Génesis 34 - Tayta Diospa Wilakuynin

Dinata fuerzashqan

¹ Leapa wawanmi karqan Dina. Paymi saylächo taq jipashkunawan yanasa kayashpan watukaq aywarqan.

² Heveo runa Hamorpa surinmi Siquem karqan. Hamor karqan saycho taq runakunapa autoridäninmi. Siquemqa Dinata rikaykur pasaypa munapashpanmi fuerzarqan.

³ Nirkurnami Siquemqa Dina kuyananpaq imaykanöpapis shonqunman yaykuyta tïrarqan.

⁴ Saymi papänin Hamorta Siquem nirqan: <>.

⁵ Jacob musyarqanmi surin Dinata Siquem fuerzashqanta. Sayno kaptinpis surinkuna uywankunawan jirkacho kayaptinmi paykuna kutiyämushqanyaq upälakurqan.

⁶ Sayyaqmi Siquempa papänin Hamor aywarqan Jacobwan parlananpaq.

⁷ Jacobpa surinkuna jalqapita kutiykurmi paninta Siquem fuerzashqanta musyaykur fiyupa rabyanäyarqan. Sayno fuerzashqan pasaypa penqaypaqmi karqan. Sayta manami imaypis ruranmansu karqan.

⁸ Saymi paykunawan parlar Hamor nirqan: <

⁹ Saynöpami compädrita rurar juk ayllunölana kashunpaq. Saymi surïkunapis qamkunapa warmi surikikunawan majasakäyanqa y qamkunapapis noqakunapawan majasakäyanqa.

¹⁰ Kaylachöna täkushun. Kay nacioncho munashqaykita maynintapis täyänaykipaq akrakuyay. Saynöpis ima negociutapis rurayay. Chakratapis kikikikunapaqna rantiyay>>.

¹¹ Saynölami Siquempis Dinapa papänintawan turinkunata nirqan: <

¹² Panikita awniyämaptikiqa costumbri kashqanpita masta manayämaptikipis kamaripäyäshaykimi. Imaykanöpapis noqa munä panikita awniyämänaykitami>>.

¹³ Sayno niptinmi paninta fuerzashqanpita Jacobpa surinkuna fiyupa rabyash kar Siquemtawan papänin Hamorta awniq tukuyarqan.

¹⁴ Saymi niyarqan: <

¹⁵ Noqakuna señalakush kayashqäno qamkunapis lapan olqukuna señalakuyaptikiqa panïta awnikuyäshaykimi.

¹⁶ Señalakuyaptikiqa surikikunata warmi surïkunawanmi täsishun. Saynölami warmi surikikunawan surïkunatapis täsishun. Saynöpami lapansipis say ayllunöla kashun.

¹⁷ Niyashqäno mana señalakuyaptikiqa panïta pushakurkurmi aywakuyäshaq>>.

¹⁸ Sayno niyaptinmi Hamorwan surin Siquem paykuna niyashqanno señalakuyänanpaq awniyarqan.

¹⁹ Saypita aywakurmi Dinata kuyashpan Siquem jukla cuerpunta señalakurqan. Pay karqan papäninpa aylluncho mas respitädu maqtami.

²⁰ Saypitami papänin Hamorwan aywayarqan marka yaykuna punkuman. Saychömi runakunata niyarqan:

²¹ <

²² Isanqa say ayllunöla kanansipaq paykuna munayan señalakush kayashqanno noqansipis olqu kaqkuna señalakunansitami.

²³ Paykuna niyashqanta awnishqaqa noqansiwanmi kaycho täyanqa. Saynöpami lapan imaykankunapis uywankunapis noqansipana kanqa>>.

²⁴ Sayno niptinmi saycho shuntakaq runakuna awniyarqan Hamorwan Siquem niyashqanta. Saymi lapan olqukuna cuerpunta señalakuyarqan.

²⁵ Saypita kimsa junaqtami markaman yaykuyarqan Dinapa turinkuna Simeónwan Leví. Cuerpunta señalakuyashqanpita nanaywan kayaptinmi ichipäyänanpaq valorninkuna karqansu. Sayno kaykaqtami espädawan lapanta wanusir ushaykuyarqan.

²⁶ Saynölami Hamortawan surin Siquemtapis espädawan wanusiyarqan. Nirkurnami Siquempa wayinpita Dinata pushakurkur aywakuyarqan.

²⁷ Saypitami Jacobpa wakin kaq surinkunapis markaman yaykuyashpan tariyarqan lapan runakuna wanush jitaraykäyaqta. Paninta fuerzashqanpita rabyash karmi say markacho tariyashqan kaqtaqa imaykantapis apakuyarqan.

²⁸ Saynöpis apakuyarqan uyshakunata, cabrakunata, wäkakunata, ashnukunata y imaykatapis markacho y chakracho tariyashqan kaqtaqa.

²⁹ Wayikunacho imaykatapis tariyashqanta lapanta aparmi wamrakunatapis warmikunatapis prësu apakuyarqan.

³⁰ Sayno rurayashqanta musyaykurmi Simeóntawan Levíta Jacob nirqan: <<¿Imaykamantaq jitarpayämashkanki? Wanusiyashqaykita musyaykurqa cananeo runakunawan ferezeo runakuna fiyupami chikiyämanqa. Paykuna wilanakur shayämushpanmi lapansita wanusir ushamäshun. Ashmayninsi runakunapis paykunata ichipänansipaq walkalami kaykäyan>>.

³¹ Niptinmi paykuna niyarqan: <>