Génesis 35 - Tayta Diospa Wilakuynin

Bet-elcho Jacobta Tayta Dios bendicionninta qoshqan

¹ Saypitanami Jacobta Tayta Dios nirqan: <>.

² Tayta Dios sayno niptinmi surinkunata, warminkunata y ashmayninkunatapis Jacob nirqan: <

³ Kanan Bet-elmannami aywakushun. Saychönami altarta perqashaq imaypis yanapämaq Tayta Diosta adoranansipaq. Paymi fiyupa nakar maypa puriptïpis yanapämash>>.

⁴ Sayno niptinmi sararäyashqan ïdulukunatapis arëtikunatapis jorqur Jacobta qoykuyarqan. Saykunatami Siquem cercancho kaykaq encina jacha chakinman pampaykurqan.

⁵ Taykäyashqanpita aywakuyaptinmi say particho taq runakunapa shonqunkunata Tayta Dios mansarïsirqan mana qatipäyänanpaq.

⁶ Saymi Jacobwan aywaq kaqqa lapanpis chäyarqan Canaáncho kaykaq Luz markaman. Say markapa jukaq jutinmi kaykan Bet-el.

⁷ Saychömi altarta Jacob perqarkur jutisirqan El-Bet-el jutin kananpaq. Sayno jutinta churaparqan wawqinpita qeshpir aywakuykaptin Tayta Dios saycho yuripashqanpitami.

⁸ Bet-elcho Jacob kaykaptinmi Débora wanurqan. Débora karqan Rebecata pishinpita ashmaq warmimi. Wanuykuptinmi pampayarqan Bet-el marka cercancho kaykaq encina jacha chakinman. Say partitami jutisirqan Alón-bacut jutin kananpaq.

⁹ Padan-arampita kutiykämuptinnami Jacobta Tayta Dios yapay yuriparkur bendicionninta qor nirqan:

¹⁰ <>. Sayno nirmi saycho jutinta trukasiparqan.

¹¹ Saynöpis Tayta Dios nirqan: <

¹² Abrahamtawan Isaacta rikasishqä jalqakunata y raqrakunatami qoykushayki. Wanuptikipis qampita miraqkunatami qoykushaq>>.

¹³ Jacobwan sayno parlarkurmi Tayta Dios aywakurqan.

¹⁴ Saymi Tayta Dioswan parlashqan kaqcho wanka rumita Jacob ichisirqan. Nirkurmi Tayta Diosta adorashpan say wanka jananman vïnutawan aceitita winaparqan.

¹⁵ Tayta Dioswan parlashqanpitami say partita Jacob jutisirqan Bet-el jutin kananpaq.

Raquel wanushqan

¹⁶ Bet-elcho taykashqanpitanami Efrataman Jacob aywakurqan. Sayman chaykaptinmi killan tinkuptin Raquelta nanay sarirqan. Saychömi wachayta mana kamäpakur fiyupa nakarqan.

¹⁷ Sayno nakaptinmi Raquelta partëra nirqan: <>.

¹⁸ Pasaypa wanuykashqanchönami Raquel nirqan: <>. Papäninnami say surinta jutisirqan Benjamín jutin kananpaq.

¹⁹ Nakayta qeshyakuskirmi Raquel päsarpurqan. Wanuykuptinnami Efrataman aywaq näni nawpanman pampayarqan. Say partitami kananqa Belén niyan.

²⁰ Raquelta pampayashqan jananmanmi wankata Jacob ichisirqan señal kananpaq. Say wankami kananyaqpis musyasimansi maynincho Raquel pamparashqanta.

Rubén jusalikushqan

²¹ Raquelta pampashqan kaqpita aywakurmi Israel posädakurqan Edar törri washaläninman.

²² Saycho taykaptinmi Jacobpa surin Rubén papäninpa concubïnan Bilhawan punurqan. Surin sayno rurashqanta musyaykurmi taytan fiyupa rabyakurqan. Israelpa olqu surinkuna kayarqan chunka ishkaymi.

Jacobpa surinkuna

²³ Leapa qechpa wawanmi karqan Rubén. Paypa qepanman yuriqkunami kayarqan Simeón, Leví, Judá, Isacar y Zabulón.

²⁴ Raquelpa wawankunanami kayarqan Joséwan Benjamín.

²⁵ Raquelpa ashmaynin Bilhapa wawankunanami kayarqan Danwan Neftalí.

²⁶ Leapa ashmaynin Zilpapa wawankunanami kayarqan Gadwan Aser. Jacobpa say surinkuna lapanpis yuriyarqan Padan-aramchömi.

Isaac wanushqan

²⁷ Saypitanami Jacob aywarqan Mamre partiman taytan Isaacta watukashpan. Mamre karqan Quiriat-Arba cercanchömi. Quiriat-Arbapa jukaq jutin kaykan Hebrónmi. Saychömi Abrahampis unay tarqan.

²⁸ Pachak puwaq chunka (180) watami Isaac kawarqan.

²⁹ Pasaypa awkinyashqanyaq kawarkur wanukushpanmi unay ayllunkuna kaqman aywakurqan. Ayantami Esaúwan Jacob pampayarqan.