Éxodo 36 - Tayta Diospa Wilakuynin

¹ Saymi Bezaleel, Aholiab y wakin yachaq tantiyaq runakunapis Tayta Dios nimashqansino Tinkuna Sagrädu Tolduta sharkasiyanqa. Paykunatami Tayta Dios habilidäta qosh Tinkuna Sagrädu Tolduta y manëjunkunata rurayänanpaq>>.

Sagrädu Tolduta rurayänanpaq pusuy pusuy apayashqan

² Aruyta qalaykuyänanpaqmi Bezaleelta, Aholiabta y wakin yachaq tantiyaq runakunatapis Moisés qayarqan. Paykunaqa aruyänanpaq listumi kaykäyarqan.

³ Tinkuna Sagrädu Tolduta rurayänanpaqmi Israel runakuna apayashqan ofrendakunata paykunata Moisés entregarqan. Say jananmanmi Israel runakuna voluntäninpita cada tuta mas ofrendakunata apayarqan.

⁴ Saymi aruykashqanta kachaykur Tinkuna Sagrädu Tolducho aruqkuna

⁵ Moisésta wilaq aywar niyarqan: <>.

⁶ Saymi runakunata intëru campamentupa Moisés wilakasirqan: <> nir. Sayno wilakasiptinmi runakuna manana apayarqannasu.

⁷ Lapanta rurayänanpaqpis pusuy pusuynami karqan.

Sagrädu Tolduta rurayashqan

⁸ Sagrädu Toldupaqmi mas habilidäyuq runakuna chunka bayëtata awayarqan llanula puskash lïnu jïlupita y azul, granäti y puka milwa jïlukunapitapis. Say bayëtakunamanmi querubinkunata bordayarqan.

⁹ Say chunka bayëtakunaqa say tamäñulami kayarqan. Cada bayëtapa larguyninmi karqan chunka ishkay metru pulannin (12.5). Anchuyninnami karqan ishkay metru.

¹⁰ Pisqa bayëtakunata larguynin kaqpa jirayarqan juklaylanöla kananpaqmi. Saynölami jirayarqan pisqa kaq bayëtakunatapis.

¹¹ Nirkurnami say ishkan jirayashqan bayëtakunapa larguynin kaq kuchunman azul jïlukunata pataparkur ojalnin kananpaq churayarqan.

¹² Pisqa chunkatami (50) rurayarqan jukaq bayëtapa kuchunpaq y pisqa chunkatanami rurayarqan jukaq bayëtapa kuchunpaq. Saynöpami ishkan bayëtakunapa ojalninkuna frenti frenti shequräyänanpaq kayarqan.

¹³ Ojalninkunapita shequyänanpaq qoripitami rurayarqan pisqa chunka ganchukunata. Say ganchukunawan ishkan jirayashqan bayëtakunata shequyaptinmi juk toldulana karqan.

¹⁴ Say jananman qatayänanpaqnami cabrapa aqsanpita chunka juk bayëtakunata awayarqan.

¹⁵ Say bayëtakunaqa lapanpis say tamäñulami kayarqan. Cada bayëtapa larguynin karqan chunka kimsa metru pulanmi (13.5). Anchuyninnami karqan ishkay metru.

¹⁶ Nirkurnami pisqa bayëtakunata larguynin kaqpa jirayarqan juklaylano kananpaq. Saynölami soqta kaqkunatapis larguynin kaqpa jirayarqan juklaylano kananpaq.

¹⁷ Saynöpis ojalkunata jïlupita rurarkurmi say jirayashqan bayëtakuna tinkunanpaq kaq kuchunman churayarqan. Pisqa chunka (50) ojalkunatami churayarqan jukaq jirayashqan bayëtapa kuchunman y pisqa chunkatanami jukaq bayëtapa kuchunman churayarqan.

¹⁸ Say ojalkunapita shequnanpaqmi broncipita rurayarqan pisqa chunka ganchukunata. Saywan shequyaptinmi juk bayëtanölana karqan.

¹⁹ Say bayëtakuna jananpa qatayänanpaqmi rurayarqan pukaman tiñish uysha pirqashpita rurash tolduta. Say pirqashkuna jananmannami qatayarqan fïnu qarapita rurash tolduwan.

²⁰ Nirkurnami acacia qerupita marcukunata rurarkur derëchu ichisiyarqan.

²¹ Cada marcupa altuyninmi karqan chusku metru pulan. Anchuyninnami karqan soqta chunka pisqa (65) centïmetru.

²² Marcupura laqaränanpaqmi cada marcupa chakincho ishkay espïgata rurayarqan. Saynölami lapan marcukunatapis rurayarqan.

²³ Ishkay chunka (20) marcukunata rurayarqan sur kaqläman ichisiyänanpaq.

²⁴ Say marcukuna ichiyänanpaq rurayarqan qellaypita chusku chunka (40) jawiräkunanta. Cada marcupa ishkay espïgan kaptinmi cada marcupa ishkay jawiräkunanpis karqan.

²⁵ Saynölami ishkay chunka (20) marcukunata rurayarqan norti kaqläman ichisiyänanpaqpis.

²⁶ Saykuna ichiräyänanpaqpis qellaypitami chusku chunka (40) jawiräkunanta rurayarqan. Saynöpami cada marcupaq ishkay jawiräkunan karqan.

²⁷ Soqta marcukunata rurayarqan inti jeqanan kaqläpa ichisiyänanpaqmi.

²⁸ Qepan kaq esquïnankunapaqpis ishkay marcukunata rurayarqan.

²⁹ Say marcukunami esquïnacho tinkuq marcukunaman shumaq laqararqan. Jana kaq esquïnachömi juk arguëllawan shequrarqan. Ishkan esquïnanchöpis marcukunata saynölami ichisiyarqan.

³⁰ Saymi puwaq marcukuna saylächo kayarqan. Cada marcupami qellaypita rurash ishkay jawiräkunan karqan. Saynöpami saylächo chunka soqta jawiräkunan karqan.

³¹ Sagrädu Toldupa jukaq lädun marcukunata sakraränanpaqmi acacia qerupita pisqa travesäñukunata rurayarqan.

³² Saynölami jukaqläpaqpis pisqa travesäñukunata rurayarqan. Sagrädu Toldu qepanpaqpis pisqa mas travesäñukunatami rurayarqan. Say karqan inti jeqanan kaqläpami.

³³ Chawpi kaq travesäñuqa juk kuchunpita jukaq kuchunyaqmi ichiraq marcukunapa päsararqan.

³⁴ Say marcukunata y travesäñukunatapis qoriwanmi enchapayarqan. Travesäñukuna päsayänanpaqqa qoripitami arguëllankunata rurayarqan.

³⁵ Nirkurnami cortïnata awayarqan azul, granäti y puka milwa jïlukunapita y llanula puskash lïnu jïlupitapis. Saymanmi ishkay querubinkunata shumaq bordayarqan.

³⁶ Say cortïnatanami qoripita rurash ganchukunawan shequyarqan acacia qerupita rurash chusku jorconkunaman. Say jorconkuna qoriwan enchapashqami kayarqan. Jorconkunapa jawiräkuyänan qellaypita rurashqami karqan.

³⁷ Saypitami juk cortïnata awayarqan tolduman yaykuna punkupaq. Sayta awayarqan azul, granäti y puka milwa jïlukunapita y llanula puskash lïnu jïlupitapis. Say cortïna kuyaylapaq kananpaqmi shumaq bordayarqan.

³⁸ Cortïna waqiränanpaqmi pisqa jorconkunata ganchuntinta rurayarqan. Say jorconkunapa puntantapis arguëllankunatapis qoriwanmi enchapayarqan. Saynöpis jorconkuna ichiräyänanpaqmi pisqa jawiräkunanta broncipita fundiyarqan.