Gálatas 3 - Tayta Diospa Wilakuynin

Pablo lakikushqan

¹ ¡Mana tantiyakuq Galacia runakuna! Noqansi rayku Jesucristo cruzcho wanushqanta shumaqmi tantiyayarqayki. Sayno kaykaptinqa ¿pitaq kuchipa tulunta amupaykuyäshushkanki [lutan yachasikuyta chaskikuyänaykipaq]?

² Kanan mä wilayämay. ¿Qamkuna Moisés qelqashqan leykunata cumplirku o Jesucristupa wilakuyninta wiyar payman yärakurku Espíritu Santuta chaskikuyashkanki?

³ ¿Pasaypa mana tantiyakuqnaku kaykuyanki? Espíritu Santu yanapäyäshuptikimi Tayta Dios munashqanno kawayta qalaykuyashkanki. Sayno kaykaptinqa ¿imanirtaq Espíritu Santuta mana cäsur Moisés qelqashqan leykunata cumpliyta munaykäyanki?

⁴ Sayno karqa ¿manakaqlapaqsuraq Jesucristuta chaskikuyashqaykipita nakayashkanki? Manachi manakaqlapaqqa nakayankimansu karqan.

⁵ ¿Say leykunata cumpliyashqaykipitasuraq Tayta Dios Espíritu Santuta qoyäshushkanki? Saynöpis ¿leykunata cumpliyashqaykipitasuraq qamkunacho milagrukunata ruran? Manami saypitasu, sinöqa Jesucristupa ali wilakuyninta wiyar payman yärakuyashqaykipitami.

Abrahamno yärakur salvash kashqansi

⁶ Yärakuptinmi Abrahamtapis jusaynaqtana Tayta Dios chaskirqan.

⁷ Shumaq tantiyakuyay. Tayta Diosman noqansipis yärakurqa mayqan ayllu karpis Abrahampa ayllunmi kaykansi.

⁸ Tayta Diospa palabranmi nikan mana Israel runakunatapis payman yärakuyashqanpita Tayta Dios perdonananpaq kashqanta. Saymi ali wilakuyninta Abrahamta wilapar Tayta Dios nirqan: <>.

⁹ Saymi Tayta Diosman yärakur Abraham bendicionta chaskishqanno noqansipis bendicionta chaskiykansi.

¹⁰ Moisés qelqashqan leykunata cumpliyashqanpita salvash kayashqanta yarpaqkunaqa lapanpis maldicionädumi kaykäyan. Tayta Diospa palabranchöpis kaynömi qelqaraykan: <>.

¹¹ Sayno kaykaptinqa Moisés qelqashqan leykunawanqa manami mayqanpis salvakuyanqasu. Saypa trukanqa Tayta Diospa palabrancho nikan: <>.

¹² Moisés qelqashqan leykuna manami Diosman yärakur salvakunansipaqsu parlan, sinöqa kaynömi nin: <>.

¹³ Isanqa say leykunata cumpliyta mana kamäpakurmi maldicionädu karqansi. Saymi noqansipa trukansi maldicionädu runano wanur Jesucristo salvamashkansi. Tayta Diospa palabranchöpis kaynömi qelqaraykan: <>.

¹⁴ Jesucristupis sayno wanurqan Abrahamta Tayta Dios promitishqan bendicionta mana Israel runakunapis chaskikuyänanpaqmi. Saymi Jesucristuman yärakur Tayta Dios promitishqan Espíritu Santuta chaskikunsi.

Abrahamta Tayta Dios promitishqan

¹⁵ Wawqi panikuna, kananqa runakuna rurayashqan testamentuman tinkusiypami tantiyasiyäshayki. Musyashqansinöpis testamentuta rurar firmaptinqa manami pipis manakaqman churannasu ni imatapis yapannasu. Saynölami Tayta Dios promitishqanpis kaykan.

¹⁶ Pay promitishqanqa Abrahampaq y paypita miraqpaqmi kaykan. Manami Abrahampita lapan miraqkunapaq kashqantasu Tayta Dios nirqan, sinöqa paypita miraq juklaylapaq kashqantami. Sayno nir Jesucristupaqmi parlaykarqan.

¹⁷ Saymi nï: Abrahamwan pactuta [Cristucho] rurashqanpita chusku pachak kimsa chunka (430) wata qepataraqmi Tayta Dios leyninkunata Moisésta entregarqan. Qepataraq shamush karmi Abrahamta promitishqanta anulashsu.

¹⁸ Saymi Moisés qelqashqan leykunata cumplishqansipitasu salvacionta chaskinsi, sinöqa Abrahamta promitishqanta Tayta Dios cumpliptinmi. Moisés qelqashqan leykunata cumplishqansipita salvakunansipaq kaptinqa Tayta Dios promitishqanpis walälapaqmi kanman karqan.

Moisés qelqashqan leykuna imapaq kashqanpis

¹⁹ Sayno kaptinqa ¿imapaqtaq say leykuna kaykan? Say leykunata Moisésta entregarqan runakuna jusayuq kayashqanta tantiyakuyänanpaqmi. Saynöpis say leykuna karqan Jesucristo shamushqanyaqlami. Paymi kaykan Abrahamta Tayta Dios promitishqan runa. Saynöpis Tayta Dios leyninkunata angilkunawanmi Moisésta entregasirqan. Moisésnami say leykunata runakunata wilaparqan.

²⁰ Abrahamta promitirmi isanqa jukwan wilakasinanpa trukanqa kikin Tayta Dios parlaparqan.

²¹ Sayno kaykaptinqa ¿Tayta Diospa leyninkuna salvamänansipaqsuraq kaykan? ¡Manami! Say leykuna salvamänansipaq kaptinqa promitishqanta Tayta Dios manakaqmanmi churanman karqan. Salvamänansipaq kaptinqa leyninkunata cumplirmi salvakushwan karqan.

²² Isanqa Tayta Diospa palabran nikan lapansipis jusayuq kashqansitami. Jesucristuman yärakurraqmi Tayta Dios promitishqanta chaskikur salvakunsi.

²³ Jesucristuman manaraq yärakushqami Moisés qelqashqan leykuna munaynincho sararämarqansi. Sayno sararämarqansi Jesucristo shamushqanyaqmi.

²⁴ Surinta rïcu runa ashmayninpa makinman churashqannömi noqansitapis say leykunapa munayninman Tayta Dios churamashkansi. Sayno churamashkansi Jesucristo shamuptin payman yärakur salvakunansipaqmi.

²⁵ Wamra shaksharkur ashmaqninpa makincho manana kashqannömi Jesucristuman yärakur Moisés qelqashqan leykunapa munayninchönasu kaykansi.

Tayta Diospa wamranna kashqansi

²⁶ Wawqi panikuna, Jesucristuman yärakurnami kananqa Tayta Diospa wamrankunana kaykansi.

²⁷ Saynöpis bautizakushpansimi Jesucristuwan juklaylano kar paypa makinchöna kaykansi.

²⁸ Saymi Israel runa karpis mana Israel runa karpis, ashmay karpis mana ashmay karpis, olqu karpis warmi karpis Jesucristucho karqa Tayta Diospa wamranna kaykansi.

²⁹ Saynöpis Jesucristuta chaskikur Abrahampita miraqnami kaykansi. Saynöpami Abrahamta Tayta Dios promitishqanta noqansipis chaskinsi.