Génesis 31 - Tayta Diospa Wilakuynin

Labánpita Jacob qeshpishqan

¹ Saypitami Jacob wiyarqan Labánpa surinkuna washanta rimar nikäyashqanta: <>.

² Saynöpis Jacob tantiyarqan suedrun Labánpis paypita jukaqyash purir nawpata kashqannönasu kashqanta.

³ Saypitami Jacobta Tayta Dios nirqan: <>.

⁴ Tayta Dios sayno niptinmi Raqueltawan Leata Jacob qayasirqan misikuykashqan jirkaman.

⁵ Paykuna chaykuyaptinmi nirqan: <

⁶ Musyayashqaykinöpis papänikita lapan voluntänïwanmi arupashkä.

⁷ Sayno arupaykaptïpis pay engañamashqami. Aska kutimi arushqäpita arreglamänanpaq parlayashqänöqa pägamashsu. Sayno ruraykämaptinpis Tayta Dios yanapämashqami.

⁸ Saymi nimaptinqa lapan malwakunapis shaqsha shaqshala yuriyaq. Saynöpis nimaptinqa lapan malwakunapis shuyula yuriyaq.

⁹ Saynöpami papänikipa uyshankunata Tayta Dios noqatana qoykamash.

¹⁰ <

¹¹ Say sueñuynïchömi Tayta Diospa angilnin <¡Jacob!> nir qayamarqan. Qayamaptinmi <¿imalataq, Taytay?> nirqä.

¹² <

¹³ Noqami kaykä shamuykaptiki Bet-elcho yuripaq Dios. Saychömi rumita jawiykur aceitita winapar sirvimänaykipaq promitimarqayki. Kananqa yurishqayki Canaánman kutikuy> >>.

¹⁴ Sayno niptinmi Raquelwan Lea niyarqan: <

¹⁵ Saynöpis jäpatano rikayämashpanmi rantikayämash. Noqakuna rayku arupashqaykitapis mana rakipäyämaypami ushakurkush.

¹⁶ Papänïpa uyshankunata Tayta Dios makikiman churamushqanqa noqansipawan wamransikunapami kaykan. Kanan Tayta Dios nishushqaykinöla lapantapis ruray>>.

^17-18 Saymi Jacob kamarikurqan papänin Isaac tashqan Canaánman kutikunanpaq. Lapan imaykanta chaqnakurmi surinkunatawan warminkunata camëlluman loqarkasir Padan-aramcho arupakur tarishqan uywakunatapis qatikurkur kutikurqan.

¹⁹ Sayno kutikurqan milwa rutuq Labán aywashqanyaqmi. Raquelnami papäninpa ïdulunkunata suwaypa apakurqan.

²⁰ Saynömi Labánta mana wilapaylapa Arampita Jacob kutikurqan.

²¹ Lapan kikinpa kaqta apakurkurmi qeshpikurqan. Saymi Éufrates mayuta simpaskir Galaad jalqakunaläpa aywarqan.

Jacobta Labán qatipashqan

²² Saypita kimsa junaqtaraqmi Labán musyarqan Jacob qeshpir aywakushqanta.

²³ Saymi ayllunkunata minkakuykur Jacobpa qepanta aywayarqan. Qanchis junaqtaraqmi taripäyarqan Galaad jalqakunacho.

²⁴ Taripänanpaq kaq sakaymi sueñuynincho Labánta Tayta Dios nirqan: <>.

²⁵ Galaad jalqakunacho Jacob posädakush kaykaptinmi Labán tariparqan. Saychömi Labánpis ayllunkunawan posädakuyarqan.

²⁶ Jacobwan tinkurkurmi Labán nirqan: <<¿Imatataq rurashkanki? ¿Imanirtaq mana wilamaylapa shakamushkanki? ¿Imanirtaq guërrapita prësu apaqno surïkunata apakamushkanki?

²⁷ ¿Imanirtaq upälala qeshpir shakamushkanki? Shakamunaykipaq wilamaptikiqa fiestata rurar panderëtakunatapis arpakunatapis tukar kushishqami despachamüman karqan.

²⁸ Surïkunata ni wilkäkunata musar despidikunaläpaqpis manami wilaykamashkankisu. ¡Sayno rurar upajinami ruraykushkanki!

²⁹ Sayno rabyanäsimashqaykipita imatapis ruraykümanmi karqan. Sayno kaptinpis papäniki yärakushqan Diosmi nimash: .

³⁰ Papänikipa wayinman kutikurpis ¿imapaqtaq diosnïkunata suwakamushkanki?>>

³¹ Sayno niptinmi Jacob nirqan: <

³² Diosnikikunataqa manami suwakamushkäsu. Mayqanpis diosnikita sararaq kaqqa wanusish kasun. Ayllunsikuna rikaykaptin ashikuy. Qampa kaqta imatapis tarirqa lapanta kutisikuy>>. Jacob manami musyarqansu diosninkunata Raquel suwamushqanta.

³³ Sayno niptinmi Jacobpa toldun rurinman Labán yaykurqan diosninkunata ashinanpaq. Saycho mana tarirmi surin Leapa toldunmanpis ashiq yaykurqan. Saynölami yaykurqan ishkan ashmay warmikunapa toldunkunamanpis. Mayqanchöpis diosninkunata mana tarirmi Raquelpa toldunmanna ashiq aywarqan.

³⁴ Raquelnami say dioskunata camëllupa sillan rurinman pakaykur say jananman jamakuykurqan. Saymi toldu rurinta kuchu kuchu ashirpis Labán tarirqansu.

³⁵ Saymi papäninta Raquel nirqan: <>. Saymi mayjina ashirpis ïdulunkunata Labán tarirqansu.

³⁶ Sayno ashirpis mana tariptinmi Jacob rabyakushpan Labánta nirqan: <<¿Imatataq lutanta rurashkä? ¿Imatataq jusalikushkä sayjinanpa rabyash qatipaykamänaykipaq?

³⁷ Lapan imaykätapis teqwipa teqwirmi ashishkanki. Sayno ashirpis ¿imatataq qampa kaqta tarishkanki? Tarish karqa kayman churamuy ayllunsikuna rikayänanpaq. Paykunami nimäshun mayqansipis rasun kaqta parlaykashqansita.

³⁸ <

³⁹ Manami imaypis jirka uywakuna wanusishqanta apapämushkäsu. Saypa trukanqa kikïmi trukanta churaq kä. Uywaykikunata sakaypa o junaqpa suwa apayashqanpitapis lapanpitami manamashkanki.

⁴⁰ <

⁴¹ Chunka chusku watami ishkan surikikunapaq arupashkä. Saynöpis soqta watami uywaykipaq rayku arupashkä. Saymi chämushqäpita pasa ishkay chunka (20) wata makikicho tashkä. Aska kutimi misipashqäpita arreglamänaykipaq parlashqansinöqa pägamashkankisu.

⁴² Awilü Abrahamwan papänï Isaac yärakushqan Tayta Dios mana yanapämaptinqa jinaylatami qarqaramankiman karqan. Fiyupa nakar y lakikur aruptïmi Tayta Dios yanapämash. Saymi qanyan sakaypis sueñuynikicho olqutupäshushkanki>>.

Labánwan Jacob promitinakushqan

⁴³ Jacob sayno niptinmi Labán nirqan: <

⁴⁴ Pactuta kanan rurashun qampis y noqapis mana qonqaypa cumplinansipaq>>.

⁴⁵ Sayno niptinmi juk wanka rumita señalpaq Jacob jawirqan.

⁴⁶ Nirkurmi lapan castankunata nirqan: <>. Sayno niptinmi juk muntun rumita shuntayarqan. Nirkurnami muntunayashqan rumi nawpancho mikuyarqan.

⁴⁷ Saypitami Labán kikinpa idiömancho say partita jutisirqan Jegar Sahaduta jutin kananpaq. Jacobnami kikinpa idiömancho jutisirqan Galaad jutin kananpaq.

⁴⁸ Saymi Labán nirqan: <>. Saypitami say partipa jutin karqan Galaad.

⁴⁹ Saynömi jukaq jutintapis churaparqan Mizpa jutin kananpaq. Say jutita churaparqan Labán kayno nishqanpitami: <

⁵⁰ Surïkunata maqaptiki o paykuna jananman juk warmita ashiptiki mana musyaptïpis Tayta Diosmi juzgashunki>>.

⁵¹ Nirkurmi Labán nirqan: <

⁵² Saykunami señal kanqa kanan promitinakushqansita imaypis yarpänansipaq. Kananpitaqa qampis ni noqapis ama päsapänakushunsu ni imatapis ama yatapänakushunsu.

⁵³ Promitinakushqansita mana cumplishqaqa awiluyki Abraham y awilü Nacor yärakuyashqan Diosmi juzgamäshun>>. Labán sayno niptinmi Jacobpis papänin Isaac mansapakushqan Tayta Diospa jutincho promitirqan imaypis cumplinanpaq.

⁵⁴ Saypitanami Jacob uywakunata pishtarkur wiranta Tayta Diospaq rupasirqan. Aysatawan tantatami lapan castankunawan mikuyarqan. Nirkurmi say jalqakunalacho punuyarqan.

⁵⁵ 55 (32.1) Saypita pasa wararkuptinnami Labán sharkurkur lapan wilkankunatawan surinkunata musarqan. Nirkur paykuna ali kawayänanpaq bendicionta qoykur markanpa kutikurqan.