Génesis 11 - Tayta Diospa Wilakuynin

Babelcho törrita rurayashqan

¹ Say wisanqa lapan runakuna juk idiömalatami parlayaq.

² Inti jeqamunan kaqpita aywakurmi Sinar nishqancho jatunkaray pampata tariyarqan. Saychömi paykuna lapan täyarqan.

³ Paykunami wilanakur niyarqan: <>. Saymi wilanakuyashqannöla ladrilluta rurayarqan rumipa trukan saywan perqayänanpaq. Say ladrillukunatami breawan perqayarqan.

⁴ Saypitanami yapay wilanakur niyarqan: <>.

⁵ Saymi Tayta Dios jana pasapita urämurqan markata y törrita runakuna sharkaykäsiyashqanta rikaq.

⁶ Sayta rikaykurmi Tayta Dios yarpachakur nirqan: <

⁷ Sayno kaptinqa juk idiömalata manana parlayänanpaq aywar pantakäsishun. Saynöpami juk idiöma juk idiömatana parlar manana tantiyanakuyanqanasu imata parlaykäyashqantapis>>.

⁸ Sayno nirmi Tayta Dios lapan runakunata intëru pasaman mashtakäsirqan. Saynöpami sharkaykäsiyashqan markata ushayarqannasu.

⁹ Say markachömi Tayta Dios pïmay runakunata pantakäsir idiömanta jukman jukman tikrasirqan. Sayno pantakäsishqanpitami say markapa jutin karqan Babel. Manana tantiyanakurnami maysaypapis mashtakar runakuna aywakuyarqan.

Sempa surinkunapita miraqkuna

¹⁰ Kaychömi qelqaraykan Sempa surinkunapita y paykunapita miraqkunapitapis. Diluviu kashqanpita ishkay watatami Sempa surin Arfaxad yurirqan. Say wisan Sem kaykarqan pachak (100) watayuqmi.

¹¹ Surin Arfaxad yurishqanpita Sem kawarqan pisqa pachak (500) wata masraqmi. Sempa surinkuna warmipis olqupis kayarqanraqmi.

¹² Arfaxad kimsa chunka pisqa (35) watayuq kaykaptinmi surin Sala yurirqan.

¹³ Surin Sala yurishqanpita Arfaxad kawarqan chusku pachak kimsa (403) wata masraqmi. Arfaxadpa surinkuna warmipis olqupis kayarqanraqmi.

¹⁴ Sala kimsa chunka (30) watayuq kaykaptinmi surin Heber yurirqan.

¹⁵ Surin Heber yurishqanpita Sala kawarqan chusku pachak kimsa (403) wata masraqmi. Salapa surinkuna warmipis olqupis kayarqanraqmi.

¹⁶ Heber kimsa chunka chusku (34) watayuq kaykaptinmi surin Peleg yurirqan.

¹⁷ Surin Peleg yurishqanpita Heber kawarqan chusku pachak kimsa chunka (430) wata masraqmi. Heberpa surinkuna warmipis olqupis kayarqanraqmi.

¹⁸ Peleg kimsa chunka (30) watayuq kaykaptinmi surin Reu yurirqan.

¹⁹ Surin Reu yurishqanpita Peleg kawarqan ishkay pachak esqun (209) wata masraqmi. Pelegpa surinkuna warmipis olqupis kayarqanraqmi.

²⁰ Reu kimsa chunka ishkay (32) watayuq kaykaptinmi surin Serug yurirqan.

²¹ Surin Serug yurishqanpita Reu kawarqan ishkay pachak qanchis (207) wata masraqmi. Reupa surinkuna warmipis olqupis kayarqanraqmi.

²² Serug kimsa chunka (30) watayuq kaykaptinmi surin Nacor yurirqan.

²³ Surin Nacor yurishqanpita Serug kawarqan ishkay pachak (200) wata masraqmi. Serugpa surinkuna warmipis olqupis kayarqanraqmi.

²⁴ Nacor ishkay chunka esqun (29) watayuq kaykaptinmi surin Taré yurirqan.

²⁵ Surin Taré yurishqanpita Nacor kawarqan pachak chunka esqun (119) wata masraqmi. Nacorpa surinkuna warmipis olqupis kayarqanraqmi.

²⁶ Taré qanchis chunka (70) watayuq kaykar kimsa suriyuqnami karqan. Paykunapa jutinmi karqan Abram, Nacor y Harán.

Tarépita miraqkuna

²⁷ Kaychömi qelqaraykan Tarépa surinkunapita y paykunapita miraqkunapitapis. Tarépa surinkunami kayarqan Abram, Nacor y Harán. Haránpa surinnami karqan Lot.

²⁸ Ur markancho taykäyaptilanraqmi papäninpitapis mas puntata Harán wanurqan. Say markachöqa caldeo runakunami täyarqan.

²⁹ Abrampa warminmi karqan Sarai. Nacorpa warminnami karqan Haránpa surin Milca. Milcapa nananmi karqan Isca.

³⁰ Saraiqa qoluqmi karqan.

³¹ Ur markacho taykashqanpitami Canaánmanna Taré aywakurqan. Ur markaqa caldeo runakuna täyashqan markami karqan. Canaánman aywakurmi pusharqan surin Abramta, wilkan Lotta y lumsuynin Saraitapis. Aywaykäyashqancho Harán markaman chäyashpanmi saylachöna täyarqan.

³² Harán markacho taykarmi Taré wanurqan ishkay pachak pisqa (205) watayuq kaykar.