Éxodo 30 - Tayta Diospa Wilakuynin

Inciensuwan qoshnisikuna altarta rurasinanpaq tantiyasishqan

¹ <

² Say altarpa larguyninpis anchuyninpis chusku chunka pisqa (45) centïmetrumi kanqa. Altuyninmi kanqa esqun chunka (90) centïmetru. Chuskun kuchunkunacho altarwan juk piëzala kananpaq waqratano rurasinki.

³ Say altarta jananta, lädunkunata y waqrankunatapis qoriwan enchapasinki. Saynöpis intëru kuchunpa qoripita rebëtita ruraskir churasinki.

⁴ Say rebëti chakinpana cada esquïnanman qoripita arguëllakunata tanasinki. Say arguëllakunapami qeruta päsasiyanqa altarta wintuyänanpaq.

⁵ Say qerukunata acacia qerupita rurarkasir qoriwan enchapasinki.

⁶ Saypitana say altarta churanki Pactu Babulta saparaq cortïnapa jukaq lädunman. Say babulpa sapanan kaqchömi qamwan tinkushun.

⁷ <

⁸ Saynölami cada tardipis candelabruta sarisishqan höra say altarcho yapay inciensuwan qoshnisinqa. Aarón, surinkuna y paykunapita miraqkunapis noqapa nawpächo imaypis sayno rurayanqa.

⁹ Say inciensuwan qoshnisikuna altarchöqa ama jukniraq inciensuwan qoshnisinkisu. Saynöpis saychöqa ama rupasina sacrificiuta ni saki mikuy ofrendakunatapis rupasinkisu. Vïnutapis ama saymanqa winapankisu.

¹⁰ <>.

Sagrädu Toldupa gastunkunapaq qellayta shuntayashqan

¹¹ Moiséstami Tayta Dios nirqan:

¹² <

¹³ Lapan censash kaqkunami noqa Tayta Diospaq pulan siclo qellayta apayämunqa. Ofrendayashqan qellaytaqa Tinkuna Tolducho kaykaq pësakunawanmi pësayanqa. Say pësakunawan pësayaptinmi juk siclo qellay kanqa chunka juk grämu.

¹⁴ Ishkay chunka (20) watayuqpita janaman censash kaqkuna lapanmi noqa Tayta Diospaq sayno ofrendata apayämunqa.

¹⁵ Mana ushakäyänanpaq ofrendata apamurqa rïcu karpis manami masta apamunmansu ni pobri karpis mënusta apamunmansu. Saypa trukanqa lapanpis iwal-lami pulan siclo qellayta apayämunqa.

¹⁶ Say qellayta Israel runakunapita chaskirqa Tinkunansi Tolducho gastukunapaq churanki. Saynöpami censakuyashqaykipita ushakäsiyäshaykisu>>.

Broncipita lavatoriuta rurasinanpaq tantiyasishqan

¹⁷ Mastapis Moisésta Tayta Dios nirqan:

¹⁸ <

¹⁹ Say lavatoriucho yakuwanmi Aarónpis surinkunapis makinkunata y chakinkunata maylakuyanqa.

²⁰ Tinkunansi Tolduman manaraq yaykur sayno maylakuyanqa mana wanuyänanpaqmi. Saynöpis maylakuyanqa altarcho noqapaq sacrificiuta manaraq rupasirmi.

²¹ Makinkunata y chakinkunata mana maylakurqa wanuyanqami. Say nishqäkunaqa imayyaqpis leymi Aarónpaq, surinkunapaq y paypita miraqkunapaqpis kanqa>>.

Sagrädu aceitita rurasinanpaq tantiyasishqan

²² Mastapis Moisésta Tayta Dios nirqan:

²³ <

²⁴ y soqta kïlu casia jachapa qarantapis. Saykunata pësanki Tinkunansi Sagrädu Tolducho kaykaq pësakunawan. Nirkur kimsa litru pulanta olïvupita rurash aceitita kamarikunki.

²⁵ Say shuntashqaykita lapanta takusinki perfümita ruraqkuna takusiyashqanno. Say kanqa sagrädu aceitimi.

²⁶ Say aceitita winapanki Tinkunansi Tolduta y Pactu Babulta.

²⁷ Saynöpis winapanki mësata manëjuntinta, candelabruta manëjuntinta y inciensuwan qoshnisikuna altarta.

²⁸ Saynöpis winapanki sacrificiuta rupasina altarta manëjuntinta y lavatoriutapis jamakunantinta.

²⁹ Sayno winapaptiki lapanpis sagrädunami kanqa. Saykunata töpaq kaqkunapis sagrädumi rikakunqa.

³⁰ <

³¹ Israel runakunata ninki:

³² Ama pimanpis lutalaqa say aceitita winapäyankisu. Lutala manijakuyänaykipaqqa say sagrädu aceititano ama rurayankisu.

³³ Pitapis say aceititano ruraq kaqtaqa o lutala jukta winapaq kaqtaqa Israel runakunapita qarquyanki> >>.

Inciensuta rurasinanpaq tantiyasishqan

³⁴ Tayta Dios yapaymi Moisésta nirqan: <

³⁵ Say lapan shuntashqaykiwan mushkuq inciensuta ruranki. Perfümi ruraq takushqanno lapanta shumaq takunki. Sayman mastaqa imatapis ama takunkinasu. Say inciensu sagrädumi kanqa.

³⁶ Pulanta shumaq ñuchu aqarkur Tinkunansi Tolduman apar Pactu Babul nawpanman churanki. Say inciensuqa seqaypa sagrädumi kanqa.

³⁷ Say inciensutanöqa ama ni pipis ruranqasu. Sagrädu karmi noqalapaq kanqa.

³⁸ Mushkupänanpaq say inciensutano ruraq kaqtaqa pitapis Israel runakunapita qarquyanki>>.