeruman warkusirqan.

²³ Vïnu ruraqkunapa mandaqninqa José ruwakushqanta manami yarparqansu.