Génesis 26 - Tayta Diospa Wilakuynin

Gerar markacho Isaac tashqan

¹ Say wisan fiyupa muchuymi karqan. Say karqan Abraham kawashqan wisan kashqannömi. Sayno kaptinmi Gerar markaman Isaac aywakurqan. Gerarchömi filisteo runakunapa mandaqnin rey Abimelec tarqan.

² Saychömi Tayta Dios yuriparkur Isaacta nirqan: <

³ jäpa runano täkuykay. Noqa imaypis qamwanmi kaykäshaq. Saynöpis qamta bendicionnïta qoshpämi qamta y qampita miraqkunata kay intëru jalqakunata y raqrakunata qoykushaq. Saynöpami cumplishaq papäniki Abrahamta promitishqäta.

⁴ Qoyllarkunano yupaytapis mana atipaypaq kayänanpaqmi qampita miraqkunata rikashaq. Kay intëru jalqakunata y raqrakunata paykunatami qoykushaq. Paykuna kayninpami lapan nación runakunapis bendicionnïta chaskiyanqa.

⁵ Sayno kanqa mandamientükunata, leynïkunata y yachasishqäkunatapis Abraham cumplishqanpitami>>.

⁶ Tayta Dios sayno niptinmi Gerarcho Isaac tarqan.

⁷ Saycho taq runakunami Isaacta tapuyarqan Rebeca iman kashqantapis. Rebeca kuyaylapaq kaptinmi Isaac mansarir yarparqan warmin rayku runakuna wanusiyänanpaq kashqanta. Saymi Rebeca warmin kashqanta wilakurqansu. Rasun kaqta ninanpa trukan <> nirqan.

⁸ Saypita watakuna päsarkuptinnami filisteo runakunapa mandaqnin rey Abimelec ventänanpa rikachakuykashqancho Rebecata Isaac kuyar shulwapaykaqta rikarqan.

⁹ Sayno rikaykurmi Isaacta qayaykasir Abimelec nirqan: < nirqayki?>> Saymi Isaac nirqan: <>.

¹⁰ Sayno niptinmi Abimelec nirqan: <<¿Imanirtaq sayno lulapämashkanki? Jinachi mayqan runapis warmikiwan pununman karqan. Sayno lulakur jinachi jusalikaykasiyämankimanpis karqan>>.

¹¹ Saypitanami lapan runakuna musyayänanpaq Abimelec nirqan: <>.

¹² Say wata Isaac saychömi murupakurqan. Tayta Dios bendicionninta churaptinmi shuntaytapis mana atipashqanyaq mikuynin wayuykurqan.

¹³ Saynöpa Isaac seqaypa rïcuyaptinmi imaykanpis aska karqan.

¹⁴ Uyshankunapis, cabrankunapis, wäkankunapis askamanmi mirayarqan. Chakranta arupäyänanpaq ashmayninkunapis askaqmi kayarqan. Sayno rïcuyaptinmi filisteo runakuna chikiyashpan

¹⁵ Isaacpa taytan Abraham uchkusishqan yaku pözukunata pampar ushayarqan.

¹⁶ Saypitanami Isaacta Abimelec nirqan: <>.

¹⁷ Sayno niptin aywakurmi Gerar raqra nawpan pampachöna Isaac tarqan.

¹⁸ Sayman chaykurmi taytan Abraham uchkusishqan pözukunata Isaac pisasirqan. Say pözukunatami Abraham wanuskiptin filisteo runakuna pampasash kayarqan. Pisarkasirnami jutinta Isaac churaparqan taytan churapashlanta.

¹⁹ Say pampacho mushuq pözuta oqtiykäyashqanchömi Isaacpa ashmayninkuna chuya yakuta tariyarqan.

²⁰ Saymi Gerarcho taq uysha misiqkunawan Isaacpa uysha misiqninkuna yakuta qechunakur pelyayarqan. Saypitami Isaac say pözuta jutisirqan Esek nir.

²¹ Saypita Isaacpa ashmayninkuna juk pözutanami uchkuyarqan. Say jananpis yapaymi pelyayarqan. Saymi say pözuta Isaac jutisirqan Sitna jutin kananpaq.

²² Sayno pelyayaptinmi jukläpana aywakur saychöpis pözuta uchkusirqan. Piwanpis say janan mana pelyarnami jutisirqan Rehobot jutin kananpaq. Saymi nirqan: <>.

²³ Saycho taykashqanpitami Beersebaman aywakurqan.

²⁴ Sayman chashqan sakaymi Tayta Dios yuriparkur Isaacta nirqan: <>.

²⁵ Saychömi altarta perqarkur Tayta Diosta Isaac adorarqan. Saycho taptinmi ashmayninkuna juk pözuta uchkuyarqan yakuta jipiyänanpaq.

Isaacwan Abimelec promitinakuyashqan

²⁶ Juk kutichömi Gerar markapita Abimelec aywarqan Isaacwan parlayänanpaq. Abimelecwanmi aywarqan yäsiqnin Ahuzat y soldädunkunapa mandaqnin Ficolpis.

²⁷ Chaykuyaptinmi Isaac nirqan: <>

²⁸ Sayno niptinmi paykuna niyarqan: <

²⁹ Kanan promitimay imaypis ali kawanansipaq. Manami qamkunata chikiyashkäsu, saypa trukanqa imaypis alimi kawashkansi. Yarqakamurpis jawkalami shakamushkanki. Qamta Tayta Diosmi imaykachöpis yanapaykäshunki>>.

³⁰ Sayno niptinmi ali alita Isaac yanukaskasir paykunawan mikuyarqan y upuyarqan.

³¹ Waraynin tutanami Abimelecwan Isaac juramentuta rurayarqan ali kawayänanpaq. Nirkurnami Isaac kaqpita paykuna kushish kutikuyarqan.

³² Say junaqmi Isaacpa ashmayninkuna wilayarqan uchkuykäyashqan pözucho yakuta tariyashqanta.

³³ Saymi say pözuta Isaac jutisirqan Seba jutin kananpaq. Saypitami kananyaqpis say markapa jutin kaykan Beerseba.

Esaúpa warminkuna

³⁴ Esaú chusku chunka (40) watayuq kaykarmi Beeripa surin Juditwan tarqan. Beeri heteo runami karqan. Saynöpis Esaú tarqan Elónpa surin Basematwan. Elónpis heteo runami karqan.

³⁵ Say warmikunawan taptinmi Isaacwan Rebeca fiyupa rabyanäyarqan.