Génesis 25 - Tayta Diospa Wilakuynin

Warmin Ceturacho Abrahampa surinkuna yuriyashqan

¹ Abrahampa juk warminpa jutinmi karqan Cetura.

² Say warmichöpis Abrahampa surinkuna kayarqan Zimram, Jocsán, Medán, Madián, Isbac y Súa.

³ Jocsánpa surinkunami kayarqan Sebawan Dedán. Dedánpita miraq runakunapitami kayarqan Asur, Letus y Leum runakuna.

⁴ Madiánpa surinkunanami kayarqan Efa, Efer, Hanoc, Abida y Elda. Paykunami Ceturapita miraqkuna kayarqan.

⁵ Abrahampa lapan imaykanpis surin Isaaclapaqmi karqan.

⁶ Concubïna warminkunacho kaq surinkunataqa walka walkalami imaykantapis aypurqan. Aypurkurmi paykunata nirqan inti jeqamunanläman aywakuyänanpaq. Saynöpami Isaacpita karuchöna täyarqan.

Abraham wanushqan

⁷ Abraham kawarqan pachak qanchis chunka pisqa (175) watayuq kashqanyaqmi.

⁸ Pay awkinyarna wanukushpanmi unay ayllunkuna kaqman aywakurqan.

⁹ Wanuykuptinmi surinkuna Isaacwan Ismael Macpela machayman pampayarqan. Say kaykan Mamripita inti jeqamunanlächo y Zoarpa surin Efrónpa chakranchömi. Efrón ayllu runakunaqa heteo runakunami kayarqan.

¹⁰ Say chakraqa karqan heteo runakunapita Abraham rantishqanmi. Saymanmi Abrahamta pampayarqan warmin Sara pamparaykashqan nawpanman.

¹¹ Abraham wanuptin surin Isaactanami Tayta Dios bendicionninta qorqan. Pay tarqan Beer Lahai-Roí nishqan pözu nawpanchömi.

Ismaelpita miraqkuna

¹² Kaychömi qelqaraykan Abrahampa surin Ismaelpa surinkunapita y paykunapita miraqkunapitapis. Ismaelpa mamanmi karqan Agar. Pay karqan Sarapa ashmaynin Egipto warmimi.

¹³ Ismaelpa surinkunaqa qechpapita nunushyaq kayarqan Nebaiot, Cedar, Adbeel, Mibsam,

¹⁴ Misma, Duma, Massa,

¹⁵ Hadar, Tema, Jetur, Nafis y Cedema.

¹⁶ Ismaelpa surinkuna chunka ishkaymi kayarqan. Paykunami saysikaman mirar chunka ishkay trïbu rikakuyarqan. Say surinkunapa jutinkuna kayashqannölami trïbunkunapapis markankunapapis jutinkuna kayarqan. Paykunami cada ünun trïbunkunacho mandaq kayarqan.

¹⁷ Ismael kawarqan pachak kimsa chunka qanchis (137) watami. Wanukurnami unay ayllunkuna kaqman aywakurqan.

¹⁸ Ismaelpita miraqkuna mashtakash täyarqan Havilapita Shuryaqmi. Say kaykan Egipto nacionläpami. Saypami Asurman aywaq näni päsaykan. Kikinpura chikinakuykarpis saychömi paykuna täyarqan.

Jacobwan Esaú yuriyashqan

¹⁹ Kaychömi qelqaraykan Isaacpa surinkunapita y paykunapita miraqkunapitapis. Isaacqa Abrahampa surinmi karqan.

²⁰ Chusku chunka (40) watayuq kaykarmi Rebecawan Isaac majasakarqan. Rebecaqa karqan Betuelpa surinmi y Labánpa paninmi. Paykuna Padan-aramcho taq arameo runakunami kayarqan.

²¹ Warmin Rebeca qoluq kaptinmi qeshyaq rikakunanpaq Tayta Diosta Isaac manakurqan. Manakushqanta Tayta Dios wiyaptinmi Rebeca qeshyaq rikakurqan.

²² Milish kayashpan pelyarmi mamanpa pachanta fiyupa nanäsiyarqan. Saymi Rebeca yarpachakur nirqan: <>. Saymi imanir pachanwan nakashqantapis musyananpaq Tayta Diosta manakurqan.

²³ Sayno manakuptinmi Tayta Dios nirqan: <>.

²⁴ Killan chämuptinnami Rebeca milishta qeshyakurqan.

²⁵ Punta yuriq kaq puka aqsayuqmi karqan. Intëru cuerpunpis shaprami karqan. Paytami jutisiyarqan Esaú jutin kananpaq.

²⁶ Esaúpa ankunta aptashqami qepanta wawqin yurirqan. Sayno yurishqanpitami jutisiyarqan Jacob jutin kananpaq. Rebeca qeshyakunan wisan Isaac kaykarqan soqta chunka (60) watayuqnami.

Qechpa kay derëchunta Esaú rantikushqan

²⁷ Saypitanami Esaúwan Jacob maqtayäyarqanna. Saymi Esaú jirkapa purir jirka uywakunata wanusiyta yachakurqan. Jacobmi isanqa maypapis mana yarquypa täkuq.

²⁸ Esaú sarimushqan uywakunapa aysanta mikurmi Isaac mas payta kuyarqan. Rebecami isanqa Jacobta mas kuyarqan.

²⁹ Juk junaq Jacob yanukuykaptinmi jirkapa aywashqanpita pasaypa utikash Esaú charqan.

³⁰ Sayno charmi wawqinta nirqan: <>. (Pukay pukay kaq mikuyta munapashqanpitami Esaúta reqiyarqan Edom jutiwan.)

³¹ Niptinmi Jacob nirqan: <>.

³² Jacob sayno niptinmi Esaú nirqan: <>

³³ Esaú sayno niptinmi Jacob nirqan: <>. Sayno niptinmi Esaú jurashpan qechpa kay derëchunta say mikuywan trukarqan.

³⁴ Saymi Jacob qararqan tantatawan pushku picantita. Mikuyta ushaskirnami pacha junta aywakurqan. Manami imapis qokurqansu qechpa kay derëchunta qoykushpanpis.