Éxodo 7 - Tayta Diospa Wilakuynin

Moiséspa tukrun culebraman tikrashqan

¹ Sayno niptinmi Moisésta Tayta Dios nirqan: <

² Qammi lapan nishqäkunata Aarónta wilanki. Paynami Faraónwan parlanqa Israel runakunata nacionninpita kachapäshunaykipaq.

³ Sayno parlapaptinpis Faraónpa shonqunta chukruyäsiptï manami juklaqa kachapäshunkisu. Mana kachapäshuptikinami mansariypaq castïgukunawan Egipto runakunata castigashaq.

⁴ Castigaykaptïpis Faraón manami cäsushunkisu. Saymi Egipto runakunata masraq castigarkur kuyashqä Israel runakunata tröpa tröparaq jorqamushaq.

⁵ Israel runakunata sayno jorqamuptïmi Egipto runakuna tantiyakuyanqa munayyuq Tayta Dios kashqäta>>.

⁶ Tayta Dios nishqannölami Aarónwan Moisés aywayarqan Faraónwan parlayänanpaq.

⁷ Faraónwan parlashqan wisan Moisés kaykarqan puwaq chunka (80) watayuq y Aarónnami kaykarqan puwaq chunka kimsa (83) watayuq.

⁸ Saypitami Moiséstawan Aarónta Tayta Dios nirqan:

⁹ <>.

¹⁰ Sayno niptinmi Moiséswan Aarón aywar Tayta Dios nishqannöla Faraónpa nawpancho lapantapis rurayarqan. Saymi Faraónpa y mandäsiqninkunapa nawpancho tukrunta pasaman Aarón jitaykuptin culebraman tikrarqan.

¹¹ Sayta rikaykurmi Faraónpis qayasirqan rikakuqkunata y brüjukunata. Paykunapis Aarón rurashqannölami rurayarqan.

¹² Saymi tukrunkunata pasaman jitaykuyaptin culebraman tikrarqan. Saychömi Aarónpa tukrun paykunapa tukrunkunata mikukurkurqan.

¹³ Sayta rikaykarpis Tayta Dios nishqannölami Faraónqa chukru shonquyar Moiséstawan Aarónta cäsurqansu.

Yawarman yaku tikrashqan

¹⁴ Saypitami Moisésta Tayta Dios nirqan: <

¹⁵ Waray tuta mayuman ayway Faraón armakuq aywaptin tinkupänaykipaq. Sayman aywar apanki culebraman tikraq tukruykita.

¹⁶ Faraónwan tinkur ninki: >. <<

¹⁷ Kananmi musyanki Tayta Dios pï kashqantapis. Tayta Dios nimashqannölami kay aptaraykashqä tukruwan mayuta wiruptï yawarman tikranqa.

¹⁸ Saymi mayucho pescädukuna wanur ushakäyanqa. Fiyupa asyaptinmi Egipto runakunapis say yakuta melanar upuyanqanasu> >>.

¹⁹ Mastapis Moisésta Tayta Dios nirqan: <>.

²⁰ Tayta Dios nishqannölami Moisés y Aarón lapanta rurayarqan. Saymi Faraónpa y mandäsiqninkunapa nawpancho mayuta tukrunwan Aarón wirurqan. Saymi jinan höra lapan yaku yawarman tikrarqan.

²¹ Saymi mayucho kaq pescädukuna wanuyarqan y mayupis wakayparaqmi asyarqan. Sayno asyaptinmi Egipto runakuna say yakuta upuyarqannasu. Saynöpami intëru Egiptucho lapan yaku yawarman tikrash karqan.

²² Saymi Egiptucho brüjukunapis yakuta yawarman tikrasiyarqan. Sayta rikarpis Tayta Dios nishqannölami Moiséswan Aarón niyashqanta Faraón cäsurqansu.

²³ Saymi imatapis mana cäsupaypa palaciunman Faraón kutikurqan.

²⁴ Mayu yaku mana upuypaq kaptinmi Egipto runakuna mayu kuchunkunacho pözukunata uchkuyarqan saypitana chuya yakuta upuyänanpaq.

Saysika rasak yurishqan

²⁵ Mayuta wirusishqanpita qanchis junaqtami