Génesis 19 - Tayta Diospa Wilakuynin

Sodomatawan Gomorrata Tayta Dios ushakäsishqan

¹ Pasa sakaykaptinnami Sodomaman chäyarqan nawpaq ishkan angilkuna. Lotnami jamaraykarqan markaman yaykuna sawan punkucho. Rikaskirmi paykunapa nawpanman urkuntapis pasaman töpasiypa Lot qonqurpakuykurqan.

² Saymi paykunata nirqan: <>. Sayno niptinmi paykuna niyarqan: <>.

³ Sayno mana munaykäyaptinpis yaparir yaparir Lot ruwaptinmi wayinman posädakuq aywayarqan. Wayinman chaykasirnami levadüraynaq tantatawan ali mikuyta yanukuskir qorpankunata Lot qararqan.

⁴ Lotpa wayincho mayqanpis manaraq punuyaptinmi lapan Sodoma runakuna maqtakunapita qalaykur awkin runakunayaq Lotpa wayinta juntapaykuyarqan.

⁵ Nirkur Lotta qayakur niyarqan: <<¿Maytaq wayikiman posädakamuq runakuna? ¡Paykunata jukla qarqamuy violayänäpaq!>>

⁶ Sayno niyaptinmi wayipita Lot yarqurir punkunta shumaq wichqarkur

⁷ say runakunata nirqan: <

⁸ Paykunata imatapis rurayänaykipa trukanqa ishkay warmi surïkunata jorqapaykamushayki munayashqaykita rurayänaykipaq. Surïkunaqa manaraqmi pï runatapis reqiyanraqsu. Wayïman posädakamuq runakunataqa ama imatapis ruraykuyaysu>>.

⁹ Sayno niptinpis runakuna niyarqan: <<¡Qam washata ayway! ¿Jäpa runa kaykarku noqakunata mandayämayta munaykanki? ¡Kananmi isanqa paykunata rurayänäpaq kashqanpita peor qamta rurayäshayki!>> Sayno nirmi Lotta maki maki charkasir aywayarqan wayi punkuta amiyänanpaq.

¹⁰ Saymi qorpankunaqa Lotta sutaypa wayi ruriman yaykaykasir punkuta trancakarkayämurqan.

¹¹ Nirkurnami waqtacho kaykaq runakunata qaprayäsiyarqan maqtakunapita qalaykur awkin runakunayaq. Saymi wayi punkuta ashiykäyashlancho utikäyarqanpis.

¹² Saypitanami qorpankuna Lotta niyarqan: <<¿Mas aylluykikuna kay markacho kanku? Aylluykikuna kaptinqa warmitapis, olqutapis, mashayki kayänanpaq kaq maqtakunatapis lapanta pushakurkur kay markapita aywakuyay.

¹³ Askaqmi Tayta Diosman quejakuyash kay markacho runakuna jusalikuq kayashqanta. Sayno jusasapa kayaptinmi noqakunata kachayämash kay markata chipyaq ushakäsiyänäpaq>>.

¹⁴ Sayno niptinmi mashan kananpaq kaq maqtakunaman aywar Lot nirqan: <<¡Kay markapita lapansi aywakushun! ¡Tayta Dios kay markata ushakäsinanpaqnami kaykan!>> Sayno niptinpis Lot brömakuykashqanta yarparmi criyiyarqansu.

¹⁵ Pasa waraykaptinnami Lotta angilkuna niyarqan: <>.

¹⁶ Jukla mana yarquptinmi angilkuna Lotta, warminta y surinkunatapis makipita jancharkur markapita jorquyarqan. Tayta Dios kuyapashpanmi mana ushakäyänanpaq sayno jorqurqan.

¹⁷ Markapita karucho kaykäyaptinnami juknin ángel nirqan: <>.

¹⁸ Sayno niyaptinmi Lot nirqan: <<¡Ichiklata shuyaykuyayraq, taytakuna!

¹⁹ Qamkunaqa ali runa karmi kuyapäyämashpayki mana wanuyänäpaq jorqayämashkanki. Markata jukla ushakäsiyaptikiqa jirkaman manaraqpis char lätaykachaykaqtachir ushayämanqa.

²⁰ Taqay taksha markalaman qeshpirkuyashqäyaq shuyaykuyay, taytakuna. Say takshala markataqa ama ushakaykasiyälaysu>>.

²¹ Saymi ángel nirqan: <

²² Sayno kaykaptinqa jukla say markaman qeshpikuyay. Sayman manaraq chäyaptikiqa ushakäsinäpaq kaq markata manaraqmi ushakäsishaqraqsu>>. Saypita pasanami say markata jutisirqan Zoar jutin kananpaq.

²³ Inti mashtaykaptinnami Zoarman Lot charqan.

²⁴ Chaykuptinnami Sodoma y Gomorra markakunaman azufrintin ninata Tayta Dios tamyasimurqan.

²⁵ Say markakuna kayashqan pampakunacho runakunata, uywakunata y lapan imaykatapis chipyaqmi nina usharqan.

²⁶ Lotpa warminmi isanqa qeshpiykashqancho qepapa tikraykur kachi rumiman tikraskirqan.

²⁷ Saypita waraynin tutami Abraham aywarqan Tayta Dioswan parlashqan kaqman.

²⁸ Saypitami rikärirqan Sodoma y Gomorra markakunapita jornupitanöraq qoshtay sharkuykaqta.

²⁹ Saynömi Tayta Dios ushakäsirqan Lot tashqan pampacho kaq markakunata. Sayno ushakäsirpis Abraham manakush kaptinmi Lotta say markakunapita qeshpisirqan.

Lotpa warmi surinkuna imanöpa wawayuq rikakuyashqanpis

³⁰ Saypitami Zoarlacho tayta Lot fiyupa mansarirqan. Saymi ishkan warmi surinkunawan jalqaman aywakur machaylacho täyarqan.

³¹ Saychömi shulka nananta jipash nirqan: <

³² Sayno kaykaptinqa papäninsita shinkaykasir paywan punushun noqansicho surin yuriptin ayllunsikuna mana ushakänanpaq>>.

³³ Saymi wilanakuyashqan sakay shinkashqanyaq papäninta vïnuta qarayarqan. Nirkurnami qechpa kaq jipash papäninwan punurqan. Papäninqa shinkash karmi mayarqansu imay höra surin yaykapashqanta ni yarqushqantapis.

³⁴ Waraynin junaqmi qechpa kaq jipash shulka nananta nirqan: <>.

³⁵ Sayno nirmi say sakaypis papäninta yapay upyasiyarqan. Nirkurmi shulka kaq surinna papäninwan punurqan. Fiyupa shinkash karmi papäninqa mayarqansu imay höra surin yaykapashqanta ni yarqushqantapis.

³⁶ Saynöpami Lotpa ishkan surinkuna taytanpata qeshyaq rikakuyarqan.

³⁷ Mayor kaq wacharqan olquta. Say wamrapa jutinmi karqan Moab. Paypita miraqkunapitami moabita runakuna kaykäyan.

³⁸ Shulka kaqpis wacharqan olqutami. Say wamrapa jutinnami karqan Ben-ammi. Ben-ammipitanami amonita runakuna kaykäyan.