Génesis 39 - Tayta Diospa Wilakuynin

Joséwan Potifarpa warmin kakuyta munashqan

¹ Ismaelita negociantikuna Egiptuman Joséta chäsiyaptinnami Potifar rantirqan. Potifar karqan Faraónpa wardiankunapa capitanninmi.

² Tayta Dios paywan kaptinmi José rurashqanqa lapanpis ali karqan. Saynöpis patronninpa wayinchömi tarqan.

³ Tayta Dios yanapaykashqanta tantiyarmi

⁴ patronnin seqaypa kuyar Joséta churarqan wayincho capataz kananpaq y lapan imaykankunatapis rikananpaq.

⁵ Saypita pasami Potifarta Tayta Dios yanaparqan. Saymi imaykankunapis askayäyarqan y mikuyninpis shumaq wayurqan.

⁶ Lapan imaykantapis Josépa makinman churaykur Potifar manami yarpachakurqannasu wayincho kaq aruyninkunapaq. Joséqa kuyaylapaq maqtami karqan.

⁷ Saymi Potifarpa warmin kuyakurkushpan Joséta nirqan: <<¡Noqawan kakushun!>>

⁸ Sayno niptinmi José nirqan: <

⁹ Patronnï manami noqata yärakamashqannöqa pitapis yärakunsu. Qamtami isanqa warmin kaptiki makïman churamushushkankisu. Sayno yärakaykämaptinqa ¿imanöparaq Tayta Diosta rabyanäsir jusaliküman?>>

¹⁰ José sayno niptinpis say warmiqa waran waranmi qatiraq. Sayno qatiraptinpis Joséqa manami paywan punuyta ni cäsupaytapis munarqansu.

¹¹ Saymi juk kuticho rurayninkunata rurananpaq wayiman José yaykurqan. Say höra manami pipis wayicho karqansu.

¹² Saymi Joséta mödananpita aptakurkur Potifarpa warmin nirqan: <<¡Kanan jukla punushun!>> Sayno nir aptakurkuptinmi mödananta loqtiriykur qeshpir aywakurqan.

¹³ Mödananta loqtiriykur qeshpiskiptinmi

¹⁴ Potifarpa warmin ashmayninkunata qayaykur nirqan: <<¡Runä apamushqan maqta manami respitamansisu! Kaykashqäman yaykaykamur fuerzamayta munaptinmi fiyupa qaparashkä.

¹⁵ Saymi mödananta kachariykur qeshpir aywakush>>.

¹⁶ Sayno wilaparkurmi Josépa mödananta runan kutimushqanyaq churarqan.

¹⁷ Chaykuptinnami ashmayninkunata wilashqannöla runantapis wilapar nirqan: <

¹⁸ Qaparaptïmi mödananta kachariykur qeshpir aywakush.

¹⁹ Saynömi imaykaykitapis rikananpaq churashqayki ali ashmayniki portakush>>. Warmin sayno wilaptinmi Potifar fiyupa rabyarqan.

²⁰ Saymi Faraónpa ashmayninkuna wichqaräyashqan carcilman Joséta wichqasirqan.

²¹ Joséta Tayta Dios yanapaptinmi cárcel cuidaq runapis paywan yachanänakuyarqan.

²² Saymi lapan prësukunata Josépa makinman carcilcho mandaq churarqan. Joséraqmi prësukuna imata rurayänanpaqpis mandaq.

²³ Tayta Dios yanapaptinmi imapis José rurashqan ali karqan. Saymi cárcel cuidaq runaqa Josépa munaynincho kaqkunapaq yarpachakuqnasu.