Génesis 4 - Tayta Diospa Wilakuynin

Abelta Caín wanusishqan

¹ Saypitanami Adánwan tarna Eva qeshyaq rikakurqan. Nirkur wawan yuriptinmi nirqan: <>. Saymi wawanta jutisirqan Caín jutin kananpaq.

² Saypitanami yapay olqu wamrata wachar jutisirqan Abel jutin kananpaq. Abel winarkurnami uyshata y cabrata ashmakuq karqan. Caínnami chakra aruq karqan.

³ Saypita watakuna päsarkuptinnami Caínqa mikuyta cosechashqanpita Tayta Diospaq ofrendata aparqan.

⁴ Saynömi Abelpis Tayta Diospaq aparqan uyshankunapa y cabrankunapa punta yuriq wawankunata. Apashqanta pishtarkurmi wirankunata Diospaq rupasirqan. Saytami Tayta Dios kushish chaskirqan.

⁵ Caín apashqantami isanqa chaskirqansu. Saymi Caín fiyupa rabyaptin cäranpis jukniraqyarqan.

⁶ Saymi Caínta Tayta Dios nirqan: <<¿Imanirtaq rabyash y jukniraqyash puriykanki?

⁷ Alita rurarqa manami jukniraqyash kaykankimansu. Mana alita ruraptikimi jusalikuy watqaraykäshunki munayninman churashunaykipaq. Sayno kaptinpis shumaq tantiyakurqa manami jusalikunkisu>>.

⁸ Saypita juk junaqmi Caínqa wawqin Abelta nirqan: <>. Jirkaman chaykurnami traicionpita sarir Abelta wanusirqan.

⁹ Saymi Caínta Tayta Dios tapurqan: <<¿Maytaq wawqiki Abel?>> Sayno tapuptinmi nirqan: <>

¹⁰ Niptinmi Tayta Dios nirqan: <<¿Imatataq ruraykushkanki? Wawqikipa yawarninta jichashqaykimi qayakaykäman.

¹¹ Saymi kay pasacho maldicionädu kar qarqush kankipaq. Wawqikipa yawarninta jichashqaykipitami

¹² murupakushqaykipis wayunqasu. Saynölami jamayta mana tariypa maysaypapis purikunkipaq>>.

¹³ Niptinmi Caín nirqan: <

¹⁴ Kaypita qarqamarqa nawpaykipita karumanmi qarqaykämanki. Sayno karqa jamaytapis mana tariypachir maysaypapis puriykushaq. Sayno puriykaqtachir pipis wanusimanqa>>.

¹⁵ Saymi Tayta Dios nirqan: <>. Sayno nirmi señalta churaparqan Caínta pipis mana wanusinanpaq.

¹⁶ Saymi Tayta Diospa nawpanpita Nod partiman Caín aywakurqan saycho tänanpaq. Sayqa karqan Edén huertaman inti jeqamunanlächömi.

Caínpita miraqkuna

¹⁷ Saypitanami Caínpa warmin qeshyaq rikakur olqu wamrata qeshyakurqan. Say wamrantami jutisirqan Enoc jutin kananpaq. Nirkurmi Caín juk markata sharkarkasir say markapa jutinta churaparqan surinpa jutilanta.

¹⁸ Enocmi karqan Iradpa taytan. Iradmi karqan Mehujaelpa taytan. Mehujaelmi karqan Metusaelpa taytan. Metusaelmi karqan Lamecpa taytan.

¹⁹ Lamec karqan ishkay warmiyuqmi. Jukaq warminpa jutinmi karqan Ada y jukaqpanami Zila.

²⁰ Adami wawanta jutisirqan Jabal jutin kananpaq. Jabalmi wakin runakunapita mas puntata toldukunacho tashpan uywakunata ashmakurqan.

²¹ Jabalpa wawqinmi karqan Jubal. Jubalmi puntata arpata y kënata tukayta yachakurqan.

²² Zilanami qeshyakurqan Tubal-caínta. Tubal-caín herrëru karmi broncipita y fiërrupita imaykatapis ruraq. Paninpa jutinmi karqan Naama.

²³ Juk kutichömi ishkan warminkunata Lamec nirqan: <<¡Ada, Zila, nishqäta wiyayämay! Maqapakamaptinmi juk runata wanurasishkä. Maqta kaptinpis saripakamaptinmi supayninta apasishkä.

²⁴ Caínta pipis wanusir qanchis kuti castigash kananpaq kaptinqa noqata yatamaq kaqqa qanchis chunka qanchis (77) kuti masmi castigash kanqa>>.

Set yurishqan

²⁵ Adánpa warmin yapay qeshyaq rikakurmi olqu wamrata wacharqan. Yuriykuptinmi nirqan: <>.

²⁶ Setnami surin yuriykuptin jutin churaparqan Enós kananpaq. Enós kashqanpitaraqmi runakuna Tayta Diosta adorar qalaykuyarqan.