Éxodo 31 - Tayta Diospa Wilakuynin

Sagrädu Tolduta rurayänanpaq Bezaleeltawan Aholiabta akrashqan

¹ Tayta Dios mastapis Moisésta nirqan:

² <

³ Bezaleelman Espïritüta kachamurmi habilidäta qoshkä. Saymi ima ruraytapis shumaq yachan.

⁴ Qoripita, qellaypita y broncipita kuyaylapaq kaqkunata rurananpaqpis habilidänin kanmi.

⁵ Kuyaylapaq rumikunatapis laqlayta yacharmi sararäkunanta shumaq rurar kamaraqla kananpaq siguran. Saynölami qerupitapis rurayta yachan y tukuy niraq kuyaylapaqkunata ruran.

⁶ Payta yanapänanpaqmi Dan trïbupita Ahisamacpa surin Aholiabta churashkä. Saynölami nishqäkunata rurasinaykipaq qamkunacho kaq lapan yachaq runakunatapis habilidäta qoshkä.

⁷ Paykunami rurayanqa Tinkunansi Tolduta, Pactu Babulta, Pactu Babulpa sapananta y Tinkunansi Toldupa lapan manëjunkunatapis.

⁸ Saynöpis rurayanqa mësata manëjuntinta, qoripita candelabruta manëjuntinta, inciensuwan qoshnisikuna altarta,

⁹ sacrificiuta rupasina altarta manëjuntinta y jatun lavatoriutapis jamakunantinta.

¹⁰ Saynöpis rurayanqa Aarón jatikunanpaq sagrädu mödanata y surinkuna jatikuyänanpaq kaq mödanakunatapis.

¹¹ Saynöpis rurayanqa sagrädu aceitita y Tinkunansi Toldupaq inciensuta. Qamta yäsishqänölami lapantapis rurayanqa>>.

Jamay junaqpaq tantiyasishqan

¹² Tayta Dios mastapis Moisésta nirqan:

¹³ <

¹⁴ Jamay junaq sagrädu kaptinmi lapayki respitayanki. Say junaqta mana respitaq kaqtaqa wanusiyanki. Say junaqcho ima aruytapis aruq kaqtaqa Israel runakunapita qarquyanki.

¹⁵ <

¹⁶ Sayno kaykaptinqa Israel runakuna imaypis jamay junaqta respitayanqa. Sayno respitarmi paykunawan pactu rurashqäta cumpliyanqa.

¹⁷ Jana pasatapis kay pasatapis soqta junaqcho kamarkurmi qanchis junaqcho jamarqä. Saymi Israel runakuna cäsukayämashqanta musyanäpaq say junaq señal kanqa>>.

¹⁸ Sinaí jirkacho Moisésta tantiyarkasirmi ishkay parara rumikunaman dëdunwan qelqashqan mandamientunkunata Tayta Dios entregarqan. Say mandamientunkuna karqan paykunawan Tayta Dios rurashqan pactuta cumpliyänanpaqmi.