Éxodo 33 - Tayta Diospa Wilakuynin

Israel runakuna aywar sïguiyänanpaq Moisésta tantiyasishqan

¹ Tayta Dios mastapis Moisésta nirqan: <

² Qamkunata yanapäyäshunaykipaqmi angilnïta kachamushaq. Sayman chäyaptikinami cananeo runakunata, amorreo runakunata, heteo runakunata, ferezeo runakunata, heveo runakunata y jebuseo runakunatapis qarqushaq.

³ Yakunöraq aska lichipis abëjapa mishkinpis kashqan nacionman aywayay. Mana cäsukuq kayaptikimi qamkunawan aywashaqsu. Qamkunawan aywarqa usharpis ushaykuyäshaykimi>>.

⁴ Tayta Dios sayno nishqanta Moisés wilaptinmi Israel runakuna fiyupa lakikuyashpan ali mödanata ni alhäjakunatapis jatikuyarqannasu.

⁵ Sayno lakikuyarqan Moisésta Tayta Dios kayno nish kaptinmi: <>.

⁶ Sayno niptinmi Horeb jirkapita aywakuyashqanpita pasa alhäjankunata ni ali mödanankunatapis Israel runakuna jatikuyarqannasu.

Tinkuna Tolducho Moiséswan Tayta Dios parlashqan

⁷ Israel runakunapa campamentunpita mas karu niraqchömi juk tolduta Moisés ichisirqan. Saytami jutisirqan Tinkuna Toldu jutin kananpaq. Pipis Tayta Diosta ashiyta munarqa say toldumanraqmi aywayaq.

⁸ Moisés sayman aywaptinmi Israel runakuna toldunkuna punkunman ichiykur rikaräyaq Tinkuna Toldu rurinman yaykushqanyaq.

⁹ Moisés yaykuptinmi say toldu punkuman ichiraykaq pukutay urämuq. Nirkurmi Moiséswan Tayta Dios parlashqanyaq toldu punkucho pukutay ichiraq.

¹⁰ Say toldu punkucho pukutay ichiraykaqta rikarmi lapan runakuna toldunkuna punkulanpita Tayta Diosta adorayaq.

¹¹ Amïgunwan runa parlaqnömi Moiséswan Tayta Dios parlayaq. Sayno parlarkurmi campamentuman Moisés kutiq. Moisésta yanapaq maqta Josuémi isanqa Tinkuna Toldulacho mana yarquypa täkuq. Josué karqan Nunpa surinmi.

Tayta Diospa qaqlanta Moisés rikayta munashqan

¹² Tayta Diostami Moisés nirqan: <

¹³ Rasunpaypa kuyapämashpaykiqa imata yarpashqaykitapis wilaykamay. Saynöpami kuyapaykäyämashqaykita tantiyashaq. Ama qonqaykulaysu kay runakunata kikiki akrashqaykita Taytay>>.

¹⁴ Saymi Tayta Dios nirqan: <>.

¹⁵ Sayno niptinmi Moisés nirqan: <

¹⁶ Mana walkiyämaptikiqa ¿imanöpata musyayäshaq noqakunata kuyapäyämashqaykita? Saynöpis ¿imanöpata musyayäshaq wakin casta runakunapita noqakunata mas kuyayämashqaykita?>>

¹⁷ Niptinmi Tayta Dios nirqan: <>.

¹⁸ Saymi Moisés nirqan: <>.

¹⁹ Sayno niptinmi Moisésta Tayta Dios nirqan: <

²⁰ Isanqa qaqläta manami rikankimansu. Pipis qaqläta rikaq kaqqa wanunqami>>.

²¹ Mastapis Tayta Dios nirqan: <

²² Nawpaykipa päsarmi qaqa kicharaykaqman yaykasishayki. Nirkurmi makïwan saparkushayki päsashqäyaq.

²³ Päsaskir makïta jorquriptïmi waqtalätana rikamanki. Qaqlätaqa manami rikankisu>>.