Génesis 28 - Tayta Diospa Wilakuynin

¹ Sayno niptinmi surin Jacobta qayaykur Isaac bendicionta qoshpan nirqan: <

² Padan-aram markaman ayway awiluyki Betuelpa wayinman. Saycho mamaykipa turin Labánpa surinkunawan mayqanwanpis majasakanki.

³ Dios El-Shaddai bendicionninta qoykuläshunki surikikuna askaman mirayänanpaq y paykunapita miraqkuna aska nacionkuna rikakuyänanpaqpis.

⁴ Papänï Abrahamta Tayta Dios bendicionninta qoshqannöla qamtapis qoykuläshunki y qampita miraqkunatapis qoykuläsun. Saynöpami kanan qorpanöla taykashqansi jalqakunapis raqrakunapis qampita miraqkunapaq kanqa. Sayno kananpaqmi papänï Abrahamta Tayta Dios promitirqan>>.

⁵ Saynöpami Isaac surin Jacobta Padan-aram markaman despacharqan. Saymi Jacob charqan tiyun Labánpa wayinman. Labán karqan Rebecapa turin y Betuelpa surinmi. Betuelmi arameo runa karqan. Rebecanami Esaúpawan Jacobpa maman karqan.

Esaú yapay majasakashqan

⁶ Esaúmi musyarqan wawqin Jacobta papänin bendicionninta qoshqanta y warmi ashiq Padan-aramman despachashqanta. Saynöpis musyarqan cananea warmiwan mana tänanpaq nishqanta.

⁷ Saynöpis musyarqan papänin maman nishqanta wiyakur Padan-aramman Jacob aywakushqanta.

⁸ Saynöpami Esaú tantiyarqan cananea jipashkuna lumsuyninpaq papäninta mana gustashqanta.

⁹ Sayta tantiyarmi Esaú aywarqan tiyun Ismael kaqman. Ismael karqan Abrahampa surinmi. Saychönami warminpaq ashirqan Ismaelpa warmi surin Mahalat jipashta. Say jipash karqan Nebaiotpa paninmi. Saynöpami ishkay cananea warmikunawan taykarpis jananman juk warmita ashirqan.

Bet-elcho Jacobta Tayta Dios yuripashqan

¹⁰ Beersebapita aywakurmi Haránman aywaq nänipa Jacob aywarqan.

¹¹ Sayno aywarmi juk partiman charqan. Saycho sakäpakurmi rumita jawnakurkur punurqan.

¹² Sueñuyninchömi rikarqan pampapita jana pasayaq escalëra ichiraykaqta. Saynöpis rikarqan say escalërapa Tayta Diospa angilninkuna wisaykäyaqta y uraykäyämuqta.

¹³ Saynöpis Tayta Diosta rikarqan escalëra puntancho ichiraykaqta. Paymi nirqan: <

¹⁴ Qampita miraqkunami polvunöraq yupaytapis mana atipaypaq kayanqa. Surikikuna mirayashpanmi maysaypapis ramakäyanqa. Qam kaynikipa y qampita miraqkuna kayninpami lapan nación runakunapis bendicionnïta chaskiyanqa.

¹⁵ Noqa imaypis qamwanmi kaykäshaq. Maypa aywaptikipis noqami rikashayki. Maypitapis kay partimanmi kutisimushayki. Mana qonqaypami qamta promitishqäkunata lapanta cumplishaq>>.

¹⁶ Punuykashqanpita rikcharkamurmi Jacob nirqan: <>.

¹⁷ Saymi mansakash nirqan: <<¡Kay partiqa sagrädumi kaykan! ¡Kayqa Tayta Diospa wayin kar jana pasa punkumi kaykan!>>

¹⁸ Saka sakala sharkurnami jawnarashqan rumita señal kananpaq jawirqan. Nirkurnami Tayta Diosta adorashpan say rumi jananman aceitita jichaparqan.

¹⁹ Nawpataqa say cercancho kaq markapa jutin karqan Luz. Jacobnami say markata jutisirqan Bet-el jutin kananpaq.

²⁰ Saychömi Tayta Diosta manakur Jacob nirqan: <

²¹ Papänïpa wayinman kawaykar kutimuptïqa qamlami Tayta Diosnï kanki.

²² Kay ichisishqä rumimi señal kanqa kaycho pïmaypis adorayäshunaykipaq. Lapan kamaripämashqaykipitami diezmuta qampaq imaypis churamushaq>>.