Éxodo 35 - Tayta Diospa Wilakuynin

Jamay junaqcho jamayänanpaq tantiyasishqan

¹ Lapan Israel runakunata shuntaykurmi Moisés nirqan: <

² Semänacho soqta junaq aruyanki. Qanchis kaq junaqchöqa sagrädu kaptin Tayta Diosta adorashpayki jamayanki. Pipis say junaqcho aruq kaqqa wanusishqami kanqa.

³ Jamay junaqchöqa maycho tarpis ninata ama sarisiyankisu>>.

Sagrädu Tolduta rurayänanpaq ofrendata shuntayashqan

⁴ Saypitanami Israel runakunata Moisés nirqan: <

⁵ Tayta Diospaq ofrendayta munarqa lapan voluntäninwan apayämunqa qorita, qellayta, broncita,

⁶ azul, granäti y puka milwa jïlukunata, llanula puskash lïnu jïluta y cabrapa aqsanpita puskash jïlutapis.

⁷ Saynöpis apayämunqa pukaman tiñish uysha pirqashta, fïnu qarata, acacia qeruta,

⁸ candelabru ratananpaq aceitita, sagrädu aceitimanpis inciensumanpis takusinanpaq mushkuq jachakunata,

⁹ ónice rumikunata y wakin kuyaylapaq rumikunatapis. Say rumikuna kayanqa mandaq cürapa efodnintawan pectoralninta adornayänanpaqmi.

Sagrädu Tolducho kaqkunata rurayashqan

¹⁰ <<

¹¹ Paymi nimash Sagrädu Tolduta ruranansipaq. Saymi ruranansipaq kaykan cuartunkuna, qatanankuna, ganchunkuna, marcunkuna, travesäñunkuna, jorconninkuna y jawiräkunankunapis.

¹² Saynöpis ruranansipaq kaykan Pactu Babul, wintukuna qerunkuna, babulpa sapanan, cuartuta ishkayman rakinanpaq cortïna,

¹³ mësa, wintukuna qerukuna, mësapa manëjunkuna, mësacho churaränanpaq jatusaq tantakuna,

¹⁴ aksi ratananpaq candelabru, candelabrupa manëjunkuna, mechërunkuna, aksi ratananpaq aceiti,

¹⁵ inciensuwan qoshnisikuna altar, say altar wintukuna qerukuna, sagrädu aceiti, mushkuq inciensu, Sagrädu Tolduman yaykuna cortïna,

¹⁶ sacrificiuta rupasina altar, broncipita rurash rejïllan, altar wintukuna qerukuna, altarpa manëjunkuna, jamakunantin broncipita lavatoriu,

¹⁷ patiupa cortïnankuna, patiupa jorconninkuna, jorconkunapa jawiräkunan, patiupa punkunta saparaq cortïna,

¹⁸ Sagrädu Tolduta ichisinanpaq estäcankuna waskantin y patiupa jorconninkunapa estäcankuna waskantin.

¹⁹ Saynöpis ruranansipaq kaykan Tinkuna Sagrädu Tolducho cüra Aarón jatikunanpaq kaq sagrädu mödanakuna y surinkuna jatikuyänanpaq mödanankunapis> >>.

Ofrendata apayashqan

²⁰ Moisés sayno niptinmi Israel runakuna aywayarqan imatapis kashqanpita apayänanpaq.

²¹ Saymi Tinkuna Tolduta sharkasiyänanpaq ofrendata churayta munaqkuna Tayta Diospaq apayarqan. Saynöpis apayarqan manëjunkunata rurayänanpaq y cüra jatikunan sagrädu mödanakunata rurayänanpaqpis.

²² Saymi ofrendayta munaqkuna olqupis warmipis apayarqan tikpinkunata, zarcïllunkunata, sortïjankunata, walqankunata y qoripita rurash kaqtaqa imatapis. Saykunata lapantami Tayta Diospaq apayarqan.

²³ Saynöpis kashqanpitami apayarqan azul, granäti y puka milwa jïlukunata, llanula puskash lïnu jïluta, cabrapa aqsanpita puskash jïluta, pukaman tiñish uysha pirqashta y fïnu qaratapis.

²⁴ Saynöpis kashqanpitami Tayta Diospaq apayarqan qellaytawan broncita. Wakinqa Tinkuna Sagrädu Tolduta sharkasinanpaq apayarqan acacia qeruta.

²⁵ Puskayta yachaq warmikunapis apayarqan azul, granäti y puka milwa jïlukunata y llanula puskash lïnu jïlutapis.

²⁶ Saynöpis puskayta yachaq warmikuna cabrapa aqsanta puskayarqan.

²⁷ Israel runakunapa mandaqninkunana apayarqan ónice rumikunata y wakin kuyaylapaq rumikunatapis. Say rumikunaqa kayarqan mandaq cürapa efodnintawan pectoralninta adornayänanpaqmi.

²⁸ Saynöpis apayarqan aceitita candelabru ratananpaq. Saynöpis sagrädu aceitita rurayänanpaq y inciensuman takusiyänanpaqpis mushkuq jachakunata apayarqan.

²⁹ Ofrendayta munaqkuna olqupis warmipis kikinkunapa voluntäninpita apayarqan Tayta Dios nishqanno Tinkuna Sagrädu Tolduta sharkasiyänanpaq.

Habilidäyuq runakunata aruyänanpaq Moisés churashqan

³⁰ Israel runakunatami Moisés nirqan: <

³¹ Tayta Dios habilidäta qosh kaptinmi ima ruraytapis Bezaleel shumaq yachan.

³² Qoripita, qellaypita y broncipita kuyaylapaq kaqkunata rurananpaqpis habilidänin kanmi.

³³ Kuyaylapaq rumikunatapis laqlayta yacharmi sararäkunanta shumaq rurar kamaraqla kananpaq siguran. Saynölami qerupitapis rurayta yachan y tukuy niraq kuyaylapaqkunata ruran.

³⁴ <

³⁵ Ishkantami Tayta Dios habilidäta qosh imatapis kuyaylapaqta rurayänanpaq, azul, granäti y puka milwa jïlukunawan y llanula puskash lïnu jïlukunawan imatapis bordayänanpaq y kuyaylapaqkunata awayänanpaqpis.