Génesis 12 - Tayta Diospa Wilakuynin

Abramta Tayta Dios promitishqan

¹ Juk junaqmi Abramta Tayta Dios nirqan: <

² <

³ Bendisishuqnikikunataqa bendisishaqmi. Maldicionashuqnikikunataqa maldicionashaqmi. Qam kaynikipami kay pasacho lapan casta runakunapis bendicionnïta chaskiyanqa>>.

⁴ Tayta Dios sayno niptinmi sobrinun Lotwan Abram aywakuyarqan. Haránpita yarqunan wisan Abram kaykarqan qanchis chunka pisqa (75) watayuqnami.

⁵ Canaánman aywakurmi warmin Saraita, sobrinun Lotta y Haráncho tarishqan lapan ashmayninkunata pushakurqan. Saynöpis uywankunata qatikurkur y lapan imaykankunatapis apakurkur aywakurqan. Canaánman chaykurnami

⁶ Siquem marka cercanyaq aywar Moripa sagrädu encina jachan nawpancho Abram tarqan. Say partichöqa cananeo runakunami taykäyarqan.

⁷ Saycho taykaptinmi Tayta Dios yuriparkur Abramta nirqan: <>. Saycho yuripashqanpitami altarta Abram perqarqan Tayta Diosta manakur adorananpaq.

⁸ Saypitanami inti jeqamunan kaqlä Bet-el simpan jalqaman aywakurqan. Saychömi toldunta ichisir tarqan. Saychöpis juk altarta perqarkurmi Tayta Diosta manakur adorarqan. Tashqan kaqpita inti jeqanan kaqlächömi Bet-el marka karqan. Hai markanami kaykarqan inti jeqamunan kaqlächo.

⁹ Saypitapis cercaman cercaman witirmi Neguevyaq charqan.

Egiptucho Abram tashqan

¹⁰ Taykashqan kaqcho seqaypa muchuy kaptinmi Egipto nacionman Abram aywakurqan saychöna tänanpaq.

¹¹ Egiptuman yaykuykashqanchömi warmin Saraita nirqan: <

¹² Egipto runakuna warmï kashqaykita musyaykur wanurasimarchir qamta warminpaq apakuyäshunki.

¹³ Mana wanusiyämänanpaq panï kashqaykita ninki>>.

¹⁴ Egiptuman Abram chaykuptinmi saycho taq runakuna Saraita rikayarqan kuyaylapaq kashqanta.

¹⁵ Egiptucho Faraónta mandäsiq runakunapis Sarai kuyaylapaq kashqantami rikayarqan. Sayno kuyaylapaq kashqanta wilayaptinmi palaciunman Faraón pushasirqan.

¹⁶ Saraita palaciuncho sarararmi Abramta qararqan uyshakunata, cabrakunata, wäkakunata, ashnukunata y camëllukunatapis. Saynölami ashmayninkunapaq olqutapis warmitapis qararqan.

¹⁷ Sayno kaptinpis Saraita apashqanpitami Faraónta lapan ayllunkunatawan fiyu qeshyawan Tayta Dios castigarqan.

¹⁸ Saymi Abramta qayaykasir Faraón nirqan: <<¿Imanirtaq kayta ruraykamashkanki? Sarai warmiki kaykaptin ¿imanirtaq wilamarqaykisu?

¹⁹ ¿Imanirtaq nimarqayki? Sayno nimaptiki warmïpaq apaykarnaqa jinachi paywan punümanpis karqan. Kananqa warmikita pushakurkur kaypita jukla waqranyay>>.

²⁰ Sayno nirmi Faraón makincho kaq runakunata kacharqan Egiptupita Abramta qarquyänanpaq. Saymi Egiptupita Abram aywakurqan warminta y imaykankunatapis apakurkur.